Kirola

Kirola 2014.04.07

EH ITZULIA 2014. ORDIZIA-ORDIZIA ETAPA. ARGAZKI GALERIA

Alberto Contadorrek irabazi du eta Alejandro Valverde izan da bigarren 14 segundora

Alberto Contadorrek (Tinkoff Saxo) irabazi du Euskal Herriko Itzuliko lehen etapa, Ordizian. Alejandro Valverde (Movistar) izan da bigarren, 14 segundora. eta hirugarrena Michal Kwiatkowski (Omega Pharma-Quick Step) 34 segundora. Goizean goizetik txirrindularitza giro bikaina bizi ahal izan da Ordizian, baita Lazkaomendi, Okorro eta Gaintzako bi igoeretan ere. Valverde eta Contador bakarrik geratu dira Gaintzako bigarren igoeran, baina Contadorrek erasoa jo du azken 500 metroetan eta Gaintza lortutako aldea nahikoa izan du Ordiziako helmugan garaile izateko. Hemen dituzue ikusgai gaurko etaparen irudiak.

Irakurri gehiago ...

Kirola 2014.04.02

USABIAGA AHIZPAK ETA PAKO BULDAIN OMENDUKO DITUZTE ITZULIAN

Asteleheneko eta astearteko etapen hasieran zinta moztu eta oroigarria jasoko dute

Datorren astelehenean, apirilak 7, abiatuko da Ordiziatik Euskal Herriko Itzuliaren 54. edizioa. Lehen eta bigarren etapak Ordiziatik abiatuko direnez, batzorde antolatzaileak bi omenaldi prestatu ditu. Apirilaren 7ko etapa hasi aurretik, Ana eta Irene Usabiaga ahizpa ordiziarrak omenduko dituzte, txirrindulari munduan lortutako emaitza onengatik. Apirilaren 8ko etapan, berriz, Pako Buldain izango da omendua. Buldain 2012an hil zen, eta urte askoan Itzuliaren laguntzaile modura egin zuen lan. Zinta mozteaz gain, oroigarri bat ere jasoko dute ahizpa txirrindulariek eta Buldainen senideek.

Kirola 2014.04.01

EUSKAL HERRIKO ITZULIA 2014. UDALTZAINGOAREN OHARRA

Euskal Herriko Itzulia dela eta, hainbat kaletan ezingo da autorik egon, eta autoen zirkulazioa ere eten egingo da

Euskal Herriko Txirrindulari Itzuliaren 54. edizioa Ordizian hasiko da datorren astelehenean, hilak 7. Lehen etapa Ordizian hasi eta bukatu da, eta bigarren etapa ere Ordiziatik abiatuko da, hilaren 8an. Hori dela eta, lasterketaren antolatzaileen autoentzat eta txirrindularitza taldeen ibilgailuentzat gorde beharko dira herriko hainbat kale, eta horrek, igande goizetik hasita, eragina izan du herritarren egunerokoan. Autoen zirkulazioa ere eten egingo da herrigunean lasterketak iraun bitartean. Lasterketa egunetan Ordiziara etortzeko garraio publikoa erabiltzea gomendatzen du Udaltzaingoak.

Irakurri gehiago ...

Kirola 2014.03.31

ITZULIAN BOLUNTARIO MODURA LAN EGITEKO BIGARREN BILERA

Udaletxeko batzar aretoan izango da bilera bihar, apirilak 1, 19:00etan

Euskal Herriko Itzuliko lehen etapa eta bigarrenaren irteera antolatzen ari den batzordeak bigarren bilera bat antolatu du astebeteko epean itzulian boluntario modura lan egiteko prest leudekeen herritarrei begira. Joan den ostegunean egin zen lehen bilera Barrenan, eta herritar bakarra inguratu zen. Bigarren bilera hau bihar asteartea, apirilak 1, egingo da udaletxeko batzar aretoan, 19:00etan. Batzorde antolatzaileak gogorarazi du Goierriko gainerako herrietan 200 lagun baino gehiago prest azaldu direla boluntario modura lan egiteko. Itzuliari buruzko informazio guztia: www.itzulia.net.