Gizakiaren Eskubideen Nazioarteko Egunarekin batera ospatuko da, arratsaldeko 19:00etan

Lehiaketa hau, Ordizian garatzen ari garen Giza Eskubideak Herrira proiektu orokorraren ataletako bat da. SarreRa dohan gonbidapenarekin  Barrena Kultur Etxean  eskura daiteke edo egun berean arratsaldean Herri Antzokian.

Esan behar dugu 130 korto jaso ditugula munduko hainbat herrialdetatik: Uruguay, Paraguay, Finlandia, Frantzia, Thailandia, Taiwan, Errusia, Brasil, Suiza, Colombia, Venezuela, Italia,Canda, Hungaria, Australia, Iran etab.

Ikuskapen komisio batek 130 korto horietatik 18 korto hautatu ditu.

Saio irekia asteazkenean, arratsaldeko 17:30etan, Italiako Unter Waser konpainiarekin

Ordiziako Udaleko kultura sailak antolatuta, Tolosako Turismo Ekinbide Etxea eta Gipuzkoa Foru Aldundiaren laguntzaz, hogeitazortzi urtez segidan, eta Tolosan egiten den Nazioarteko Txotxongilo Jaialdia aprobetxatuz, Ordizian egunotan kalitate handiko bi talde izango dira Herri Antzokian. Egitaraua hasteko, asteartean, hilaren 29an, eta goizeko saioan, Ordiziako ikastetxeei eskainitako saioan alegia, Herri Antzokian Argentinako  Julia Siglianok “El mundo de Dondo” izeneneko lana eskainiko du. Asteazkenean arratsaldean, 17:30etatik aurrera, eta jende guztiarentzat,Italiako Unter Waser taldeak “OUT” izeneko ikuskizuna eskainiko du.

Kontzertua igande honetan, Parrokian, arratsaldeko 18:30ean, J.S. Bachen Magnigicat lanarekin.

Aurrera jarraitzen du Ordizian musika barrokoari eskainitako zikloak. Igande honetan izango da Barroko Aire egitarauaren hirugarren kontzertua, herriko parrokia elizan, arratsaldeko 6:30etan. Bertan, proposamen interesgarria CONDUCTUS ENSEMBLE taldeak eskainiko duena: Bach-en Magnificat eta BWV 29 Cantata.

Andoni Sierrak 2002. urtean sortu zuen Conductus Ensemble musika elkartea, eta musikari profesionalez nahiz zaleez osatutako instrumentu eta koru taldea da. Sortu zenetik 100 kontzertu baino gehiago eman dituzte hainbat ziklo eta jaialditan: Kursaal Fundazioan, Euskalduna Jauregian, Complutense Zikloan (Madrilgo Auditorio Nazionalean), Donostiako Hamabostaldian, Toulouse Les Orgues-en, eta Zenarruzako Antzinako Musika jaialdian, besteak beste, eta beti izan dute kritikaren eta jendearen babesa.

Erakusketarekin batera  “Kapulana bat zintzilik” emanaldia Miren Amuriza bertsolariarekin ostegunean  18:00etan.

Orkliren eskutik eta  Mundukide Fundazioak antolatuta, azaroaren 17tik 25era Barrena Kultur Etxeko atarian Mudukide fundazioa lanaren inguruko argazki erakusketa izango da ikusgai. Mundukide gobernuz kanpoko erakundeak, hamabost urte betetzen dituela eta, argazki erakusketa bat antolatu du, eta argazkietako irudiak eta datuak janzteko eskatu dio Miren Amurizari bertsolariari. Hortik sortu da “Kapulana bat zintzilik” emanaldia; Mozambiketik bueltan ekarritakoak ipuinetan eta bertsotan jaso ditu Amurizak eta ostegun honetan, hilaren 17an, arratsaldeko 18:00etan emanaldia eskainiko du Amurizak Barrenan.