Igande honetan, hilak 20, Ordiziako Altamira atletismo pista berritua estreinatuko da, parte-hartze libreko proben programa batekin. “Guretzako ohore bat da Federazioak Ordiziako Altamira pista aukeratu izana proba hauek egiteko; normalean Donostian egiten dira. Gainera, Txindoki Atletismo taldea ere buru-belarri ibili da ekintza guztia antolatzen, eta oso eskertuta gaude”, azaldu du Jon Ander Caballero, Ordiziako Kirol zinegotziak.

Gipuzkoako Atletismo Federazioak Txindoki Atletismo taldearekin batera antolatutako saioa da eta goizeko 10.30etan hasi eta 13.30ak arte luzatuko dira probak.

Hemen duzue ordutegia:

PROBEN HASIERA

10:30 Luzera gizonak

10:30 Pertiga gizon+emakume

10:30 100 metro hesidunak (0.76) Sub16-Sub18 Emakumeak

10:40 100 metro hesidunak (0.84) Emakumeak absolutua

10:50 100 metro hesidunak (0.91) S16

11:00 110 metro hesidunak (0.91) S18

11:00 Pisua Emakumeak

11:00 Altura Mujeres

11:10 110 metro hesidunak (1.00) S20

11:10 110 metro hesidunak (1.067) Absolutua

Aurreskua

11:20 3000 m. gizonezkoak

11:50 100 metro Emakumezkoak

12:10 100 metro Gizonezkoak

12:15 Luzera Emakumezkoak

12:15 Pisua Gizonezkoak

12:15 Altura Hombres

12:30 1000 m. Gizonezkoak

12:35 1000 m. Gizonezkoak

12:40 1500 m. Emakumezkoak

12:50 1500 m. Gizonezkoak

13:10 300 metro hesidunak. (0.76) S16 Emakumezkoak

13:15 400 metro hesidunak (0.76) Emakumezkoak

13:25 300 metro hesidunak (0.84) S16 Gizonezkoak

13:35 400 metro hesidunak (0.84/0.91) S18-Abs

Ostegun honetan, iluntzeko 20.00etan argitaratuko dira parte hartuko duten atleta guztien behin betiko irteera-zerrendak.

3.000 metrotan bi serie bakarrik egongo dira, serie bakoitzeko 15 atleta. 30 marka onenak onartuko dira, eta 2019ko apirilaren 1etik aurrera egindakoak izango dira baliozkoak.

1.500, 3.000 eta 5.000 puntutan lortutako markak hartuko dira kontuan. (1.500 eta 5.000 markak 3.000 markara itzuliko dira, zuzendari teknikoaren irizpidearen arabera).

Kontuan izan behar da World Athletics araudia, pistako lehiaketetarako baimenduta dauden zapatilei egiten diena erreferentzia, iltzeei zein leunei dagokienez. Proba bakoitza atera aurretik, parte-hartzaileen oinetakoak berrikusiko dituzte, eta indarrean dagoen araudia betetzen ez dutenek zapatilak aldatu beharko dituzte.

Aforo mugatua izango du ekintzak eta dagoeneko beteta dago.

Ikastaroetarako izen ematea martxoan egin zutenek asteazken honetan, hilak 16, izango dute aukera ikastaroetan izena emateko. Matrikulazio orokorra hilaren 18an zabalduko da.

Majori Kiroldegia berritu egin da eta egoera berri honetan kirol eskaintza zabala jarriko da martxan beste behin. Neurri bereziak hartuko dira, COVID-19ak eragindako pandemiaren ondorioz, eta herritarren segurtasuna bermatzea izango du helburu.

Jon Ander Caballero, kirol zinegotzia: “ikastaro interesgarriak jarriko ditugu berriz ere ordiziarren eskura. Ordizian kirolak izugarrizko garrantzia du eta horren adibide da urtero izena ematen duten erabiltzaile kopurua. Guretzat oso garrantzitsua da eskaintza zabala jartzea eskura, nahi duenak nahi duen kirola praktikatzeko aukera izan dezan”.

Espazio segurua egiteko baldintzak eta protokoloak ezarri dira Kiroldegian erabilpen guztietarako, eta kirol eskaintza ere hala antolatu da.

Gauzak horrela, kirol jarduerak irailaren 28an hasiko direla aurreratu du Odilo Rivela, Majori Kiroldegiko gerenteak: “data hori da kirol ekintzen hasiera emateko aukeratutako data. Horretarako aurretik izena eman beharko da, MajoriApp-ren bidez eroso eta azkarrena. Erabiltzaileei informazioa, berriz, email bidez bidaliko zaie”.

Honakoak dira datak:

- Irailaren 16ean goizeko 7etan aplikazioak martxoan ikastaroetan parte hartzen zutenei izena emateko aukera izango dute. Lehentasuna izango dute; gako bat iritsiko zaie mugikorrera izena emateko orduan erabiltzeko. Gako hori gabe ezin izango dute izenematea gauzatu.

- Irailaren 18an izenemate orokorra irikiko da, goizeko 07:00etan. Bertan libre gelditzen diren ikastaroetan izena emateko aukera izango da.

- Izena emateko epea irailaren 23an goizeko 7:00etan bukatuko da. Jarraian, aforoengatik beharra badago, zozketa egingo da. Kasu hori gertatuko balitz, ez da izena emandako ordena kontuan hartuko eta zuzenean zozketa egingo da guztien artean.

Ikastaroak

Caballerok gogorarazi du aurten ikastaroak antolatzeko “zailtasun handiak” izan direla COVID-19aren ondorioz, baina momentu hauetan “garrantzia handia” duela kirolak: “bereziki umeentzat, gainea, eskola kirola atzeatu egin da eta ez dakigu noiz hasiko den. Odilok azalduko duen bezala, umeentzat bideratutako ikastaro berriak aurkeztuko ditugu”.

Eskaintza bi esparruetan banatu da: uretako eskaintza eta areto ekintzak. Guztietan aforoak murriztu dira, pertsonen arteko kontaktua ez dagoela bermatzeko.

Uretako ekintzen barruan, bloke nagusiena haurren igeriketari dagokio. Bi talde bakarrik arituko dira batera eta ordutegi ezberdina izango dute, batez ere, aldagelatan ez topo egiteko. Talde bat igerileku txikian arituko da (zapaburu eta dordokak) eta bestea, aldiz, igerileku handian (maila altugoko ikastaroak).

Areto ekintzak gauzatzeko hiru gela ditu gaur egun Majori Kiroldegiak, eta hori kontuan izanda, eskaintza zabaltzearen aldeko apustua egin da. “Segurtasun distantziak bermatzeko aforoak aztertu dira. Gelen araberako aforoa izango da jarduera bakoitzean”, gehitu du Rivelak.

Eskaintzari dagokionez, helduen eskaintza zabaldu eta gazteena eta umeena berritu egin dira. “Distantzia bermatzeko eta kontaktu eza egotearen baldintzak hainbat ekintza ez antolatzera eraman gaitu”, onartu du gerenteak. Era berean, baina, ekintza berriak proposatu dira adin tarte guztietako erabiltzaileek kirola egiteko aukera izan dezaten. Helduen kasuan, MajoriFiten ordutegiak ugaritu dira eta Yoga ere eskaintzen da. Gazteentzako ere kirol eskaintza zabaldu egingo da eta horregatik sortu dira Gazte Zumba eta Gazte Majori Fit berriak. Txikienak ere ez dira ahaztu, eta Majori Warriors ekintza berritzailea prestatu da. Bertan, koordinazioa, oreka, habileziak, motrizitatea… landuko dituzte txikienek; finean, oinarrizko baldintza fisikoak modu egokian lantzeko eta garatzeko aukera.

Eskuoihalak

Gauza jakina da kiroldegiko ia jarduera guztietarako beharrezkoa dela bakoitzak bere eskuoihala eramatea. Hala, Ordiziako Udalak eta Majori Kiroldegiak elkarlanean sortutako eskuoihal berri bana banatuko die bazkide bakoitzari.

• Lanak amaitu berri dira eta datorren asteazkenetik aurrera erabilgarri egongo da

Amaitu dira Ordiziako Altamirako atletismo pistako berrikuntzak. Lanketa sakon baten ondoren hasi zituzten lanak maiatzean, Ordiziak bere beharretara egokitu den pista izateko.

“Asteazkenetik aurrera, abuztuak 12, erabilgarri egongo da pista berria”, zehaztu du Jon Ander Caballero, Ordiziako Udaleko kirol zinegotziak. OPSA, Obras y Pavimentos Especiales, S.A, izan da lanak egiteaz arduratu den enpresa. Lanen hasierako kostua 278.975,10 eurokoa izan bazen ere, lanak egiten ari ziren bitartean aurkitutako hainbat arazok, azkenean kostua 77.989,77 € handitzea ekarri dute.

Hasiera batean pistaren gainazala eraberritzea aurreikusten zen, oinarriaren egoera ona zela ondorioztatu zelako. Berrikuntza lanak hasi zirenean ordea, okerren zeuden oinarriaren zatiak konpontzen hasi zirenean, tenperatura altuekin ikusi zen oinarriaren azpian hezetasuna zegoela. Hezetasun hori ur geruza txiki batek eragiten zuen, beroarekin lurrundu, eta gainean duen edozer altxatzeko indarra duelarik. Horregatik, azkenean, oinarria ere berritzea erabaki da, pista oso-osoa eraberrituta.

In-situ deitzen den sistema erabiltzen du enpresa honek. Pista lautu ondoren, material berria momentuan jartzen dute, eta ondoren margotu. Pista urdin kolorekoa izango da.

Euskal Herriko eta kanpoko punta-puntako beste pista batzuk gertutik ezagutu ondoren sortu zen Altamirakoaren proiektua. Gipuzkoa osoan ez dago Ordiziako pistaren ezaugarriak dituen beste pistarik, eta horrek, une honetan Gipuzkoako erreferente bilakatu du.

Estalpe berria

Proiektu berritzailea izango da Ordizian egindakoa. Txindoki atletismo klubeko kideek hasieratik azaldu zuten euria egiten zuenean babesteko estalitako gune baten beharra. "Guri ideia ona iruditu zitzaigun, eta horregatik, eraikiko da falta den estalkia udazkenean", gaineratu du Caballerok. Altamirako pistaren kokapena eta forma ikusita, estalitako gunea harmailen azpian joango da, 45 metroko eremu estalia eta 2-3 kale hartuko dituena. Estalpe hau irailean amaitzea espero da.

Estalkiaz gain, kanpoko eraztun bat egokitu da pistako azken kalearen kanpotik, belar artifizialarekin pista osoa inguratuz. Honekin, espazio gehiago lortzen da korrikalariek euren entrenamendu osoak egin ahal izateko, 450 metro ditu kanpo eraztun honek. Horrez gain, luzera jauziko korridoreetako bat beste leku batera aldatu da, pisu gunetik gertu.

Pista zabaldu aurretik homologazioaren urratsa faltako litzateke. Prozesu horri astearte honetan emango zaio hasiera. Teknikariek materialak frogatu eta aztertuko dituzte, eta ondoren, dagozkion ziurtagiriak emango dizkiote pistari.

Majori Kiroldegiko langile guztiek negatibo eman dute egin zaizkien PCR probetan. Hala, gaurtik aurrera berriz ere martxan izango da kiroldegiko zerbitzua. Eremu guztietan erabili beharko da maskara, baita gimnasioan eta kanpoko igerilekuetan ere. Erreserbak APP bidez edo 943 80 58 80 telefonoan egin daitezke.