Ostegunean, otsailak 29, ospatuko da 2024ko otsaileko osoko bilkura. 

Hemen duzue gai ordena: 2024ko otsaileko osoko bilkura

Gaur, Sortzetiko Kardiopatien Nazioarteko Eguna da, eta Barrena gorriz argiztatuko dugu kardiopatia duten guztiei babesa emanez.

“Ordiziak 2021eko uztailean aurkeztu zuen 2030 Ekintza Plana. Txosten honetan jasotzen dira datozen urteetarako gure herriak dituen erronkak. Gizartea eraldatzen doan heinean beharrak ere aldatzen joaten dira, eta Ekintza Plana eguneratzea ezinbestekoa da bide orri garbia izateko”, azaldu du Adur Ezenarro, Ordiziako alkateak. Hala, otsailaren 6an eta 15ean, 18:30ean, bi parte hartze saio ireki egingo dira, eta herritarrei zein herriko eragileei dei egiten zaie bi saio hauetan parte hartzeko. Orain arteko lanen balorazioa ere egin du alkateak: 210 ekintzetatik 56 egin dira, 83 martxan daude, eta 71 epe laburrean bideratuko dira”.

“Garrantzitsua da herritarren parte hartzea izatea prozesuan, elkarrekin osatzeko eta eguneratzeko Ekintza Plana”, nabarmendu du. Garapen Iraunkorrerako 2030 agendaren helburuak lortzeko hiru azpi atal daude:

Herritarrak. Ordiziako biztanleen ongizatea eta bizi kalitatea hobetu eta bermatzeko hartuko diren neurriak azaltzen dira. Elkar hezten eta zaintzen gaituen komunitate inklusiboa, euskalduna, feminista, anitza eta justua lortzeko 11 helburu eta 64 ekintza aurreikusten dira.

Lurraldea. Ordizia herri atsegina, berritzailea eta jasangarria lortzeko bidean hartuko diren neurriak daude. Oinarrian, trantsizio ekologikoan oinarrituz, azoka eta elikadura subiranotasuna bultzatzea, balio erantsia duen bertako ekonomia sustatzea, beharrezko azpiegiturak eraikitzea,… Ordizian, bizi, erosi, ikasi eta lan egiteko aukera ahalbidetzeko 11 helburu eta 124 ekintza aurreikusten dira.

Antolamendua. Bi helburu jasotzen dira atal honetan: herritarren beharrei erantzuteko komunikazio eta arreta zerbitzu zuzena, gardena eta eraginkorra eskaini; eta administrazio moderno, jasangarri eta eraginkorra lortzeko 22 ekintza zehatz.

Parte hartze saioak

Lehena otsailaren 6an izango da, asteartea, 18:30etan, Barrena jauregian. Bertan ekintza-planaren Lurraldea eta Antolaketari atalari dagokion edukia eztabaidatu eta ekarpenak egin ahal izango dira. Hala agertu du Maitane Alvarez alkateordeak: “herriaren hiri-garapena, garapen ekonomikoa, mugikortasuna eta naturaren zaintzari lotutako gaiak landuko ditugu, batez ere”. Gainera, antolaketa atalean herritarren arreta zerbitzuari eta komunikazioari dagozkion lerroak ere jorratuko dira.

Bigarren saioa, bestalde, otsailaren 15ean, osteguna, izango da. 18:30ean egingo da, Barrena Jauregian. “Herritarrak arloarekin harremana duten gaiak landuko ditugu, besteak beste, gizarte-ongizatea, berdintasuna, osasuna, euskara eta kulturari helduz”, berretsi du Ainhoa Jimenez, Berdintasun eta Ongizate zinegotziak.

Hala, gonbitea helarazten zaie herritar guztiei parte hartze saio hauetara gerturatu eta iritzi zein proposamenak egiteko.

Gaur, 18:00etan hasiko da urtarrileko osoko bilkura.

1. 2023ko abenduaren 21ako udalbatzarrak egindako batzarraren akta zirriborroa onartzea. (2023IOSB0017)

2. 2023ko abenduan zehar alkatetzak sinatutako dekretuen berri ematea.(B23/1506tik-B23/1635ra)

3. Kontu-hartzailearen erreparoen txostenak, kontratazioari buruzkoak (2023KERR0028,39,30, 31 eta 32 eta 2024KERR001).

4. EH BILDU ORDIZIA taldeak aurkeztutako mozioa honako goiburuarekin: “Irun eta Brinkola arteko ADIFen trenbidea eta RENFEren aldiriko zein distantzia erdiko zerbitzuak hobetzeko mozioa“.

5. Galde-erreguak.