Zazpi film sarituak eskaini eta hainbat egileekin solasaldia izango da

Ordiziarrok eta, oro har, zinemazaleok aukera paregabea izango dugu aurten Huhezinema Jaialdian irabazi duten zazpi film laburrak ikusi eta  zuzendari batzuekin hitz egiteko. Izan ere, 9. edizioko hiru sail ezberdinen film labur sarituak ikusi ahal izango dira larunbat honetan, 19:30tatik aurrera Herri Antzokian. Axier Salazar, Irati Elortondo eta Mikel Uralde zuzendariak eta Iban del Campo jaialdiko koordinatzailea izango dira aurkezpenean eta ondoren egingo den solasaldian.

Joseba Apaolaza, Asier Hormaza eta Asier Sota aktoreekin gaueko 22:15ean

Ostiral honetan, hilaren 22an, amaiera emango zaio Ordizian, Beasain eta Ordizia Udaleko Kultura Sailek antolatutako “Antzerki Garaia” egitarauari. Antzerki egitarau hau Euskadiko Antzoki  Sarearen barnean kokatzen da eta Foru Aldundiko eta Eusko Jaurlaritzako Kultura sailek laguntzen dute.

Eta programazioari amaiera emateko Borobil Teatroak ”Jokoz kanpo” antzerki lana aurkeztuko du.

Marra batek erabakitzen du nor dagoen jokoz kanpo. Eta ez gabiltza nahastuta. Guk ere badakigu futbolaz. Nork ez daki? Jokoz kanpo dauden guztiek, behintzat, ikaragarri. Eta jendetza dira. Denak ez dira kabituko komedia honetan, baina selekzio aparta topatuko duzu “Jokoz kanpo”. Arantxa Iturberekin batera egindako lan honetan, Anartz Zuazuak Joseba Apaolaza, Asier Hormaza eta Asier Sota zuzentzen ditu.

“Lanzamiento de moneda” erakusketa apirilaren 4tik 22ra.

Apirilaren 4tik 22ra Barrena Kultur Etxeko Erakusketa Aretoan Miriam Isasi artistaren lana izango da ikusgai. Erakusketa ohiko ordutegia izango du: Astelehenetik larunbatera, arratsaldeko 6etatik 8etara (Igandetan eta jaiegunetan itxita).

Erakusketaren katalogoa ikusi nahi baduzu SAKATU HEMEN

Martxoak 18tik apirilak 8a arte

Barrena Kultur Etxeko atarian Erriberriko (Olite) Fotoberri Elkartearen argazki erakusketa izango da ikusgai.

Fotoberri Argazki Elkarteko hainbat partaideren lanak daude ikusgai: Iñaki Gascón, Ibai Abaurrea, Esteban Salinas, Oscar J. Barroso, Marian Jaurrieta, Ignacio Rodríguez, Josi Abaurrea, Ángel Sakatxa, Itziar Zurutuza, Inma Zurbano, Fausto Garde, Ramiro Pinilla, Silvia Catalán, Eduardo Aldunate, Ángel Mari Izurriaga, Javier Ochoa, Igone Lurgain, Fermín Gorri, Mikel Ursúa, Omar Huerta eta Eduardo Abaurrea.

Bakoitzak hiru argazki aurkeztu ditu, gai hauekin: Nafarroa, Olite eta librea. Erakusketa apirilaren 8ra arte Barrena Kultur Etxean ikusgai izango dute argazkizale guztiek eta publiko orokorrak.