Chavi Nandezen emanaldia asteartean izango da, arratsaldeko 7etan, Ortzadar Argazki Elkarteak antolatuta

Datorren asteartean, arratsaldeko 7etan, Ortzadar Argazki Elkarteak antolaturik, Barrena Kultur Etxeak Chavi Nandez bidai argazkilarien “Islandia, paraíso de paisaje” ikusentzunezkoaren emanaldia hartuko du.

Ikusentzunezko hau 2015. urtean,  besteak beste Madrid, Bartzelona, Valentzia edo Bilbo bezalako hirietan ikusi izan da, eta ikuslegoak F. Javier Fernandez Bordonadaren begirada partekatu du. Ikusentzunezkoa Islandia osoan zehar egindako bidaietan oinarritutako emanaldia izango da. Bere bidaia guztien errepasoa egingo du, bideoz eta irudiez lagundurik.

Lau ikuskizun emango dira, saio batean

Beasaingo Usurbe Antzokiarekin batera, Opera eta Ballet zikloa antolatu du Ordiziako Herri Antzokiak. Bihar balleta izango da pantallan.

Lau zatitan banatutako ikuskizuna eskainiko da. Carlos Acostaren 'Carmen', eta, laburragoak besteak: 'Víscera', 'La tarde del fauno' eta Tchaikovskiren 'Pas de deux'.

Emanaldia Londoneko Royal Opera House-tik zuzenean jasoko da Herri Antzokian, bihar, 20:15etan. Sarrera 13 euro da.

Kontzertua igande honetan, hilak 15a, arratsaldeko 6:30etan Parrokian.

Ordiziako Udalak eta Gipuzkoako Foru Aldundiak antolatutako Barroko Aire kontzertu zikloarekin jarraituz, datorren igandean, hilak 15a, Ordiziako Parrokia Elizan, arratsaldeko 6:30etan, bigarren kontzertua entzuteko aukera izango dugu, L’Incontro bikotearen partaidetzarekin. Oso konbinazio bitxia eta erakargarria oboek eta harpak eskainiko dizkiguna, Itziar Lujanbio eta Francesca Romana di Nikola musikarien eskutik.

L’INCONTRO bikoteak, Francesca Romana di Nicola harpistak eta Itziar Lujambiooboejoleak osatzen dute. Biek Musikeneko Goi Mailako ikasketak egiten ari zirela topo egin zuten Donostian. Bakoitzak bere bidea jarraitu zuen etapa honen ondoren. Itziar Koloniara abiatu zen bere formakuntzarekin jarraitzera eta Francesca maila nazional eta internazionalean  kontzertuak  ematen aritu da. Hiru urte ondoren berriro elkartu dira Euskal Herrian ikasi duten guztia partekatu, aberastu eta elkarrekin errepertorio zabal bat lantzeko. Euskal Herri eta Frantzian eman dituzten kontzertuen artean, Donostiako Musika Sakratuaren Zikloan emandakoa azpimarratzen dugu, Donostia Kulturak antolatua.

Muguruza, Ordorika, Tapia, Esne Beltza, eta beste batzuk, kartelean

Plaza Nagusiak Amaia Apaolazaren omenez igandean izango den ekitaldia hartuko du. Apaolaza musikarien managerra zen eta aurreko udan zendu zen.

Ekitaldia bere ingurukoek antolatu dute, Ordiziako Udalaren laguntzaz. Barroko Aire jaialdiko kontzertuaren ondoren hasiko da, 19:30tan, hain zuzen. 

Kartelean honako musikarien presentzia iragartzen da: Fermín Muguruza, Ruper Ordorika, Joseba Tapia, Gose, Esne Beltza, Niña Coyote eta Chico Tornado. Parte hartuko dute baita Xabier Muñoz, Iñaki Murua, Kaotiko, Arkada Social eta Betagarrik, besteak beste.

Sarrera irekia da eta ez da harritzekoa izango beste sorpresaren bat gehiago ere izatea.