Kultura

Kultura 2016.05.06

EMUSIK JAIALDIA ORDIZIAN IZANGO DA GAUR ARRATSALDEAN

Plaza Nagusian joko dute 18:00etan Musika Eskolako ikasleek Europako beste lau talderekin batera

Ordiziak ere Europako Kultur Hiriburua 2016rekin bat egingo du Emusik, Europako Musika Eskolen jaialdian parte hartuz. Musika Eskolako berrehun ordiziar izango dira ostiraleko ekitaldian. Goizean Donostiako Ilunben emango diote hasiera jardunaldiari eta Gipuzkoako herri desberdinetara zabalduko da arratsaldean. Ordizia izango da horietako bat.

Irakurri gehiago ...

Kultura 2016.04.29

LAZKAO TXIKI XXV. BERTSOPAPER LEHIAKETA ABIAN

Uztailaren 1ean bukatzen da lanak aurkezteko epea

Ordiziako Argi Berri elkarteak Ordiziako Udalaren laguntzarekin antolatutako Lazkao Txiki XXV. Bertsopaper lehiaketara lanak aurkezteko epea zabaldu dute dagoeneko. Hiru mailatan banatzen da lehiaketa: gaztetxoena (13 urte arte), gazteena (14-18 urte) eta helduena (18tik gora). Lanak uztailaren 1aren aurretik aurkeztu behar dira, eta sari banaketa ekitaldia Euskal Jaietan izango da, irailaren 11n.

Parte hartzaile bakoitzak nahi adina bertsopaper bidal ditzake. Hiru mailetan bertso idatzien neurria eta doinua librea da, baina gaietan dago aldea. Gaztetxoek "Zer izan nahino zenuke handitan?" 'gaiari buruzko bertsoak jarri beharko dituzte (gutxienez 2 bertso eta gehienez 4), eta beste bi mailetakoentzat gaia librea izango da (gutxienez 8 bertso eta gehienez 12). Maila bakoitzeko lehen hiru sailkatuek jasoko dituzte sariak.

Oinarriak ikusteko SAKATU HEMEN

Kultura 2016.04.27

EUSKAL AKUARELARIEN ELKARTEKO ERAKUSKETA ORDIZIAKO BARRENA KULTUR ETXEAN

Ostiral honetan, 19:00etan: Juan Carlos Aresti artistak akuarela sortzeko prozesua erakutsiko du zuzenean eta maiatzaren 5ean bisita gidatua egingo da (19:00 h.)

Datorren astelehenean, maiatzaren 2an, Barrena Kultur Etxeko Erakusketa Aretoan Euskal Akuarelarien Elkarteko erakusketa zabalduko da. Bertan 35 artisten lanak izango dira ikusgai. Erakusketa datorren maiatzaren 20ra arte egongo da zabalik, arratsaldero 6etatik 8etara (Igandetan eta jai egunetan itxita).

Ostiral honetan (apirilak 29), inaugurazioa ekitaldia izango da, arratsaldeko 19:00etan, eta erakusketan parte hartzen dituzten artistak bertan izango dira. Ekitaldi horretan, 19:00etatik aurrera Juan Carlos Aresti artistak akuarela sortzeko prozesua erakutsiko du barrena Kultur Etxeko batzar aretoan eta maiatzaren 5ean bisita gidatu irekia egingo da erakusketara arratsaldeko 19:00etan.

Irakurri gehiago ...

Kultura 2016.04.22

‘LUCIA DI LAMMERMOOR’, OPERA ZINEMA ARETOAN

Donizettiren obra dotoreenak itxiko du zikloa astelehen honetan 20:15etan

Astelehenean amaituko da opera ballet zikloa Ordiziako Herri Antzokian eskainiko den emanaldiarekin. Beasainen eta Ordizian azken hilabeteotan eman den programa arrakastatsua Londoneko Royal Opera House-tik zuzenean iritsi da. Azken saioa 20:15etan hasiko da.

‘Lucia di Lammermoor’ da obraren titulua. XVII. mendeko Eskoziako bi familien arteko harreman gaiztoaren eta maitale gazteengan izango duen eraginaren historia kontatzen du. Kritikaren arabera, operako eszena hunkigarrienetako du eta Donizettiren lan dotoreenetakoa da. Protagonista nagusiaren papera Diana Damrau kantariak interpretatzen du eta Charles Castronovok maitale sekretuarena egiten du.

Lan hau ez da azken hamarkadan Royal Opera Housen izan. Beraz, momentu garrantzitsua da Katie Mitchellen produkzioaren estreinaldia. Iraupena 170 minutukoa da. Sarrerak 13 euro balio ditu.