Ordiziako Udalak Bizum bidezko ordainketa sistema jarri berri du martxan. “Herritarrok ordainketak egiteko orduan erraztasunak izatea garrantzitsua da, are gehiago gaur egun, teknologia berriak egunerokotasunean erabiltzen ditugunean”, zehaztu du Itsaso Muñoz, parte hartze eta komunikazio zinegotziak.

Agiriak helbideratu gabe izanez gero, zergak, tasak eta isunak ordaintzeko aukera berri bat izango da hau. Euskadi.eus nire ordainketa plataformatik erakunde laguntzaileetarako sarbidea izango duzu eta honetaz gain edozein VISA, Bizum edo my wallet bidezko ordainketak ahalbidetuko ditu Udalak.

Udalari Bizum bidezko ordainketa eta sistema erraza eta segurua da. Honakoak dira jarraitu beharreko pausoak: Nire ordainketa webgunean sartu eta bertan ordainagiria identifikatu zenbakia jarriz, finantza erakundea hautatu, dirua kargatuko zaion erabiltzailearen telefonoa sartu eta sistemak bidalitako gakoa sartu.

Urriaren 13an, osteguna, Ordiziako Udaletxeko batzar aretoan ez-ohiko osoko bilkura egin zen, eta bertan 2023 urterako ordenantza fiskalak onartu dira.

Gauzak horrela, honako zerga hauek ez dute aldaketarik jasoko datorren urtean eta izoztu egingo dira: ondasun higiezinen gaineko zerga, udalerriko jarduera ekonomikoen gaineko zerga, eraikuntza, instalazio, eta obren gaineko zerga, hiri-lurrek irabazitako balioaren gaineko zerga, erabilera pribatiboko edo herriko jabetza publikoa modu berezian aprobetxatzeagatiko tasak arautzen dituena.

Aho batez onartutako salbuespen bat izango da tasa eta zergetan: zabor bilketa tasa prezioa eguneratu egingo da %5a igota. Batezbeste, urtean, sei euroko igoera izango da. Hala ere, 100%ko hobaria eskainiko da gaitasun ekonomikoagatik.

Hobariak energia berriztagarriengatik

Eraginkortasun energetikoa helburu duten birgaikuntza lanentzat %75eko hobaria ezartzea B motako energia etiketa lortzen bada, eta %95eko hobaria A motako energia etiketa lortzen bada. Aipatu hobaria aplikatu da, bakar bakarrik, indarrean dagoen legediaren arabera derrigorrez inbertitu behar ez diren kopuruen gainean.

Hemen osoko bilkura: Ordenantza fiskalak 2023

1.- 2023ko ekitaldian aplikagarriak izango diren Ordenantza Fiskalak behin-behineko izaerarekin onartzea. (2022SORF0002)

2.- Ordizia Lantzen S.A.k Ordiziako Udalari egindako mailegu izaerako ekarpen eskaeraren onarpena eta hau finantzatzeko kreditu aldaketaren onarpena. (2022ICAD0005) 

Aste honetako azoka  asteartean, urriak 11, ospatuko dugu.