Erronka nagusia datorren udan Altamirako belarra aldatzea izango da

Ordiziako udal gobernuak errugbi eta futbol elkarteen kezka ezagututa, eta legealdi honetan zehar aurrekontuak onartzeko dinamika konplexua aintzat hartuta, kirol azpiegituretan egiteko hobekuntzak iragarri ditu. Proposamena atzo arratsaldean, osteguna, egin zen urtarrileko ohiko Osoko bilkuran aurkeztu  zien Udal taldeak oposizioko alderdiei, urgentzia bidez lantzeko proiektua exekuzio epeek horrela eskatzen baitute.

Jose Miguel Santamaria alkateak iragarri duenez, ‘datorren udan Altamirako belarra aldatzeko Majoriren alde kreditu transferentzia egiteko partida bat onartu dugu’. Obra honen aurrekontua 350.000 eurokoa da eta proiektu baten beharrik izan gabe esleitu daiteke, Majoriko Administrazio Kontseiluan adierazi zen bezala.

Obra gune lehorrean egingo da eta 18 hilabetez luzatuko da

Datorren astelehenean, azaroaren 19an, Majori berritzeko lehenengo faseari dagokion obra hasiko da. Lanak kiroldegiko barruko sarbideetan eta atxikitako eraikinean egingo dira eta 18 hilabete barru amaituko dira. Lehiaketara hiru enpresa aurkeztu ziren eta Moyua enpresak egingo du berrikuntza. Kostea 2.833.490 eurokoa da, BEZ barne.  Jose Miguel Santamaria alkateak,  Bittor Bolinaga Kiroletako zinegotziak eta Odilo Rivela kiroldegiko gerenteak ahalegin berezia egingo dela esan dute obragatik erabiltzaileek eragozpenik izan ez dezaten.

Kultura eta Kirol arloko Denis Itxaso foru diputatuak eta Ordiziako alkateak Majori kirol-eremua berritzeko hitzarmena sinatu zuten aurreko maiatzean. Akordio horren bitartez, Gipuzkoako Foru Aldundiak aurten 395.000 euroko ekarpena egingo dio Ordiziari, 2017-2020 aldirako kirol-ekipamenduen planaren barruan.‘Denboraz oso justu ibili ginen, epe barruan sartzeko, izan ere udal aurrekontuen behin betiko onarpena abuztuaren 8koa eta egun horretan bertan egin zen eskaera, aurretik dena prestatuta’.

Parte-hartzea, beharrak eta lehentasunak zehazteko gakoa

Ordizian sei haurrek parte hartzen dute astean bi saioetan

2017tik martxan dago eskola kirol egokituko programa Ordizian. Proiektu hau, ohiko Eskola kiroleko programan parte hartzeko zailtasunak dituzten umeei kirol hastapenerako esparru bat eskaintzeko beharretik sortzen da, jarduera honekin beraien motrizitatea, autonomia eta sozializazio gaitasuna garatu ahal izan ditzaten. Programa babesteko eta aurrera egiteko asmoz hitzarmena sinatu dute Gipuzkoako Kirol Egokituen federazioko Igor Otaegi presidenteak eta Jose Miguel Santamaria alkateak.

2018-2019 kurtsoan eskola kiroleko programa hau Gipuzkoako hamabi udalerritan eskaintzen da, Ordizia tartean.  Une honetan, eskola kirol egokituko sare honek 185 haur eta gazte biltzen ditu. Kurtso honetan sei haur daude Ordiziako taldean. Astean bi saio egiten dituzte Urdaneta eskolan eta kiroldegian.

Proiektu honen ildo orokorrak planteatzen direnean honako helburu hauek jarraitzen dira:

Mendiburuk, Olanok eta EITBk jasoko dute omenaldia Ordizian igandean

Ramon Mendiburu, Abraham Olano eta EITB omenduko dituzte asteburu honetan Ordizian ospatuko den IV Marino Lejarreta Klasikaren harira. Duela hiru urte ospatu zen, lehenengoz, Ordizian eta Ordiziarekin Marino Lejarretak izan duen harremana eskertzeko omenezko memoriala. Eta bueltan da laugarrenez Chapel Gorri elkarteak antolatuta Ordiziako Udalaren babesarekin. Prentsa aurrean ezagutzera eman dute aurtengo edizioa Jose Miguel Santamaria alkateak, Jose Luis Sanz Chapel Gorriko ordezkariak, Marino Lejarretak berak eta omendua izango direnen artean, Abraham Olano txirrindulariak.

Geroz eta gehiago dira parte hartzera animatzen diren kirolariak. Lehenengo edizioan 145 txirrindulariek hartu zuten parte, 335 izan ziren bigarrenean, iaz 405 eta aurten  455 txirrindulari gerturatuko dira Ordiziara igandean. Bederatzi talde emakumeez osatuta datoz aurten, iaz baino lau gehiago. 91 talde izango dira guztira.

Parte hartzaileen artean profesional izandako txirrindulariak daude. Hala nola, Marino Lejarreta, noski, eta  Abraham Olano (munduko txapelduna eta 47 garaipen izandakoa), Raimund Dietzen (24 garaipen), Pavel Tonkov (35 garaipen eta Italiako Giroa 1996ean), Juanma Garate, Arsenio Gonzalez, David Etxebarria, Jokin Mujika, Ezequiel Mosquera, Roberto Laiseka, Aitor Osa, Martín Perdiguero… Zerrenda luzea da, 74 izen profesionalez osatuta. Jakina, aurten ere bertan egongo da Serafín Zubiri abeslaria eta  David Llaurado, London eta Beijingo para-olinpiadetako txapelduna.

Omenduak