Irailaren 2an  hasi eta hilaren 10 arte, iraungo du aurtengo Euskal Jaiak Ordizian. Aurreko urteetan bezala, egitaraua oparoa izango da. Besteak beste, datorren asteazkenean, irailak 6, egingo den aparteko azoka eta aurtengoan bere L. Urteurrena ospatuko duen latxa edo karrantzanako ardiaren esne gordinez egindako gazta-lehiaketa azpimarratu behar ditugu.

Oraingo honetan ere, Ordiziako azokan giro aparta izango dugu, eta goiz osoan zehar era guztietako lehiaketak eta erakusketak ikusi ahal izango ditu bisitariak.

Azken 10 urteetako txapelketetan lehen postua hiru aldiz irabazi duen gaztagileak URREZKO KUTXA GARAIKURRA irabazteko aukera izango du. 2.009. urtean irabazi zuen garaikurra lehenengo aldiz Elgoibarko Jesus Mª Ansolak eta 2013an Ricardo Remiro Eulateko artzainak bigarrenez. Aurtengoan  “S.C. Kortaria” gaztandegiko Julen Arburua (2018, 2019) eta “Ondarre” gaztandegiko Eneko Goiburu (2014, 2021) dira garaikur berezi hau irabazteko aukera dutenak.

Irailaren aurreneko asteazkeneko azokan bestelako lehiaketa eta erakusketak ere antolatu dira: Fruitu eta barazki-lehiaketa, Euskal Oiloaren lehiaketa-erakusketa, Perretxiku erakusketa, Gipuzkoako piriniar arrazako  behi-azienda lehiaketa eta Plaza Nagusian astero postua jartzen duten baserritarren Aipamen Berezia.

Ordiziako Euskal Jaiei buruzko informazioa aurki daiteke webgune honetan: www.ordiziakoazoka.eus

ARDI LATXAREN EDO KARRANTZAKOAREN ESNE GORDINEZ EGINDAKO GAZTEN L. LEHIAKETA

Aurtengoan bere L. Urteurrena ospatzen duen lehiaketa herrikoi hau Beti – Alai pilotalekuan izango da. Izen eman duten artzainek Idiazabal Jatorrizko Izendapena edo Artzain Gazta elkarteetan aurkeztu beharko dituzte gaztak irailaren 4rako, 12:00ak baino lehen, orduan amaituko baita izen emateko epea.

Gaztak Ordiziako D’Elikatuz Elikadura eta Gastronomia Interpretazio Zentroan jasoko dira irailaren 6an; eta goizeko 9:15etan gaztak Beti Alai pilotalekura eramango dituzte dantzari, txistulari eta dultzaineroek sortutako giroan eta desfile bat egingo da artzain, agintari, epaimahaikide eta Kofradiako kideekin.

Lehiaketa, goizeko 10:30etan hasiko da eta, eta hainbat sukaldari, gastronomia-adituk eta kazetarik osatuko du epaimahaia. Juan Mari Arzak sukaldaria Ordiziako Gazta Lehiaketako Epaimahaiko Lehendakaria izan da lehiaketa hasi zenetik, eta orain erreleboa Pedro Subijanak hartuko du. Juan Mari Arzak Ohorezko Lehendakari izatera pasako da  eta eskerrik beroenak helarazteko omenaldi txiki bat egingo zaio , urte guzti hauetan Ordiziako gazta txapelketaren alde egindako lanagatik. Aurten 13:30etarako irabazlearen izena izango dugu, eta hori jakin ostean, jarraian egingo da enkantea. Enkantea amaitu ostean aterako da familia-argazkia.

Aurtengoan, 2013. urteaz geroztik gazta-lehiaketan irabazle izan diren artzainen gazten salmenta puntuak, Beti-Alai pilotalekuko frontoi txikitik Zuhaiztira pasako dira, beste gazta saltzaileekin batera jarriz.

FRUITU ETA BARAZKI-LEHIAKETA, PERRETXIKO ERAKUSKETA

Jose Migel Barandiaran Plazan ere izango da zer ikusia, bertan egingo baita fruitu eta barazki-lehiaketa eta perretxiko-erakusketa. Azken honetan, Aranzadi Zientzia Elkarteko ordezkariak izango ditugu perretxikoen inguruko azalpenak ematen. Sariak Barandiaran Plazan bertan banatuko dira, eta bertan izango da Baserritarren Postuen Aipamen Berezia eta euskal oiloen lehiaketako sari banaketa ere, irailaren 6an, eguerdiko 12etan.

GIPUZKOAKO PIRINIAR ARRAZAKO BEHI-AZIENDA LEHIAKETA

Gipuzkoako piriniar arrazako behien lehiaketa Garagartza Plazan izango da. Herrialdeko abeltzainek bertako piriniar arrazako ganadua jarriko dute erakusgai. Lehiaketaz kanpo,  idiskoen erakusketa ere izango da.

Aurten ere ganadu-lehiaketa herrialde mailakoa izango da, eta soilik piriniar arrazako ganaduena izango da.

Sariak 13:00etan banatuko dira Garagartza Plazan.

PLAZA NAGUSIKO BASERRITARREN POSTUEN AIPAMEN BEREZIA

EUSKAL OILOEN XL. ERAKUSKETA- FERNANDO OROZCOREN OROIMENEZKO XVIII. SARIA

Ordiziako Plaza Nagusian asteazkenero parte hartzen duten baserritarrei Aipamen Berezia egingo zaie. Ordiziako azokara leial etortzen diren baserritarren esfortzuari eman nahi zaio balioa Aipamenarekin.

Joxe Miel Barandiaren Plazan Oiloen LX. lehiaketa-erakusketa / Fernando Orozcoren Oroimenezko XVIII. Sarian honako arrazak aurkeztuko dira: marraduna, gorria, beltza, zilarra eta lepasoila.

AZOKA BEREZIKO BESTE POSTU BATZUK

ZUHAIZTIAN, Beti Alai frontoiaren parean, azken hamar urtetako gazta lehiaketako irabazleen gaztak salgai egongo dira ,beste gazta ekoizle batzuekin batera eta, gainera, Arabar Errioxako eta Nafarroako zenbait ardo-egile, eta sagardogileen postuak ere jarriko dira. Ordiziako erdiguneko kaleetan, berriz, eskuz egindako nekazaritzako elikagaien salmenta-postuak egongo dira; hala nola, ogia, taloak, eztia, euskal pastela, gozokiak...

www.Ordiziakoazoka.eus webgunean daukazue Ordiziako Euskal Jaiei buruzko informazio guztia.

(Honekin batera duzue, atzean,  Euskal Jaietako egitarau osoa).

 URREZKO KUTXA GARAIKURRA 2023 – GAZTA LEHIAKETA

 Beste behin ere Urrezko Kutxa Garaikurra irabazteko aukera izango du azken 10 urteetan lehen postua hiru aldiz lortu duenak: “S.C. Kortaria” gaztandegiko Julen Arburua (2018, 2019) eta “Ondarre” gaztandegiko Eneko Goiburu (2014, 2021) dira garaikur berezi hau irabazteko aukera dutenak.

Saria banatu eta hurrengo urtetik aurrera, berriro hasiko gara denbora-tartea zenbatzen sari berri bat banatu ahal izateko. 2009. urtean  irabazi zuen lehengo garaikurra Elgoibarko Jesus Ansolak eta 2013an Ricardo Remiro Eulateko artzainak lortu zuen.

ORDIZIAKO GAZTA LEHIAKETAKO AZKENEKO HAMAR IRABAZLEEN ZERRENDA

• Ricardo Remiro (Eulate)

• Karmele Murua (Segura)

• Jon Etxebarria (Zeanuri)

• Joseba Insausti (Ordizia)

• Jose Luis Odriozola (Aia)

• Julen Arburua (Lekaroz)

• Julen Arburua (Lekaroz)

• Patxi Lopez de Uralde (Larrea)

• Eneko Goiburu (Segura)

• La Leze (Ilarduia)

ARDI LATXAREN EDO KARRANTZAKOAREN ESNE GORDINEZ EGINDAKO GAZTEN L. LEHIAKETA

Ordiziako Udalak  Ardi Latxaren edo Karrantzakoaren esne gordinez egindako gazten lehiaketa  antolatu du aurten ere, Ordiziako Idiazabal Gaztaren Kofradiarekin eta Idiazabal Jatorrizko Izendapenarekin elkarlanean. Datorren irailaren 6an, asteazkenez, goizeko 10:30etan hasiko da lehiaketa, Ordiziako Beti-Alai pilotalekuan.

EPAIMAHAIA

Epaimahaia, besteak beste, gastronomia arloko jende ezagunak, kritikariek eta Idiazabal gaztaren inguruko kontuetan adituak direnek osatuko dute. Mahai bakoitzean honako kideak egongo dira:  sukaldari bat, kazetari bat eta Idiazabal Gaztetan aditua den teknikari bat.

 LEHENDAKARIA

 Juan Mari Arzak

 

TEKNIKARIAK

 Alfredo Fernandez            Idiazabal Jatorri Izendapeneko teknikaria

Carmen de Vega               Idiazabal Jatorri Izendapeneko teknikaria

Patxi Pérez Elortondo     Idiazabal Jatorri Izendapeneko teknikaria

Iñaki Etaio Alonso             Idiazabal Jatorri Izendapeneko teknikaria

Noelia Aldai                       Idiazabal Jatorri Izendapeneko teknikaria

Igor Hernandez Ochoa    Idiazabal Jatorri Izendapeneko teknikaria

Maria Jose García              Idiazabal Jatorri Izendapeneko teknikaria

SUKALDARIAK

           Hilario Arbelaitz                                        “Zuberoa” Jatetxea Oiartzun

Pedro Subijana                                         “Akelarre” Jatetxea de Donostia.     

Elena Arzak                                                “Arzak” Jatetxea Donostia    

Martin Berasategi                         “Martin Berasategi” Jatetxea  Lasarte

Xabier Zabaleta                 “Aratz” Erretegia Donostia / Jakitea Elkartea                     

Nicolás Ramírez Jiménez                           “Túbal” Jatetxea Tafalla                                         

Najat Kaanache                                            “Nur” de Fez (Marruecos)                 

Andoni Luis Aduriz                                   “Mugaritz”  Jatetxea Errenteria     

Lourdes Rekondo                                   “Rekondo” Jatetxea Donostia

       

 KAZETARIAK

Mikel Zeberio                        Kazetari Gastronomoa "PETRA MORA/ BCC

Mitxel Ezkiaga                              “DIARIO VASCO“ kazetaria       

Martxelo Otamendi                                  “BERRIA” kazetaria.

Jordi Feliu                                               Kazetari eta gastronomian aditua

 

GONBIDATUAK

Jose Mari Aizega               Basque Culinary Center. Zuzendaria  

Victor Manuel                                                  Abeslaria

Emma García                                         Kazetari eta aurkezlea

Quino Martínez            Gipuzkoako Ostalaritza Elkarteko Idazkari Orokorra

 

 

SARIAK

Gazta-lehiaketak 50 urte betetzen dituen honetan, azken urteetako diru sariek igoera izango dute (lehen eta bigarren saria):

LEHEN SARIA: 2000 euro – TXAPELA, KUTXAren garaikurra – 12.000 etiketa esaldi honekin: ORDIZIAKO TXAPELDUNA, ARTZAINAREN IZENA eta URTEA  eta Diploma        

BIGARREN SARIA:  1000 euro, ORDIZIAKO UDALAren GARAIKURRA eta Diploma       

HIRUGARREN SARIA:   500 euro, ORDIZIAKO UDALAren GARAIKURRA eta Diploma     

LAUGARREN SARIA: 250 euro eta Diploma

BOSGARREN SARIA: 220 euro eta diploma

Ordiziako Gazta Lehiaketaren Ekitaldi honetan. FINALISTA DIPLOMA bana emango zaie azken dastaketarako sailkatutako 14 artzainei.

ENKANTEA

Ordubata terdiak eta ordubiak bitartean eta gazta lehiaketaren sailkapena ezagutu ondoren gazta irabazlearen enkantea egiten da. Enkantea da, ezbairik gabe, gazta lehiaketaren unerik ikusgarrienetako bat. Enkantean jasotako dirua egoitzan edo euren etxeetan dauden adineko pertsonentzat zuzenduko da. Diru horrekin, bakarrik daudenei etxean edo etxetik irteteko laguntza eskainiko zaie eta egoitzan bertan aisialdiaz gozatzeko ekintzak burutuko dira. Ekintzak Ordiziako Nagusilan bezalako elkarte eta beste herriko eragileek sustatuko dituzte.

GAZTA-ENKANTEAREN BILAKAERA

URTEA	DIRU-KOPURUA	EROSLEA
1980	12.000	JUAN Mª ARZAK, “ARZAK”
1981	15.000	JOSE JUAN CASTILLO “NICOLASA”
1982	28.000	ERRASTI “GURIA”
1983	42.000	PEDRO SUBIJANA “AKELARRE”
1984	65.000	EVARISTO GARCIA
1985	110.000	ZACARIAS PUENTE
1986	115.000	SEBASTIAN AZPIRI
1987	135.000	“BILORE”
1988	190.000	“QUESOS ALDANONDO”
1989	210.000	“BARTOLO” JATETXEA
1990	260.000	“EGOSARI” JATETXEA
1991	360.000	“EGOSARI” JATETXEA
1992	385.000	“PATXI” JATETXEA
1993	390.000	“SUPER AMARA”
1994	450.000	“SUPER AMARA”
1995	500.000	“ELUTXETA” SAGARDOTEGIA
1996	550.000	“LA BARANDILLA” supermerkatua
1997	570.000	PRYCA OLABERRIA (Varela jn.)
1998	580.000	PRYCA OLABARRIA  (Varela jn.)
1999	600.000	“SUPER MATÍA” supermerkatua
2000	550.000	“LARZABAL” JATETXEA DONOSTIA
2001	610.000	“RAVELL” JATETXEA
2002	4.100  euro	ANGEL URANGA (PINTOREA)
2003	5.100 euro	“POTTOKA” ETA “MARTINEZ”
2004	12.100 euro	“PATXI ERRETEGIA” (LIERNIA)
2005	6.000 euro	CASTILLO HOTELA (OLABERRIA)
2006	6.200 euro	“EL CASERON” JATEXEA – ARMENTIA (ARABA)
2007	6.400 euro	JOAKIN ARRATIBEL “DIVINUS CATERING”
2008	6.700 euro	CASA EZEIZA (TOLOSA)
2009	12.000 euro	SUPER AMARA
2010	7.200 euro	DOLAREA HOTELA (Beasain)
2011	7.300 euro	RESTAURANTE PORRUE (Bilbo)
2012	7.400 euro	CATALANA OCCIDENTE  ASEGURU-ETXEA
2013	7.500 euro	BOLINTXO OKINDEGIA (BERGARA)
2014	13.050 euro	AMPO KOOPERATIBA (IDIAZABAL)
2015	7.600 euro	CATALANA OCCIDENTE
2016	8.000 euro	OKELETXE HARATEGIAK
2017	8.200 euro	CARREFOUR OLABERRIA
2018	8.750 euro	SAN SEBASTIÁN GASTRONOMIKA
2019	9.000 euro	BETI JAI BERRI JATETXEA (DONOSTIA)
2020	9.200 euro	TECNOMOTO
2021	9.400 euro	HOTEL EL CISNE (ZARAGOZA)
2022	9.600 euro	BODEGAS MITARTE (LABASTIDA)