Liburu Baby Klubak ikasturte berriari ekin dio

Liburu Baby Klubak gaur ekin dio ikasturte berriari, aurkezpen saio batekin, eta haur eta guraso asko elkartu dira bertan. Parte hartzen duten haur eta gurasoei liburu pack bana oparituko zaizkie; aurten ahalegin berezia egin da, haurreskola eta ikastetxeekin elkarlanean, familia bakoitzak sorta bana jaso dezan. 

Ainhoa Jimenez Ongizate, Berdintasuna eta Heziketa zinegotzia "oso pozik" agertu da, lehen saioak "sekulako harrera" izan duelako. "Haur pila bat etorri da, guraso asko eta aiton-amonak ere ikusi ditugu". Saio hauen helburua, "jolas momentu bat biziz eta gozatuz, haurrak txikitatik literaturara gerturatzea" dela azaldu du Jimenezek. Izan ere, Liburu Baby Kluba 0 eta 3 urte bitarteko umeei zuzenduriko jarduera ludiko eta didaktikoa da; beti ere, umeek heldu batek lagunduta parte hartzen dute. Liburu Baby Kluba jarduera kulturanitza da eta horregatik, euskaraz, gazteleraz eta ingelesez garatzen da.

Hurrengo saioak, azaroaren 7an (goizez) eta 21ean (arratsaldez) izango dira. Egitasmoan parte hartzeko, komeni da izena ematea, Liburutegian bertan, 943805633 telefono zenbakira deituta edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. posta elektronikora mezu bat bidalita.