Bilera Barrena Kultur Etxean izango da, arratsaldeko 19:00etan

Gaur asteazkena arratsaldeko 19:00etan Barrena Kultur Etxean Koadrilen bilera izango da honako gaiei buruz  hitz egiteko.

1.- Askekintza informazioa

2.- Jai egitaraua

3.- 25eko gaupasa

4.- Matutina

Bilera horretarako derrigorrezkoa da koadrilako partaide-kopuruaren zerrenda aurkeztea, bere arduradunaren helbidea, posta elektronikoa, izena eta ze motako musika eramango den adieraziz,  Koadrilen Egunerako kontuan hartzeko.

Pasa den astean Ordiziak Nanomagnetismoaren eta Spintronikaren Nazioarteko Batzarra hartu zuen, baita hari magnetikoaren inguruko jardunaldiak. Peter Grunberg eta Albert Fert, Nobel saridunen presentzia jaso da hainbat medioetan. Gaiaren inguruko berriak ikusi nahi badituzu sakatu beheko loturetan:

http://www.diariovasco.com/sociedad/ciencia/201506/29/magnetismoa-spintronika-izango-dituzte-20150629104917.html

http://www.diariovasco.com/tolosa-goierri/201506/30/leccion-inaugural-barrena-20150630000704-v.html

http://www.diariovasco.com/tolosa-goierri/201507/02/singular-solera-cientifica-20150702002317-v.html

Jantzien banaketa datorren astelehenean egingo dute antolatzailek.

Haur Danborradaren antolatzailek adierazi nahi dute jantzien banaketa datorren astelehenean, uztailak 6a, egingo dela “Zatozte” lokalean (tren geltoki aurrean). 1. mailatik aurrera banatuko dira jantziak, segidako ordutegiarekin:

15:00etan  DBH1 , 6. Eta 5. Maila

15:45etan   4. Maila

16:45etan   3. Maila

18 :00etan  2. Maila

19 :00etan   1go maila (kasu honetan gelditzen diren arropak dauden haurren artean zozketatuko dira)

Ostirala arte Ordizia nanomagnetismoaren munduko erreferentea bihurtu da.

Gaur goizean inauguratu da ofizialki Nanoteknologia eta Nanomagnetismo Kongresua (RTNSARecent Trends in Nanomagnetism, Spintronics and their Applications) Ordizian. Bertan izan dira Hezkuntza, Hizkuntza Politika eta Kultura sailburua, Cristina Uriarte, eta UPV/EHUko errektorea, Iñaki Goirizelaia. Bidelagun izan dituzte 2007ko Fisika Nobel Sariak, Albert Fert eta Peter Grümberg. Anfitrioiak, udalerriko alkate Jose Miguel Santamariak, egin die harrera kongresuko antolatzaileekin batera.

Agintarien harrera ofiziala baino lehen, bi Nobel sariek eta Mario Baibich maisuak, magnetorresistentzia erraldoiaren eraginaren aurkitzaileek alegia, Julián González fisika katedradun eta kongresuaren antolatzailearekin batera, Ordiziako Ohorezko Liburuan sinatu dute eta oroigarri bat jaso dute udal agintarien eskutik.

Ordezkariek kongresuaren maila zientifikoa goraipatu dute eta zientziaren garrantzia nabarmendu. Cristina Uriarte sailburuaren aburuz, zientzia “erronka kolektiboa da gizadiarentzat”. Aipatu duenez gobernu honen helburua talentua erakartzea da, zaintzea eta indartzea. “Euskadik ikerkuntza zientifikoa sustatu du eta azken urteetan hazkuntza nabarmena eman da erakunde berriak sortuz (BERC-Oinarrizko Ikerketa eta Bikaintasun Zentroak) nazioarteko ikerketa talde nagusiak barne hartuz eta ezagutzaren sorkuntza bultzatuz interes zientifikoa duten eremuetan”.