Buztuntzako eraberritze prozesuari egindako ekarpenak azaldu dituzte Urdanetako ikasleek
Partaidetza eta komunikazioa
Gaur goizean, Urdanetako ikasleak Udaletxean izan dira Buztuntza auzoko eraberritze prozesuaren ondorio eta proposamenak alkateari azaltzen.
Hilabete hauetan, ikasgelan lanketa egin dute auzoaren beharren inguruan, eta analisiak egin ostean beraiek garrantzizkoa deritzoten ekarpenak egin dituzte; hala nola, dauden aulkien berritzea, arbola gehiagoren beharra, zaborrontzi gehiago jartzea eta irisgarritasuna hobetzea. Orain, lanketa horretan ikasleek atera dituzten ondorioak Udal teknikariek landuko dituzte, eta ondoren berriz ere elkartuko dira proiektuaren hurrengo pausoak erabakitzeko.
Tipi enpresa ari da proiektuaren lanketa egiten. Ikusi hemen egindako elkarrizketa: "Buztuntza auzoan pasealeku ondoa berritzeko beharra nabarmendu da"
