Kontzertua igande honetan, Parrokian, arratsaldeko 18:30ean, J.S. Bachen Magnigicat lanarekin.

Aurrera jarraitzen du Ordizian musika barrokoari eskainitako zikloak. Igande honetan izango da Barroko Aire egitarauaren hirugarren kontzertua, herriko parrokia elizan, arratsaldeko 6:30etan. Bertan, proposamen interesgarria CONDUCTUS ENSEMBLE taldeak eskainiko duena: Bach-en Magnificat eta BWV 29 Cantata.

Andoni Sierrak 2002. urtean sortu zuen Conductus Ensemble musika elkartea, eta musikari profesionalez nahiz zaleez osatutako instrumentu eta koru taldea da. Sortu zenetik 100 kontzertu baino gehiago eman dituzte hainbat ziklo eta jaialditan: Kursaal Fundazioan, Euskalduna Jauregian, Complutense Zikloan (Madrilgo Auditorio Nazionalean), Donostiako Hamabostaldian, Toulouse Les Orgues-en, eta Zenarruzako Antzinako Musika jaialdian, besteak beste, eta beti izan dute kritikaren eta jendearen babesa.

Erakusketarekin batera  “Kapulana bat zintzilik” emanaldia Miren Amuriza bertsolariarekin ostegunean  18:00etan.

Orkliren eskutik eta  Mundukide Fundazioak antolatuta, azaroaren 17tik 25era Barrena Kultur Etxeko atarian Mudukide fundazioa lanaren inguruko argazki erakusketa izango da ikusgai. Mundukide gobernuz kanpoko erakundeak, hamabost urte betetzen dituela eta, argazki erakusketa bat antolatu du, eta argazkietako irudiak eta datuak janzteko eskatu dio Miren Amurizari bertsolariari. Hortik sortu da “Kapulana bat zintzilik” emanaldia; Mozambiketik bueltan ekarritakoak ipuinetan eta bertsotan jaso ditu Amurizak eta ostegun honetan, hilaren 17an, arratsaldeko 18:00etan emanaldia eskainiko du Amurizak Barrenan.

Inaugurazioa: azaroak 11, ostirala, arratsaldeko 19:00etan

Azaroaren 14tik abenduaren 2ra Barrena Kultur Etxeko Erakusketa aretoan “Ortzadar Ordizia VII. Argazki erakusketa” izango da ikusgai. Erakusketako ordutegia 18:00etatik 20:00etara izango da.

Ortzadar Argazki Elkartekohainbat partaideren lanak daude ikusgai: Aitzol Arruabarrena, Amaia Oar-Arteta, Angel Fernandez “Sakatxa”, Carlos Iraeta, Francisco Albarran, Iñaki Hidalgo, Jose Ignacio Rodriguez, Joxemi Romero,  Miguel Cavero, Juan Mendizabal, Fran Pedrouso eta Unai Arnaz.

Erakusketarako egindako triptikoan horrela aurkezten da erakusketa:

Arratsaldeko 18:30ean KUP taldearen emaldia Parrokian

Abesbatzen kontzertuek utzitako aho-zapore onarekin, igande honetan hasiko da Ordizian BARROKO AIRE, Musika Barrokoaren egunak jaialdiaren XXXI. ekitaldia. Eta jaialdi horrek Ordizian segituko du hilabete honetan, herriko Parrokian lau kontzertu egingo dira, Ordiziako udalak eta Gipuzkoako Foru Aldundiak antolatuta. Ataungo San Martin Elizan ere izango da ziklo honen kontzertu bat.

Musika barrokoa, beraz,  udazkeneko protagonista,   punta-puntako interpretatzaile eta taldeak Goierrira ekarriko dituena.

Hauxe da egitaraua:

ORDIZIA / ELIZA NAGUSIA - IGLESIA PARROQUIAL 18:30ean

Azaroak 6 - Kup Taldea. Zuzendaria: Gabriel Baltés

Azaroak 13 -Garikoitz Mendizabal, Txistu  - Aitor Furundarena, Eskusoinua

Azaroak 20 - Conductus Ensemble. Zuzendaria: Andoni Sierra

Azaroak 27 Sigma Project Sax Quartet