![](/images/Santa_Ana_jaiak_2024.jpeg)
![](/images/WhatsApp_Image_2024-07-01_at_11.14.10.jpeg)
2024ko Santa Ana Jaietako kartel lehiaketako irabazleak
Badatoz 2024ko Santa Ana jaiak, eta dagoeneko aukeratu da zein izango den aurtengo festetako kartela. Azken urteetan bezala, aurten ere lehiaketa irekia egin da, eta guztira, 16 lagunek parte hartu dute; horietatik 14 helduen mailan eta beste 2 hemezortzi urtez azpikoetan.
Helduen mailan, Xabier Araña Urteagaren ‘Badoaz santaneroak’ lanak jaso du sari Nagusia, eta horrenbestez, harena izango da festetako egitarauaren azala jantziko duen irudia. Horrez gain, 500 euroko dirusaria ere jasoko du. 18 urtez azpikoen mailan, berriz, June Arzelus Mendizabal izan da saritua. Haren lana ere, egitarauaren barrualdean ikusi ahal izango da, eta gainera, 100 euroko erosketa balea jasoko du.
Jose Manuel Abalos margolariaren erakusketa irekiera, ostiralean
Ostiralean, martxoak 1, 19:00etan Jose Manuel Abalos margolariaren "Donostia Abalosen begietatik" erakusketaren irekiera izango da Barrena Kultur etxean. Erakusketa martxoaren 27ra arte egongo da ikusgai, 09:00-19:00. Martxoaren 4an, astelehena, 12:30ean margolariarekin batera bisita gidatua egingo da.
![](/images/Irakurketa_erraza.jpeg)
Irakurketa errazeko taldea martxan jarriko da Ordizian
Irakurketa errazeko taldea martxan jarriko da Ordizian, Barrena jauregian. Astearteetan, 10:30-12:00 egingo dira saioak, eta irakurtzeko zailtasunak dituzten pertsonei zuzenduta egongo da, baita irakurtzeko gaitasuna hobetu nahi dutenei ere; sozializaiorako espazioa izango da. Ekimen irekia da, baina izena ematea gomendatzen da.