Zabalik dago D´elikatuz zentroa

COVID 19 pandemiaren eraginez, D´elikatuz Zentroa bere ateak istera behartua izan zen beste hainbat eraikin publiko eta museoen moduan. Hilabete zailak izan badira ere, ikastetxe taldeek eta elkarteek egindako erreserba guztiak bertan behera geldituta eta Aste Santua ere tartean izanik, aurrera egiteko ilusio osoz eta erakundeen garbitasun eta osasun gomendio guztiak betez ateak irekiko ditu ekainaren 1etik aurrera.

Goiz eta arratsalde egunero ohiko ordutegian egongo da irekita, abuztuaren 31 arte. Astelehenetik ostiralera 10:00-13:00 eta 16:00-19:00 eta asteburu eta jai egunetan 11:00-14:00 eta 16:00-19:00. 

Bisitari guztiei ahalik eta zerbitzu hoberena emateko helburuarekin ondorengoa izango da aplikatuko den protokoloa:

COVID 19 PROTOKOLOA D’ELIKATUZ

• Zentroaren aforoa herenera jeitsiko da, eta solairuz solairu zehaztuko da.
• Zentroko sarreran bisitariak eskuak desinfektatzeko hidrogel bat jarriko da. Nahitaez erabili behar da Zentrora sartu aurretik.
• Zentroan sartzen diren pertsonek nahitaez erabili behar dituzte maskarilak.
• Manpara bereizgarri bat jarriko da arreta-mahaian.
• Gidariak bisita egiteko babes-pantaila erabiliko du.
• Bisitaren barruan dastatzeko aukera izanez gero, gidariak maskarila erabiliko du dastaketa prestatu eta zerbitzatzeko.
• Dastaketa banakako plateretan zerbitzatuko da..
• Bisitariek ezin izango dituzte saltokian ikusgai dauden elementuak ukitu. Interesa izanez gero, zentroko langileek emango dizkiete.
• Zentroan dauden elementu taktilak gidak bakarri ikutu ahal izango ditu.
• Ordaintzeko metodo elektronikoak erabiltzea lehenetsiko da.
• Bisitatik bisitara bisitariekin kontaktua izan duten puntuak desinfektatuko dira, hala nola, aulkiak, komuna, eskudel edo barandilak …
• Zentroa egunero aireztatuko da, solairuz solairu dauden leihoak alde banatan irekiz.
• Komuna ezinbestekoa denean bakarrik erabiliko da, bertan ondorengoa ziurtatuz: eskuak lehortzeko papera, oinarekin irekitzen den zabor ontzia, eskuak garbitzeko xaboia eta xaboi desinfektantea.
• Igogailua kasu berezietan baino ez da erabiliko. Pertsona bakar batek erabili ahal izango du aldi bakoitzean.
• Solairu bakoitzaren edukiera une bakoitzean zehaztuko da.
• Bisitarien beroki, motxila eta aterkiak zabor-poltsa batean sartuko dituzte, eta poltsa horri izena jarriko diote. Bisita amaitutakoan, bisitari bakoitzak poltsa hartu, bere gauzak atera eta poltsa zakarrontzian utziko du.

Ordiziko turismo bulegoa ere bertan aurkitzen denez, ondorengo neurri gehigarriak hartuko dira:

• Informazio arreta gunean gehienez pertsona bat edo familia unitate berekoak badira 2 pertsona egotea aurrikusten da. Besteek kanpoan itxaron beharko dute dagozkion distantziak errespetatuz.
• Esku-orri nagusiak plastifikatuta ikusgai jarriko dira. Bisitariak informazio puntuko langileari eskatu eta berak emango dio eskatutakoa momentu oro. Esku-orriak ezingo dira bueltatu.
• Ez da idatzizko inkestarik erabiliko.
• Telefono edo e-mailez eskatutako informazioari formatu digitalean erantzungo zaio eta ez da posta normalez informaziorik bidaliko.