Ostiral honetako inaugurazio-ekitaldian Maddi Zubeldia iparraldeko abeslariak parte hartuko du.Inaugurazioa: urriak 14, ostirala, arratsaldeko 19:00etan.

Urriaren 17tik azaroaren 4ra, Barrena Kultur Etxeko Erakusketa Aretoan,  Ttitto Aguerre iparraldeko  artistaren  lanak izango dira ikusgai. Erakusketa ohiko ordutegia izango du: Astelehenetik larunbatera, arratsaldeko 6etatik 8etara (Igandetan eta jaiegunetan itxita). Irekiera ekitaldia gainera, berezia izango da. Izan ere, Maddi Zubeldia ziburuko abeslaria izango da inaugurazioan eta aukera izango da haren ahotsaren naturaltasunaz eta xalotasunaz gozatzeko.

Ostiralean hitzaldiak izango dira, larunbatean Ordiziako Txapeldunen Txapelduna lehiaketa eta mendiko gazten azoka bi egunetan

Ordiziako Idiazabal Kofradiaren zuzendaritzapean Mendiko Gazten Lehenengo Mintegia egingo da udalerrian asteburuan, ostiralean 15:45etan hasita. Programak hitzaldiak, mahai-ingurua, saroi batera bisita, mendiko gazten azoka eta Ordiziako Txapeldunen Txapelduna ohiko lehiaketa.

Mendiko gaztarekin lotura duten aktore ugariren arteko topaketa antolatzea da helburua eta bitxi gastronomiko hauei merezi duten balioa ematea; horretarako, neguko gaztekin alderatuta dituzten desberdintasunak nabarmenduko dira. Gainera, jardunaldia, artzainak elkarrekin komunikatzeko eta eztabaidatzeko gunea izango da eta ikuspegi sozioekonomikotik beraien jarduerak sortzen dituen arazoak eta irtenbideak aztertu ahal izango dituzte. Horrela adierazi dute ekitaldiak aurkeztu dituzten eragileek. Tartean, Jose Miguel Santamaria alkateak. Artzainen bizi-kalitatea hobetze aldera jarduteko beharra azpimarratu du, sektoreak mendiaren zaintzan duen garrantzia gogoratuz. (...)

HIP-HIP URRI! FAMILIAN KULTURA PARTEKATZEKO HILABETE BAT

PLAZA NAGUSIA, Urriak 1, 18:30 h. Ameztu produkzioaren “Rock-eroak” lana.

Ordizian urriko asteburuetan segidako ekintzak egingo dira Hip Hip Urri egitasmoaren barruan:

Urriak 1 – 18:30. Plaza Nagusia – Rock-eroak antzerkia. Babeslea: Eusko Jaurlaritzako  Hezkuntza, Hizkuntza Politika eta Kultura Saila. 

Urriak 15 – 11:00 – Eskulan Tailerra – mArt denda

Urriak 16 – 12:00 – D’Elikatuz mokau batean tailerra – D’Elikatuz

Urriak 22 + 29 – 11:00 – Ipuin kontaketa – Udal liburutegian

Royal Operatik zuzenean emango da, Pappanok zuzenduta

Londongo Royal Opera House antzerkitik NORMA opera proiektuko da, zuzenean, Ordiziako Herri Antzokian datorren astelehenean. Tragedia lirikoa da, Vicenzo Bellini da musikagilea eta Felice Romanik idatzi zuen libretoa. Galia da akzioaren eszenatokia, erromatarren okupazioaren garaian, Kristoren aurreko  50. urtean.

Belliniren opera esanguratsuena da, eta betidanik arrakasta gehien izan duena. Norma, sopranoen errepertorioan pertsonai zailenetakoa da. Musikari dagokionez, instrumentazio zaindua eta melodia aberatsa ditu. Izan ere,  Norma sortzean, egileak bere lanak sinpleegiak zirela esaten zutenen  kritikak isilarazi nahi izan zituen.

Obrak bi zati ditu eta tartean ordu laurdeneko atsedena hartzen du. Emanaldia 20:15etan hasiko da eta 23:30ak jota bukatuko da. Interpreteak Brindley Sherratt, Joseph Calleja, Sonia Ganassi, Vlada Borovko, Niamh Worrell, Matteo Di Lorenzo eta Sonya Yoncheva dira, azken hau Normaren paperen. Antonio Pappanok zuzenduko du orquestra eta William Spaulding eta Genevieve Ellisek koruak.