Gipuzkoako hamabi sagardotegitako sagardoa dastatu ahal izango da Plaza Nagusian, 20:00etatik 00:00etara

Datorren larunbatean, hilak 12, Sagardo Eguna ospatuko da Plaza Nagusian. 20:00etatik 00:00etara bitarte, Gipuzkoako hamabi sagardotegitako sagardoa dastatu ahal izango da: Aburuza (Aduna), Iparragirre (Hernani), Izeta (Aia), Lizeaga (Astigarraga), Oiharte (Zerain), Olagi (Altzaga), Petritegi (Astigarraga), Satxota (Aia), Setien (Urnieta), Urbitarte (Ataun), Urdaira (Usurbil) eta Zalbide (Abaltzisketa). Gipuzkoako Sagardogile Elkartearekin lankidetzan antolatu da egun hau.

Sagardoa ez ezik, Ordiziako hainbat tabernak egindako pintxoak ere egongo dira. Hona tabernen zerrenda: Herrikoa, Pottoka, Haizpe, Pias, Etxetxo, Ostadar, Martinez, Leizea, Txindoki, Miami, Arantxa, Muñoz eta Majori kiroldegia.

Sagardo Egunarekin lotuta, joan den astean, Sagardo Dastatze gidatua egin zen D'elikatuzen Goierriko sagardogileen eskutik.