Ordizia Zabalik laguntzaren zortzigarren deialdiak eman du fruitua. Guztira, zortzi ekintzailek eman dute izena eta herriko merkataritza biziberritzen jarraituko dute honela. Ordiziako Udalak, 27.500 euroko aurrekontua bideratu du programa honetarako.

Ordiziako Udalak 'Ordizia Zabalik' laguntza programaren zortzigarren deialdia jarri zuen martxan orain gutxi, eta dagoeneko zortzi ekintzaile berri daude Ordizian.

“Belaunaldien arteko erreleboa, negozio berritzaileak eta ekintzaileei orokorrean zuzendutako laguntza programa da”, zehaztu du Maitane Alvarez alkateordeak: “programa honen helburua merkataritza lokal hutsak berreskuratzea da, pertsona ekintzaileen bidez, eta baita belaunaldi txikietan belaunaldien arteko errelebuari erantzuna ematea ere. Pozgarria da ikustea herrian urtez urte ekintzaile berriak ditugula”. Hain zuzen ere, Ordiziako merkataritza, ostalaritza eta zerbitzu enpresen eskaintza handitu duten proiektuak ondorengoak dira:

• Uriba gizonezkoen arropa denda
• Kalaka logopeda zentroa
• Maem masaje zentroa
• Hotel Ordizia
• Naparra harategia
• Black&White edergintza
• Miami taberna
• Satya Yoga zentroa

PERCOk, Ordiziako Merkataritza Eraberritze Plan Bereziak, jasotzen duen jarduketa-ildoetako bat zen Ordiziako merkataritza eta ekonomia suspertzea, Ordiziako merkataritza eta ekonomia biziberritu egiten zituena, merkataritza-lokalei erabilera berriak emanez; eta proiektu hori abian jartzearekin batera, Ordiziako merkataritza eta ekonomia biziberritu egin ziren, eta, horri esker, merkataritza-lokalei erabilera berriak eman zitzaizkien, eta, ondoren, horri jarraipena eman zaio oraingo zortzigarren deialdira iritsiz.

42 negozio berri guztira

Aurreko zazpi deialdietan, guztira 52 ekintzaile izan dira laguntza-programan, eta ekintzaileen jarraipena %80koa izan da (laguntza jaso dutenetik hamar bakarrik geratu dira bidean eta beste 42 negozioek aurrera egiteko aukera izan dute), oraingo honetan aurrekontua zortzi eskaera berriei erantzuna emateko baliagarria izan delarik. Oraingo deialdia Gipuzkoako Aldizkari Ofizialean 2022ko urtarrilaren 4an argitaratu zen, eta zortzi izan dira dagokion dokumentazioa aurkeztu eta laguntzaren esleipena jaso dutenak.

Tokiko merkataritza jasan dituen kontrako inguruabarrak kontutan hartuta, COVID pandemia baita online erosketak izan duen gorakada ere, aipatzekoa da 2020ko deialdian martxan jarri ziren hamar negozioak oraindik ere martxan daudela eta dagoeneko ia bi urte eman dituztela, proiektu berrien hasierak dituzten zailtasunei ere aurre eginez denak irekita mantentzen direlarik. Orain, aipatutako beste zortzi negozioa berri batzen zaizkiolarik.

Jakina da itxierak ere ematen direla bai arrazoi pertsonalengatik, negozioen titularren proiektu profesional berriengatik, tokatzen diren erretiroengatik edo bestelako arrazoiengatik, baina azken urteetan sektoreak jasan dituen krisi eta erronka berriei aurre eginez asko dira mantendu direnak baita asko ere Ordizia beraien merkataritza proiektuak finkatzeko leku egokia bezala ikusi duten ekintzaileak.

Azken hauei laguntzeko helburuarekin sortu zen 'Ordizia Zabalik' eta hiru norabidetan landutako proiektua da. Batetik, herrian ez dauden negozio berritzaileak erakarri nahi dira ekintzaile berrien bitartez. Bigarrenik, herriko gune desberdinetako beharrak asebete nahi dira, eta hirugarren eta azkenik, belaunaldi aldaketari erantzun bat eman nahi zaio. Oraingo honetan merkataritza, ostalaritza eta zerbitzu enpresen sektoreak daude ordezkatuta herriko kale edo gune desberdinetan kokatutako negozio berri hauen bitartez.

Beraz, Ordiziako Udalak 27.000 euroko diru partida bideratu zuen 2021ean diru-laguntza honetarako eta 2022ko aurrekontuetan ere dagokion zenbatekoa bideratuko dio. Diru kopuru hori ekintzaileei lokalaren alokairuaren zati bat ordaintzen laguntzeko erabilitzen da baita lokala erosketaren kasuan katastro-balioaren %4an laguntzeko, gehienez 3.000€. Alokairuaren kasuan, laguntza hori gehienez ere bi urtez jaso ahal izango dute ekintzaile berri hauek, 2021ko urtarriletik atzeraeraginezko izaerarekin: lehenengoan, Udalak %40 finantzatuko du (300 euro gehienez hilean) eta bigarrenean %25 (hilean 200 euro gehienez).

“Ordiziako merkataritza-dentsitatea azpimarratzekoa izanik, 200 bat establezimendu 10.000 biztanle baino gehiagorako, Udalak lehiakortasuna indartzen jarraitu nahi du eta udalerriko merkataritza-sektorea osatzen duten saltokien, zerbitzu-enpresen eta ostalaritza-establezimenduen jarraipena bermatu”, gehitu du Alvarezek.