Sofia Arostegi eta Jose Luis Elexpe “Pelex”  artisten  lanak Ordiziako Barrena Kultur Etxean.

Urtarrilaren 15etik otsailaren5era / Inaugurazioa: irailak 15, ostirala, arratsaldeko 19:00etan.

Inaugurazio-ekitaldian Verdini dantza taldeak parte hartuko du.

Urtarrilaren 15etik otsailaren 5era, Barrena Kultur Etxeko Erakusketa Aretoan,  Sofia Arostegi eta Jose Luis Elexpe “Pelex”  artisten  lanak izango dira ikusgai. Erakusketa ohiko ordutegia izango du: Astelehenetik larunbatera, arratsaldeko 6etatik 8etara (Igandetan eta jaiegunetan itxita).

Down Sindromea eta inklusibitatea ardatz hartuta prestatutako erakusketa da. Dantza da Down sindromea duten askoren espresio-bidea, eta horretantxe oinarritu dute erakusketa Sofia Arostegik eta Jose Luis Elexpe Pelex-ek. Erakusketa down sindromeari buruzkoa da.

Gipuzkoako bertso txapelketako finalistak eskenatokian.

Goierriko Bertso Eskolak antolatuta, eta Argi Berri Elkartearen eta Ordiziako Udalaren laguntzarekin, datorren larunbatean, hilaren 26an, Gipuzkoako bertso txapelketako finalistak ariko dira Herri Antzokian, 18:30ean hasita. Unai Agirreren ordez, Nerea Elustondo, txapelketako bederatzigarrena ariko da. Sarrerak 10 euroan salduko dituzte egunean bertan, leihatilan

Jose Sarrieguik Lekuonari eginiko erretratoa jaso du Udalak

Ordiziako Udalak Jose Sarrieguiren margo lan bat jaso du. Nicolas de Lekuona artista ordiziarraren erretrata, hain zuzen. Garaikideak eta lagunak, ordiziarrak ziren bi artistak. Sarrieguiren familiak egin du donazioa, Lekuonatarren aurrean. Argazkian daude bi familietako kideak eta Udaleko ordezkariak, besteak beste, eta erretratoa, atzean. Erretratoa udaletxeko Batzar aretoan kokatu da.