Ostiralean aurkezpena izango da Lourdes Odriozola historialariaren eskutik

Sagardoa euskaldunon edari nagusia izan zen eta funtsezko elikagaia izatera iritsi zen. Hala ere sagardogintzaren ibilbidea ez da homogeneoa izan eta arrazoi ezberdinek ondorioztatutako aldaketa garrantzitsuak bizi izan ditu historian zehar. “Sagardogintza gure baserrietan” erakusketak errealitate hau eta sagardoaren munduak euskal baserriarekin duen erlazioa erakutsi nahi ditu. VI. Mendetik gaur egunera arte sagardoaren munduak bizi izan dituen garapen eta gorabehera historikoak azaltzen dira testu, argazki eta grabatuez osaturiko 16 azalpen paneletan. D´elikatuzen Irailaren 4tik 27ra.                          

Irekiera ekitaldia: Irailak 4, ostirala 19.00tan. Tokia: D´elikatuz Zentroa

Juan Mari Burguera Legazpiko artistaren  lanak Ordiziako Barrena Kultur Etxean.

Irailaren 7tik 25era arte.

Inaugurazioa: irailak 4, ostirala, arratsaldeko 18:00etan.

Irailaren 7tik 25era Barrena Kultur Etxeko Erakusketa Aretoan Juan Mari Burguera (Lagazpi, 1956) artistaren lanak izango dira ikusgai. Erakusketa ohiko ordutegia izango du: Astelehenetik larunbatera, arratsaldeko 6etatik 8etara (Igandetan eta jaiegunetan itxita).

Katalogoa ikusi nahi baduzu SAKATU HEMEN

http://juanmariaburguera.blogspot.com.es/

Ostiral honetan hasiko dira ekitaldiak.

Dagoeneko prest dago 2015eko Euskal Jaietako behin betiko programa. PDF formatuan deskargatu dezakezue. SAKATU HEMEN PROGRAMA JAISTEKO

Frankismo-garaiko hezkuntzari buruzko eta Goierriko ikastolen sorrerari buruzko herri-antzezpena.

Herri antzerki bat ikusteko aukera izango da datozen Euskal Jaietan, Herri Antzokian, irailaren 4an gaueko 10:00etan hain zuzen. Sarrerak aldez aurretik eros daitezke (8 euro) Pottoka eta Kiko-Enea tabernetan eta D’Elikatuz gunean.

'Ez dira aspaldiko kontuak' antzezlanak 1936ko gerra ostean hasi eta ikastolen sorrerekin amaitzen diren garaiak azalduko ditu, 90 minutuko iraupena izango duen narrazioan. Segura, Goierri edo Euskal Herrian kokatua, gogorrak izan ziren urte horietan jendearengan nagusitu zen izua erakutsi nahi du antzerkiak, baina aldi berean, Frankismoaren amaieran, euskararekiko eta gizartearekiko ausardia izan zuten jende multzo baten lana oroitzeko ere balioko du.