Juan de Amezketa kaleko zabor puntuari jarraipena egiten hasi dira

Orain hilabete batzuk Ordiziako Udalak, Sasieta Mankomunitatearekin batera, hondakinak lurrean ez uzteko kanpaina abiatu zuen. Aste honetan, kanpainako bigarren faseari eman zaio hasiera.

Herriguneko bost puntu ezberdin aztertuko dira. Hain zuzen ere, Sasietako teknikari bat egunean behin pasatzen da puntu horietatik, egoera zein den ikusteko. Gaueko txandan lurrean aurkitzen diren poltsak ez dira jasotzen, eta bereizgarria den pegatina bat jartzen zaie. Hurrengo egunean jaso, eta Sasietara eramaten dira. Banan bana zabor poltsak zabaltzen dira, ikusteko ea ondo dagoen birziklatuta edo ez. Identifikatuko balitz, isuna jarriko zaio zaborra lurrean uzteagatik. Lehen egun hauetan, Juan de Amezketako edukiontzi puntuari jarraipena egiten ari zaio.

“Eskatzen dugu zabor poltsak lurrean ez uzteko, baina baita ere behar bezala birziklatzeko. Beharrezkoa da arduraz jardutea eta konziente izateaz dagokion moduan birziklatzeak duen garrantziaz”, azaldu du Maitane Alvarez, Ordiziako alkateordeak.

Lehen fasean, komertzioak

Lehen fasean, 100 ostalari eta merkataritik gora bisitatu ziren, gogorarazteko zeintzuk ziren beraiek zaborrak ateratzeko ordutegiak. Bestalde, errefusa astean behin jasotzen zen, eta orain bi egunetan ahalbidetu da, azken finean, horrek ere lagunduko duelako zaborra ez horrenbeste pilatzen. Horrez gain, birziklapenaren inguruko zalantzak ere argitu ziren eta Sasietak kuboak ere banatu zizkien behar zituztenei.

COVID garaian ere aktibatzeko, hainbat tailer eta ekintza egingo dira. Izen ematea otsailaren 5a arte egongo da zabalik

Ordiziako Zuhaizti zentro sozialak aurtengo ikasturterako programa aurkeztu du. “Egitarau osoa da eskainiko duguna”, azaldu du Raquel Bravo, Zuhaiztiko juntako zuzendariak. Aurkezpenean izan dira Ainhoa Jimenez, Ongizate zinegotzia eta Odilo Rivela, Majori kiroldegiko gerentea.

“Guretzako ezinbestekoa da adineko pertsonei zuzendutako ekintzak antolatzea. Gure adinekoak osasuntsu mantentzeko, bai fisikoki eta baita psikologikoki ere”, azaldu du Ainhoa Jimenez, zinegotziak.

COVID garaian ere, aktibatu zaitez! egitasmoaren barruan, ordiziar heldu eta adineko guztiek (batez ere erretiratu eta pentsiodunek) parte hartzeko programa da aurkeztu dena. Kontuan izan behar da egungo egoera eta aldaketak eragin ditzakela antolatuko diren ekintzetan. Hala ere, halakorik gertatuko balitz, jakinaraziko da.

Hiru ataletan banatu dira ekintzak: Jarduera fisikoak eta kulturalak, Informatika eta komunikazioa, eta Osasuna eta ongizatea.

Lehen zatian honako ikastaroak eskainiko dira: adimena lantzen, Euskara Eskola, Jarduera Fisiko Lasaia, Pilates eta Aktibatu Zaitez, Mugi!. Azken bi ekintza hauek Majori Kiroldegian emango dira eta izen ematea ere bertan egin beharko da.

Informatika eta komunikazioari dagokionez, Pandemian bizi izan dugun konfinamendu egoeraren aurrean, argi geratu da sare sozialek garrantzi handia dutela komunikatzeko. Ikastaro hauetan tresnak eskaintzen dira, harreman birtualak nola izan ditzakegun jakiteko eta gure talde-jarduerak modu birtualean ere mantentzeko. Hala, sare sozialak, bideo deiak, Whatsapp eta Facebooken sakonduko da.

Azken atalean, bestalde, La Caixa banku-fundazioaren eta Ordiziako Udalaren arteko hitzarmenari esker, beste lau ekintza antolatu dira. Topaketak eta tailerrak egingo dira, ahalduntzeko estrategiak eta tresnak partekatzen dira taldean, norberaren bizi-esperientziatik abiatuta eta bizitza pertsonaleko proiektu atsegingarri eta motibatzaile bat sustatuta. Horrez gain, “Baikortasunean Bizi” tailerrari esker, helduaroan bizi-proiektua garatzen laguntzen duten ezagutza, teknika eta trebetasun psikoemozionalak landuko dira. “Zentzuz bizitzea COVID garaian” ere tailerra izango da. Hemen bizitzako alderdi garrantzitsuei buruz hausnartzeko balioko du; hala nola, galerak, zaintzak, bakardadea eta bizi-proiektua. Lagunen arteko irakurketa tailerrari dagokionez, solasaldi bidez esperientziak eta begiradak partekatuko dira.

Parte hartzeko deia

Jimenezek herritarrak ekintza hauetan parte hartzera animatzen ditu. “Tailer asko daude mota ezberdinetakoak, eta horrek eskaintza zabala jartzen du herritarren eskura. Bertan parte hartzeko gonbitea luzatzen diet ordiziarrei, izan ere, ekintza hauetan ziur asko ikasteko aukera izango dutela”. Otsailak 5 arte dago epea izen emateko.

Hutsik dauden lokal komertzialak berreskuratzea da helburu, belaunaldi aldaketa, negozio berriztatzaile eta ekintzaileen bitartez

Ordizia Zabalik laguntzaren zazpigarren deialdiak eman du fruitua. Guztira, hamar ekintzailek eman dute izena eta herriko merkataritza biziberritzen jarraituko dute honela. Ordiziako Udalak, 27.500 euroko aurrekontua bideratu du programa honetarako.

Ordiziako Udalak 'Ordizia Zabalik' laguntza programaren zazpigarren deialdia jarri zuen martxan orain gutxi, eta dagoeneko hamar ekintzaile daude martxan.

Belaunaldien arteko erreleboa, negozio berritzaileak eta ekintzaileei orokorrean zuzendutako laguntza programa da hau. Helburua merkataritza lokal hutsak berreskuratzea da, pertsona ekintzaileen bidez, eta baita belaunaldi txikietan belaunaldien arteko errelebuari erantzuna ematea ere.

Hemen zerrenda:

- Alberto Vesga, Sustrai frutandenda.

- Cristian Pop, Gastrobar Ipop taberna.

- Silvia Vecino, Serendipity arropa denda.

- M. Angeles Guerras, On Egin janari prestatua.

- Karlos Xabier Solis, KX Solis Osasun Zerbitzuak.

- Jhon Amechi, Pup Sarri taberna.

- Laila Reghif, Haizpe taberna.

- Sucesses Aigbovo, Eloghosa elikadura.

- M. Carmen Cabeza, MCoach zerbitzuak.

- Lilian Elizabeth Cañete, La Favorita elikadura.

Maitane Alvarez Sustapen eta Garapenako zinegotzia eta alkateordea, eta Aitor Velázquez, Merkataritzako teknikaria, izan dira aurtengo programaren onuradunekin. “Albiste pozgarria da herrian horrenbeste ekintzaile ditugula, eta programa baliagarria izan zaiela ikustea”, azaldu du Alvarezek.

Zazpigarren deialdia

PERCOk, Ordiziako Merkataritza Eraberritze Plan Bereziak, jasotzen duen jarduketa-ildoetako bat zen Ordiziako merkataritza eta ekonomia suspertzea, Ordiziako merkataritza eta ekonomia biziberritu egiten zituena, merkataritza-lokalei erabilera berriak emanez; eta proiektu hori abian jartzearekin batera, Ordiziako merkataritza eta ekonomia biziberritu egin ziren, eta, horri esker, merkataritza-lokalei erabilera berriak eman zitzaizkien, eta, ondoren, horri jarraipena eman zaio oraingo zazpigarren deialdira iritsiz.

Aurreko sei deialdietan, oraingoa kontuan hartu gabe, guztira 42 ekintzaile izan dira laguntza-programan, eta ekintzaileen jarraipena %75etik gorakoa izan da (laguntza jaso dutenetik hamar bakarrik geratu dira bidean eta beste 32 negozioek aurrera egiteko aukera izan dute.

'Ordizia Zabalik' hiru norabidetan landutako proiektua da. Batetik, herrian ez dauden negozio berritzaileak erakarri nahi dira ekintzaile berrien bitartez. Bigarrenik, herriko gune desberdinetako beharrak asebete nahi dira, eta hirugarren eta azkenik, belaunaldi aldaketari erantzun bat eman nahi zaio.

Beraz, Ordiziako Udalak 27.500 euroko diru partida bideratu du urte honetarako, eta diru kopuru hori ekintzaileei lokalaren alokairuaren zati bat ordaintzen laguntzeko erabiliko da baita lokala erosketaren kasuan katastro-balioaren %4an laguntzeko, gehienez 3.000€. Alokairuaren kasuan, laguntza hori gehienez ere bi urtez jaso ahal izango da, 2020ko urtarriletik atzeraeraginezko izaerarekin: lehenengoan, Udalak %40 finantzatuko du (300 euro gehienez hilean) eta bigarrenean %25 (hilean 200 euro gehienez).

Ordiziako merkataritza-dentsitatea azpimarratzekoa dela gehitu du Velazquezek: “200 bat establezimendu ditugu Ordizian 10.000 biztanle baino gehiagorako”. Udalak, hala ere, lehiakortasuna indartu nahi du eta udalerriko merkataritza-sektorea osatzen duten saltokien, zerbitzu-enpresen eta ostalaritza-establezimenduen jarraipena bermatu.