1968. urtean, bi ordiziar, Eskitxabel eta Rubio, Aralar inguruan egin zuten mendi lasterketa apustua, Larraitz-eko eta San Miguel de Aralar-eko ermitak batzen dituen joan-etorriko ibilbidean zehar, hain zuzen. Txindoki AT taldeak hartu du aurten antolakuntza, Udalaren babes eta laguntzarekin.

“Ibilbide berbera jarraitzen zituzten lau edizio antolatu eta gero, aurten, Ordiziara gerturatu nahi izan dugu mendi lasterketa, plazatik irten eta inguruko mendiak zeharkatuz, Murumenditik behera Ordiziako plazara iristen den ibilbide batean”, zehaztu du Jon Ander Caballero, kirol zinegotziak.

Ordiziako Mendi Lasterketa, 2023ko otsailaren 12an, goizeko 09:00etan izango da. Irteera eta amaiera puntua Ordiziako plaza nagusia izango da. Izen ematea, berriz,  www.kronoak.com webgunean egingo da. Egun berean ezingo da  izen ematerik egin. Dortsal guztiak irteera gunean banatuko dira, Ordiziako plazan 7:00etatik aurrera.
Derrigorrezkoa izango da NANa aurkeztea dortsala eskuratzeko.

Ibilbidea: maratoi erdia (21 km): lasterketak maratoi erdiko distantzian egingo da, 1.000 m desnibel positibo eta negatibo izango dituelarik. Plazatik abiatuz Mariarats aldera, Agorta ingurutik Murumendi aldera hartuko dute bidea eta Pagorriagatik Murumendira igo eta Ordiziara itzuliko dira Ioiatik.

Kategoriak hauexek izango dira: Master+45, Senior, -23 eta ordiziarrak mutiletan eta nesketan Master+40, Senior, -23 eta ordiziarrak.

Goierri Kopa Trail

Gure lasterketa Goierri Kopa Trail lasterketen Ligako bigarren lasterketa da. Liga honen helburua, goierrira, jendea erakartzea da, bai parte-hartzaile eta baita ikusleak ere. Ligak bi kategoria ditu: Luzea (Trail): 20 - 26 km artean 1200 - 1700 m d+ Motza (Sprint): 10 - 17 km 500 - 900 m d+ Ordizikoa Trail distantziaren lehen lasterketa izango da. Zirkuitoa 9 lasterketek osatzen dute.

Aurten ere korrika amaitu dugu urtea Ordizian, Ordiziako XLV. Sansilbestre - ‘Txato’ Caballero memoriala proban. Aurten ere, iaz moduan, Eneko Agirrezabal eta Iraia Mendia izan dira irabazleak. Bigarren postua Ángel Vázquez eta Laida Elizegirentzat izan da eta hirugarrena Eñaut Insausti eta Ane Urteagarentzat.

Proba herrikoia baino lehen gaztetxoen lasterketak ere izan ditugu.
Hala, urteari amaiera ederra emateko aukera izan dugu aurten ere. Zorionak guztioi!

Izugarria Ordizian eta Ordiziako kirol taldeetan dugun kirolarien maila. Orain hilabete gutxi jarri zuen martxan Ordiziako Udalak Ordizia Kirol Sariak,, Ordiziako eta Ordiziako kirol taldeetan dabiltzan kirolariei aitortza egin eta aurtengo denboraldiko lorpenak zoriontzeko. 

Lau kategoriatan banatu dira sariak. Sari hauek banatzeko balorazio batzordea osatu da Ordiziako kirol elkarte bakoitzeko ordezkaritzarekin, kirol teknikari eta kirol zinegotziarekin batera. Hala, hauek izan dira sari nagusien irabazleak: 

Sari Nagusia: Iraia Mendia
Urteko kirol taldeari saria: Ordizia Rugby Elkartea
Kirolarien alde egindako lanagatik saria: Marcial Garmendia
Herritarren Saria: Andoni Zubiaurre. Kasu honetan, herritarrek aukera izan dute sare sozialen bidez etta whatsapp-etik haien bozka emateko. Guztira 600 bozka baino gehiago jaso dira eta irabazlea Andoni Zubiaurre izan da.

Horiez gain, diplomak ere banatu dira aurtengoan, kirolarien denboraldiari aitortza eginez. Hauek izan dira diploma jaso dutenak: Odei Rodriguez, Erlantz Garmendia, Amaia Erbinak, Aimar Alustiza, Ane Torres, Pedro García, Irenia Apaolaza, Lourdes Intxausti, Leire Tobar, Nora Tobar, Unax García, Samuel Vega, Ane Barandiaran, Danel Perez, Iraia Mendia, Dorleta Oiarbide, Andoni Zubiaurre, Paula de Juan, Ane Gonzalez, Hodei Caballero, Josu Goya, Oier Alkorta, Leire Jiménez, Endika Mate, Julen Goia eta Liher Sarriegi.

Zorionak guztioi egin duzuen denboraldi bikainagatik!

“Urtea amaitzeko aukera paregabea da Ordiziako San Silbestre proba. Aurten ere, giro paregabeaz gozatuko dugu korrika, jendetzaren animoak jasoz. 15 urtetik gorako pertsona guztiek parte hartzeko aukera izango duzue”, zehaztu du Jon Ander Caballero, Ordiziako Kirol Zinegotziak. “Aurten, gainera, doakoa izango da izen-ematea”.

Izen-ematea www.kronoak.com helbideak egin behar da.

Sariak, lehenengo hiru sailkatuentzat izango dira, honako kategorietan:
Kadete mutil eta neska

Senior mutil eta neska

Nagusi edo beterano mutil eta neska

Horrez gain, korrikalari guztiek medailla bat jasoko dute oroigarri bezala. “Aurten, Garaguneko kideekin batera egin ditugu medailla hauek”, gehitu du. “Korrikalari guztiei emango zaizkie medaillak, eta oso gustura gaude emaitzarekin”, zehaztu du.

Haurrentzako proba ere egongo da, noski. Benjamin, alebin eta infantiletan.

Helduen dortsalak jasotzeko: frontoi txikian, abenduaren 30an (10:00-12:00 eta 18:00-20:00), 31an (11:00-14:00), eta lasterketa hasi baino lehen. Dortsalak jasotzeko momentuan haurrek ere izena emateko aukera izango dute.

Probaren ostean dutxatzeko aukera egongo da Beti Alai pilotalekuan. “Eta urtea ederki amaitzeko, poteoa ere egongo da arratsaldean”, amaitu du zinegotziak.