Alex Saldaña ordiziarrak 'Vendiste tu alma' eleberria aurkeztuko du bihar arratsaldeko zazpietan Barrena Kultur Etxean. Nobela beltzean egiten duen lehen sartu-irtena da, eta Tarragonan eta hustutako Espainiako herri batean kokatzen da.

Alex Saldaña Redondok (1967), Euskal Herriko Unibertsitatean ikasketak amaitu ondoren, El Diario Vasco egunkarian hasi zuen bere ibilbide profesionala.  Baina jauzi pertsonal eta profesional handia 1992an egin zuen, motxila bizkarrean eta kamera eskuan, free lance gisa lau hilabeteko bidaia egin zuenean Latinoamerikako hainbat herrialdetan (Kuba, Venezuela, Kolonbia, Ekuador eta Peru). Gero Espainiara itzuli zen hiru urtez EFE Agentzian lan egiteko. Ondoren, Venezuelara itzuli zen, eta El Universal egunkarian aritu zen kazetaritzan zazpi urtez. Hainbat sari jaso zituen kazetaritza-lanagatik.  Gaur egun, Tarragonako Diariko zuzendariordea da. Bi dibulgazio-liburu idatzi ditu: "Ayer y hoy del deporte en Ordizia" eta "8 Revoluciones: Claves para entender cómo la tecnología transformación nuestro mundo: Conversaciones con Armand Bogaarts".

Bere lehen eleberriaren argitalpenarekin, "Ni por todo el oro del mundo" (2013), kazetari eta idazle honek bidaiaren espiritu pozgarria eta adiskidetasunari egindako kantua partekatu nahi ditu, munduko hainbat lekutan haurren esplotazioaren eta abandonuaren dramaren salaketa ahaztu gabe.

Bere bigarren eleberria, "Vendiste tu alma" (2021), landa eremuan girotutako eleberri beltza da. Bertan, hutsik edo hustuta dagoen Espainiako toki eta pertsonaia batzuen erretratu soziala ehuntzen da.

"Ordizia harrera herria da eta pertsona guztiak eskuzabalik hartzen ditugu. Aniztasun handia dugu eta aurten ere Ordizian kulturen arteko VI. Topaketa egingo dugu. Gainera, Harrera Plana ere onartuta dugu eta laster aurkeztuko dugu”, zehaztu du Ainhoa Jimenez, aniztasun zinegotziak.

Programa:

Azaroak 2-11. Barrena. Begiratu Palestinara Erakusketa interaktiboa.

Azaroak 5 eta 12, larunbatak, 17:00-19:00- Gaztelekuan Afrika-Fusioa dantza tailerrak.

Azaroak 5, larunbata, 11:30-14:30, Plaza Nagusian. Gipuzkoako I. ZAS Eguna.

Azaroak 8, asteartea, 17:00 eta 18:00etan, D´elikatuzen Yogipuinak Maite Arreserekin. Ekimen hau 5 urtetik aurrerako haurrentzat bideratuta dago.

Azaroak 9, asteazkena, 18:30ean D´elikatuzen mahai ingurua egingo da erlijioen arteko elkarrizketaren inguruan. Ainhoa Etxabe izango da ekimenaren gidaria.

Azaroak 12, larunbata, Munduko arrozen bazkari herrikoia Beti Alai pilotalekuan. Tikeak salgai daude Magazin Romanesc, Divina Mujeres elkartea eta D´elikatuzen.

Azaroak 14, astelehena, 18:30etan D´elikatuzen hitzaldia: Emakumeak krisi klimatikoaren aurrean: Begirada Palestinan.

Azaroak 20, igandea, Bizilagunak bazkaria. ‘Elkar ezagutzearen onena’, jatorri ezberdinetako bi talde bazkari baten bueltan elkartzeko ekimena.

“Egitarau zabal eta oparoa dugu eta herritarrei dei egiten diegu parte hartzeko egingo diren ekintzetan, guztiontzako aberasgarriak izango direlako”, gehitu du zinegotziak.

Udazkeneko hitzorduari leial, azaroan 6an, igandean, hasiko da Ordizian BARROKO AIRE, Musika Barrokoaren egunak jaialdiaren XXVII.ekitaldia. Eta jaialdi horrek Ordizian segituko du hilabete horretako igandeetan; herriko Parrokian lau kontzertu egingo dira 18:30etan, Ordiziako udalak eta Gipuzkoako Foru Aldundiak antolatuta. Sarrera doakoa izango da.

Lander Mujika, kultur zinegotziak azaldu du aurten ere Barroko Aire zikloaz gozatzeko aukera izango dugula Ordizian: "ohore bat da berriz ere barroko aireko zikloan lau kontzertu hauetaz gozatzeko aukera izatea. Azaroko igandeetan egiten dira emanaldi hauek, doakoak dira, eta punta puntako musikariak izango ditugu. Beraz, ordiziarrei zein interesa izan dezakeen edonori dei egiten diogu ziklo honetaz gozatzera etortzeko".  

Aurtengo egitaraua azaroaren 6an irekiko da, “BachJazz - Bach Inmortal” programarekin, Kea ahots taldearekin eta Iñaki Salvador pianistarekin. Kea ahots taldearen eta Iñaki Salvador piano-jotzailearen arteko lankidetza proiektua da BachJazz, Iñaki Salvadorrek berak moldatutako Johann Sebastian Bach-en lanetan oinarritua. Barrokoaren bokaltasunaren eta Iñaki Salvador pianistaren hizkera jazzistikoaren arteko fusio programa. Jesu, meine Freude bachiar motetearen berrirakurketa batean zentratua.

Azaroaren 13an, Oniria antzinako musika taldeak "Huehuetenango, Ministriles de Guatemala" programa eskainiko du. ONIRIA antzinako musikan espezializatutako ziklo ezagunenetako batzuetan parte hartu duen musika historikoaren taldea da, sakabutxe talde bat da, errenazimenduaren eta barrokoaren tronboi berezia, gaur egungo haga-tronboiaren aurrekaria dena. "Talde Onenaren" eta "Disko Grabazio Onenaren" publikoaren sariak jaso ditu Espainiako Antzinako Musikaren VI. GEMA Sarietan.

Azaroaren 20an, Conductus Ensemble formazioa aurkeztuko da, Barroko Aireren programazioan klasiko bat, aurten zortzigarren aldiz parte hartuko du programan, Andoni Sierrak zuzenduko du eta Bachen obrak eta Domenico Scarlattiren Stabat Mater 10 ahotsetara interpretatuko ditu.

Eta edizio honi amaiera emateko, azaroak 27an, Oiasso Kamerata talde irundarrak proposamen interesgarri bat aurkeztuko du, "Barrokoa edo ez barrokoa" izenburupean. Proposamen horrek, alde batetik, obra barroko batzuk eskainiko ditu, eta, bestetik, beste obra garaikide batzuk, barroko estilokoak edo musika barrokoari keinu egiten diotenak.

Azaroko igandeetan barrokoaren airearekin hitzordua Ordiziako Parrokian. Berriz ere interprete eta musika-talde kontrastatuak aurkezten dituen ziklo honetako musika barrokoak errepertorio interesgarria eskaintzen du, maila altuaren erakusgarri, eta ordiziar parrokiako akustikaz disfrutatzeko eta gozatzeko aukera paregabea.

Ordiziako Udaleko Kultura sailak antolatuta, Tolosako Nazioarteko Abesbatzen Lehiaketa aprobetxatuz, Ordiziako Parrokiara itzuliko dira abesbatzen kontzertuak, Barroko Aire Jaialdiaren XXXVII. edizioaren atariko gisa. Ordiziako eta Goierriko publikoak bi abesbatza talderen ahotsekin gozatzeko aukera izango du, kalitate maila egiaztatua duten taldeak.

Kontzertu-egunak honako hauek dira:

- Urriak 30, igandea, 18:30ean.  Ad Libitum Ganbera abesbatza (Valentzia)

- Azaroak 2, asteazkena, 20:00etan: Kieveko Sophia Ganbera Abesbatza (Ukraina)

Valentziako Quarte de Pobleteko Ad Libitum taldea emango dio hasiera zikloari igande honetan, arratsaldeko 18:30ean Parrokian. Escola Coral Veus Juntes (Quart de Poblet, Valentzia, 1983) proiektu pedagogiko aski zabala da, kantu koralerako prestakuntza ematen duena lau urtetik hasita. Gaur egun, sei abesbatzatan banatutako ehundik gora haur, gazte eta helduk osatzen dute proiektu hau.

Escola Coral zentroko ganbera-abesbatza Ad Libitum da, prestakuntza musikal eta bokal sakona duten gazteek osatua. Talde honen errepertorioak askotariko piezak biltzen ditu bere baitan, polifonia klasikotik hasita XXI. mendeko sorkuntzetaraino. Kontzertuak eskaini ditu auditorio garrantzitsuetan nahiz espazio historikoetan, esaterako, Manzanares El Real gazteluan (Madril) edota Erromako Santa Maria del Popolo basilikan (Italia). Abesbatza egoiliarra izan zein Early Music Morella jaialdian (2019) Marco García de Paz zuzendariaren esanetara, eta baita ere Acadèmia de Capella de Ministrers jaialdian. Palmares oparoa du, nazioarteko sari garrantzitsuenetako batzuk irabazi baititu, hala nola, Espainiako Kantu Koraleko Sari Nagusia (2017); lehen saria, publikoaren saria eta FIRACOR sari berezia Cocentainako Certamen Coral Fira de Tots Sants lehiaketan (2015 eta 2016), eta lehen saria Ejea de los Caballeroseko Abesbatza Lehiaketan ere.

Duela gutxi, kontzertu-bira bat eskaini du Tomás Luis de Victoriaren Requiem obra interpretatuz, Musica Ficta taldearekin batera eta Raúl Mallavibarrenaren zuzendaritzapean. Bere lehen diskoak –Essència- Publikoaren Saria irabazi du “Carles Santos de la Música Valenciana” sariketan. 2018. urtetik, Francesc Gamón Olmo da musika-zuzendaria, eta 16 neskak eta 16 mutilek osatzen dute taldea. Kontzertuan Elberdin, Tomas Luis de Victoria, Juan Bautista Comes eta Josef Rheinberger musikarien lanak izango dira lehen zatian eta folkloreari eskainitako bigarren zatian Ondarra, Guridi, Xabier Sarasola eta Anton Garcia Abrilen lanak.

Eta asteazkenean, kasu honetan kontzertua 20:00etan izango da, Kieveko Sophia Ganbera talde ukrainiaren  txanda. Kieveko “Sophia” gazteen ganbera-abesbatza Ivan Bogdanov zuzendari gazteak sortu zuen, 2008an. “Sophia” koruak Lasso-ren, Monteverdi-ren eta Errenazimentuko beste konpositore batzuen motete eta madrigalak abestu ditu Ukrainiako hainbat hiritan. Arian-arian beren errepertorioa zabaldu, eta 2009ko Pazkoan Mykola Leontovich-en lanak abestu zituzten.

2010. urtearen amaieran, Alexey Shamritsky gaztearen esku geratu zen abesbatzaren zuzendaritza, oraindik Ukrainiako Musika Akademia Nazionaleko ikasle zenean.  2010eko azaroan Sviridov-en bi kantata abestu zituzten (“Songs of timelessness" eta Night Clouds), Ukrainiako herri-abestiei buruzko tratamendu sorta bat. 2011ko irailean lehen diskoa grabatu zuten, Liturgy, hainbat errusiar musikagileren lanak barne: Rachmaninoff, Tchaikovsky, Arkhangelsky, Chesnokov, Schnittke eta beste zenbait. 2012tik, abesbatzak abesbatza jaialdi eta topaketetan parte hartu ohi du: besteak beste, “KIEVMYUZIK fest”, “Pazko Topaketa”, etab. 2013an, Sophia abesbatzak lehen saria irabazi zuen “Victoria” Nazioarteko Ahots eta Abesbatza Lehiaketan (2013ko maiatza). 2014ko maiatzean berriz ere irabazi zuten lehen saria, XXXIII. “Hajnówka” Musika Ortodoxoko Nazioarteko Abesbatza Jaialdian. 2016ko uztailean, Nazioarteko 27. “Béla Bartók” Abesbatza Lehiaketan aritu ziren, Debrecen-en (Hungaria); bertan, lehen saria irabazi zuten ganbera-abesbatzen kategorian, baita zuzendari onenaren diploma ere. 2017 eta 2019an, Goriziako (Italia) "Seghizzi" Nazioarteko Abesbatza Lehiaketako Sari Nagusia irabazi zuten.

Hitzordu bikoitza beraz, igandean eta asteazkenean Ordiziako Eliz Parrokian,  azaroko igandeetan ospatuko den “Barroko Aire” programaren aperitibo gisa.