Ordiziako Udalak, Idiazabal Gazta Kofradiaren laguntzarekin, XXXIX. Ordizia Txapeldun Sari Nagusia antolatu du biharko, urriaren 14rako. Lehiaketa Plaza Nagusian egingo da, goizeko 10:30etik aurrera.

Txapelketan parte hartzeko aukera izango dute iraileko gazta lehiaketetan garaile izan diren azken hamar artzainek, betiere jardunean badaude eta lehiaketaren oinarriak betetzen badituzte.

Aurtengo edizioan honako hauek lehiatuko dira:

•  Iñaki Ansola, Mausitxa (Elgoibar), 2005, 2007 eta 2009ko irabazlea.
• Ricardo Remiro, Remiro (Eulate), 2008, 2011 eta 2013ko irabazlea.
• Jon Etxebarria, Ipiñaburu (Zeanuri), 2012 eta 2015eko irabazlea.
• Joseba Insausti, Otatza (Ordizia), 2016ko irabazlea.
• Jose Luis Odriozola, Agerre Buru (Aia), 2017ko irabazlea.
• Julen Arburua, Kortaria S.C. (Lekaroz), 2018 eta 2019ko irabazlea.
• Patxi Lopez de Uralde, Larreako Gazta (Larrea), 2020ko irabazlea.
• Eneko Goiburu, Ondarre (Segura), 2021 eta 2023ko irabazlea.
• Eli Gorrotxategi, La Leze (Illarduia), 2022, 2024 eta 2025eko irabazlea.
• Unai Lekuona Ruiz de Luzuriaga (Araia), 2026ko irabazlea.

Epaimahai aditua

Goizeko 10:30ean hasiko da aurkeztutako gazten dastaketa. Epaimahaia sukaldariek, kazetariek eta Idiazabal Jatorri Izendapeneko teknikariek osatuko dute.

Epaimahaiburua Roberto Ruiz izango da, Villabona-Amasako Hika Upategia jatetxekoa. Teknikari lanetan, Idiazabal Jatorri Izendapeneko Patxi Perez Elortondo eta Maria Victoria Urresti arituko dira. Sukaldarien artean, Donostiako Rekondo jatetxeko Iñaki Arrieta eta Casa Urolako Pablo Loureiro izango dira. Kazetarien ordezkari, berriz, El Diario Vascoko Eli Belauntzaran eta Guia Repsol-eko Luisa Lopez Telleria arituko dira.

Lehiaketa honek Ordiziako gaztaren tradizioa eta Idiazabal jatorri izendapeneko gazta ekoizleen lana aitortzea du helburu.