Irakurketa Erraza zer den ezagutzera emateko. Ostiralean, 19:00 h., Barrenan hitzaldia.

Erakusketa honetan, Irakurketa Errazaren kontzeptua aurkeztuko dugu lehen aldiz Ordizian, martxoaren 1etik 16ra.Martxoaren 11ean, arratsaldeko 19:00etan, “Irakurketa Erraza. Irakurtzeko arazoak dituztenentzako irakurketa bultzatzeko baliabide bat” hitzaldia egingo da, Barrena Kultur Etxean, Euskadi-Irakurketa Erraza taldearen bultzatzaile den Blanca Mataren eskutik.

Barrena Kultur Etxeak “Irakurtzea, plazerra eta eskubidea” erakusketa jasoko du 15 egunetan zehar, irakurketa errazaren kontzeptua ardatz hartuta.  Irakurketa errazeko materialak arreta bereziz prestatuak izan dira, edonork irakurri eta ulertu ahal ditzan, nahiz eta irakurtzeko eta ulertzeko zailtasunak izan arrazoi fisiko, psikiko edo sozialengatik. Hain zuzen ere, kolektibo horien premia da informazio erraza eta ulergarria izatea eta irakurketaz gozatzea, eta premia horri erantzuten diote irakurketa errazeko materialek.

LEKORD TALDEAren musika eta  IV. IPUINEN AHOZKO NARRAZIO LEHIAKETA, D'Elikatuzen 19:00etan

(…sar dadila Kalabazan!)

Ura, airea, xaboia. Ipuinak… Jakinduriaren iturriko ur-tanta batek blaitzen gaitu ipuin bat entzuten dugunean… Haize freskoko ufada bat bidaltzen digu istorio bat kontatzen digunak… Garbi ernetzen den hitz batek gure pentsamenduak xaboitzen ditu, eta gure ametsak freskatzen… Ura, airea, xaboia. Martxoaren 5etik 18ra ipuinak haizatuko ditugu Ordizian.

Hemen da AHOZ-AHO 2014, Ahozkotasunaren Nazioarteko Jaialdia.

Barrenan izango dira kulturaz errazago gozatzeko eskubidea aldarrikatuz

Astearte honetan, martxoaren 1ean,  goizeko 11:00etan, ‘Irakurketa Erraza’-ren inguruko erakusketa inauguratuko da Barrena Kultur Extean. Garaguneko erabiltzaileak eta Ordizia Koloreko kideak datoz erakusketa ikustera.

Ondoren, ipuin kontaketa saio berezi bat eskainiko da, desberdin izateko eskubidearen inguruan. Saio hau Ordiziar orori irekia dago.Gainera, liburutegiko bazkide egiteko aukera eskainiko zaie bertaratzen diren guztiei. 

Erakusketa martxoaren 16ra arte egongo da Barrena kultur etxean eta 11n,  19.00etan, Irakurketa Errazaren inguruko hitzaldia egongo da Barrenan.

Ondoko kartelean irakur daitezke ekintzen xehetasunak.

Maria Reyes Arias aktoresa ordiziarrak “Je suis folle de tant t´aimer. Yo estoy loca de tanto amarte” lana aurkezten du.

Maria Reyes Arias ordiziarrak Herri Antzokira “Je suis folle de tant t´aimer. Yo estoy loca de tanto amarte” lana ekarriko du datorren ostiralean, hilaren 4an, gaueko 10:15ean.  Ordizian “Antzerki garaia” programaren barruan aurkezten den hirugarren muntaia da, eta Beasain eta Ordiziako Udaletako Kultura Sailekin antolatzen da. Programa hau Euskadiko Antzerki Sarearen barruan sartzen da eta Gipuzkoako Foru Aldundiko eta Eusko Jaurlaritzako Kultura Sailen laguntza jasotzen du .