Ekitaldia asteartean izango da, Barrenan 19:00etan eta parte hartuko dute: Galo Bilbao, Maixabel Lasa, Karmen Galdeano eta Patxi Elola.

dar-dar produkzioak Ordizia Hiri Hezitzailearen baitan Ordiziako udalaren laguntzaz garatzen ari den Giza Eskubideak Herrira proiektuaren hurrengo proposamena doakizue ondoren.Martxoaren 24anBiktimen Duintasunaren eta Giza Eskubideen Urratze Larrienganako Egiaren Eskubidearen Nazioarteko Eguna da. Gure proiektuaren barne, martxoak 22rako oso ekimen berezia antolatu dugu. Ekimen honek Euskal Herrian denon artean aberastu beharrean gauden Giza Eskubideen kulturan baliagarri izateko helburua du. Glencreeekimenaren inguruan dagoen dokumentala proiektatuko da, eta ekimen honetan parte hartu zuten pertsona batzuekin solasaldi bat egongo da.

Osteguna eta Ostiralean saioak Barrena Kultur Etxean

Ostegunean arratsaldean Barrenan, 19:00etan,  izango dugu beste aukera bat Jaialdiaren izarrak ezagutzeko: oraingo honetan Bonai Capote (Ekuatore Ginea) eta Maria Buenadicha (Kanaria Uharteak). Beraiekin batera URDANETA IKASTETXEKO ikasle batzuk eskainiko dute baita, beraiek sortutako ipuin eta istorio harrigarriak.

Eta Jaialdiari amaiera emateko, ostiralean hitzaren Akelarrea antolatuko da, hau da, Ahozkotasunaren Jaialdi Nagusia. Ordiziako Barrena Jauregia izango da gure akelarrearen kobazuloa eta hitzordua esan dugun bezala ostiralean, gaueko 10:00etan.

Ekitaldia larunbata honetan, goizeko 11:30etan, Barrenan

Larunbata honetan  Barrena Kultur Etxeko Batzar Aretoan Jesus Mari Toralen “Buscame bajo la lluvia” nobelaren aurkezpena izango da.

Aurkezpena Marisol Caverok gidatuko du eta parte hartuko dute Jesus Mari Toral bera,  eta Paco Ayala editorea.

Herritar guztiei gonbidapena luzatzen diegu aipatutako ekitaldian parte hartzera animatu daitezen.

https://www.facebook.com/toralsegundanovela/

Iñaki Agirrezabal (Euskal Herria) eta Monika Klose (Alemania) larunbata honetan Barrena Kultur Etxean (17:00 H.). Eta jarraian Plaza Nagusian “Istorioen Magia, Magiaren Istorioak” Diego Calavia (Errioxa),  Jon Zabal eta  Asier Kidam (Euskal Herria) magoekin.

Ahoz-Aho jaialdiaren edizio berriak, zortzigarrena, ahozko tradizioko kontakizunak, literatur narrazioak, joko eszenikoak, poema musikatuak, deklamatutako bertsoak, hitz-jokoak eta beste ikuskizun mordo bat ekarriko dizkigu Ordiziara, denak ere ipuinetan oinarritutakoak. Ahoz Aho jaialdia pasa den martxoaren 5ean hasi zen, IV Narrazio lehiaketarekin, eta larunbaterako programa bikoitza iragarri du.