Ekitaldiak asteartean bertan hasiko dira, ZOZOMIKOTE tartean dela

Kaldereroen jaiak badu bere eguna.  Edo baditu bere egunak.  Urtarrilaren 30ean, larunbata, izango da jai-eguna baina atariko zabala izango du asteartean hasiko baitira ekintzak.  Ordiziarrek festan parte hartuko dute Zozomikote gonbidatu kutunarekin;  bertako kultur ondarearen pertsonaia izanik Ordiziako jaien lehen planora itzuli da.  

Programari astearte honetan emango zaio hasiera, 18:30ean auzoetanZozomipoteoa egingo da edopintxopoteo tematikoa. Herrigunean ere errepikatuko da ekimena asteazkenean, 19:00etatik aurrera. Pixka bat lehenago, 18:30ean, D’Elikatuz zentroan duela gutxi aurkeztu den Zozomikote lanari buruzko ipuin-kontaketa bat egingo da.  

Txalo ekoizpenak “DATORREN URTEAN HOBETO” lana aurkeztuko du ostiralean

“Datorren urtean hobeto” lanak zabalduko du Ordizian “Antzerki garaia” programazioaren hoigeitabigarren edizioa, ostirala honetan, hilaren 15ean, gaueko 22:15ean. “Antzerki garaia" egitaraua Beasain eta Ordiziako Udaletako Kultura Sailek bultzatu eta antolatu dute, Gipuzkoako Foru Aldundiaren eta Euskadiko Antzerti sarearen lankidetzekin.

Oholtza gainean Itziar Urretabizkaia (Donostia, 1979), Ainhoa Garai (Arrasate, 1983) eta Iraitz Lizarraga (Zizurkil, 1979) egongo dira, hainbat emakumeren azalean jarriko direlarik, eta Begoña Bilbao arduratu da zuzendaritzaz. Testu honen jatorria Katalunian dago eta bere egileak Marta Buchaca, Carol Lopez, Merce Sarrias eta Victoria Szpunberg dira; Bartzelonan eta Madrilen arrakasta handia izan du antzezlan honek bere katalanezko eta gaztelerazko bertsioekin. Euskarazko bertsioa Martin Agirrek egokitu du eta lau protagonistatik hiru izatera aldatu du bertsio honetarako.

Sofia Arostegi eta Jose Luis Elexpe “Pelex”  artisten  lanak Ordiziako Barrena Kultur Etxean.

Urtarrilaren 15etik otsailaren5era / Inaugurazioa: irailak 15, ostirala, arratsaldeko 19:00etan.

Inaugurazio-ekitaldian Verdini dantza taldeak parte hartuko du.

Urtarrilaren 15etik otsailaren 5era, Barrena Kultur Etxeko Erakusketa Aretoan,  Sofia Arostegi eta Jose Luis Elexpe “Pelex”  artisten  lanak izango dira ikusgai. Erakusketa ohiko ordutegia izango du: Astelehenetik larunbatera, arratsaldeko 6etatik 8etara (Igandetan eta jaiegunetan itxita).

Down Sindromea eta inklusibitatea ardatz hartuta prestatutako erakusketa da. Dantza da Down sindromea duten askoren espresio-bidea, eta horretantxe oinarritu dute erakusketa Sofia Arostegik eta Jose Luis Elexpe Pelex-ek. Erakusketa down sindromeari buruzkoa da.

Gipuzkoako bertso txapelketako finalistak eskenatokian.

Goierriko Bertso Eskolak antolatuta, eta Argi Berri Elkartearen eta Ordiziako Udalaren laguntzarekin, datorren larunbatean, hilaren 26an, Gipuzkoako bertso txapelketako finalistak ariko dira Herri Antzokian, 18:30ean hasita. Unai Agirreren ordez, Nerea Elustondo, txapelketako bederatzigarrena ariko da. Sarrerak 10 euroan salduko dituzte egunean bertan, leihatilan