Oporraldiaren ondoren, Liburu Baby Kluba ipuin-kontalariaren programari ekingo zaio berriro. Saioa Udal Liburutegian egingo da,  ostegunean goizeko 10:30etan.

Liburu baby kluba Udal Liburutegiak sustatzen du eta urtean zehar Liburutegi berak bultzatzen duen ipuinkontaketen saioei gehitzen zaio.

Liburu Baby Kluba 0 eta 3 urte bitarteko umeei zuzenduriko jarduera ludiko eta didaktikoa da. Umeak heldu batekin egongo dira eta azken honek jardueran ere parte hartuko du. Jarduaren ardatza eta abiapuntua liburua da. Jarduera honen helburu nagusia umeengan txikitatik eta beraien familiengan literatura, musika, artea eta naturarekiko interesa piztea da. Liburu Baby Kluba jarduera kulturanitza da eta horregatik, euskaraz, gazteleraz eta ingelesez garatzen da.

Parte hartzaileen kopurua mugatua izanik, komeni da izena ematea Liburutegia bertan edo  943805633 telefonoan  edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. posta elektronikoan

Euskal Jaiak igaro ondoren, urteko azken lauhilekoak ekitaldiz vetea datozkigu. Iraileko lehen hamabostaldi honetan egin diren ekintzen ondoren, Herri Antzokira itzuliko da "Bizi Musika" kontzertu-zikloa, bere hirugarren edizioa aurkezten duena, euskal musikariekin, publiko guztiarentzako kontzertuekin eta musika estilo ezberdinekin. Emanaldiak ostegunetan eta arratsaldeko 19:30ean izango dira.

Irailaren 22an irekiko du zikloa Agus Barandiaran trikitilaria buru duen "Korrontzi" folk taldeak. “Korrontzi” inor axolagabe uzten ez duen euskal musika taldea da, kultura oso bateko erakusleiho bat, beraien zuzenekoen indarra eta energiarekin antzinateko soinuak eta dantzak edo folkaren joera berriak transmititzen dituena. “Korrontzi” euskal musika eta dantza tradizionalaren jai bat da, abangoardiako ikuspuntu batekin. Euskal Herriko kolore eta paisaiak.

Ondoren, urriaren 13an, Gorka Hermosa soinujolearen eta José Luis Montón gitarra-jolearen proposamen originala etorriko da, “Flamenco Etxea 2” aurkeztuko dute, Mariana Collado dantzariak lagunduta. José Luis Montón eta Gorka Hermosak flamenkoaren eta euskal musikaren arteko fusio bitxi eta originala proposatzen digute, beren konposizioetatik hasi eta euskal gai tradizionaletaraino doana. José Luis Montón flamenkoaren historiako gitarra-jotzaile handienetako eta originalenetako bat da. Munduko world music disketxe garrantzitsuenarekin (ECM) disko bat grabatu duen estatuko musikari bakarra da. Gorka Hermosak bere instrumentua irauli du, 4 aldiz urteko akordeoirako konposizio onenaren saria jaso du CMA (Soinujoleen Munduko Konfederazioa) erakundeagatik.

Azaroaren 17an Pello Ramirez artista ordiziarrak, Nacho Sotok pianoarekin lagunduta, "Haize Oihalak" aurkeztuko digu. Pello Ramirez akordeoi zein violoncello jotzailea, gure musikaren eskenako musikaririk estimatu eta errekerituenetakoa izateaz gain (Benito Lertxundi, Niko Etxart, Pier Paul Berzaitz, Dulce Pontes, Olatz Zugasti, Mikel Urdangarin, Xabier Lete, Iñaki Salvador …) konposatzaile handia ere bada, zotila bezain dotorea, sakona bezain sujerikorra.

Eta abenduaren 15ean itxiko du zikloa Esti Markezen azken musika-proposamenak, Dánae Riaño (Baxua), Iker Lauroba (Gitarra) eta Josu Erviti (Bateria) lagunduta. Parekidetasuna: taldeko bi kide emakumeak dira eta bi gizonak. Ahalduntzea: orain arte Estiren garapena bere aitaren ondoan ikusi dugula eta orain indartsu dator horrelako proiektu ausartarekin. Taldeko bi kideren gaztetasunak eta freskotasunak (ESTI eta Danae) bat egiten dute beste bi kideen (Iker eta Josu) esperientzia eta ibilbide luzearekin, eta proiektu bakar eta desberdin bat sortzen dute, non bi aldeen indarguneak nabarmenak diren. Horrek publiko zabal batetara iristea ahalbidetuko du.

Iaz bezala, lau kontzertuetarako abonu bat jarri da salgai, 28 euroan, eta sarrera solteak 10 euroan izango dira. Abonuak Barrena Kultur Etxean eta Herri Antzokian (leihatilan)  eros daitezke eta sarrera solteak Barrenan.

Gaur 19:00etan inauguratuko da Barrena Jauregian 'Emozioak' erakusketa kolektiboa, non, batez ere, Goierriko artisten lanak aurkituko dituzuen.
Parte hartzailek: Aitor Merchán Zabaleta, Angel Frias, Eli Aguirre, Floren Manso, Iker Dorronsoro, Iker Valle, Itziar Rodriguez, Javier Quirós, Javier Ibáñez, Javier Soto, Jesus Lopez Zulueta, Jokin Telleria, Kontxi Simon, Leire Markinez Calvo, Nuria Guel, Patxi Morales, Peio Goello, Pelex, Sergio de la Fuente Carballo, Usua Gabarain eta Victor San Juan.
Urriaren 7ra arte, astelehenetik ostiralera egongo da ikusgai erakusketa (09:00-13:00/16:30-20:00).

Gaur, asteartea, eta ostegunean, Plaza Nagusian kale antzerkiaren bi antzezlan eskainiko dira, zirkua ardatz hartuta. Ikuskizun familiarrak Udaleko Kultura sailak antolatuta eta Eusko Jaurlaritzako Hezkuntza, Hizkuntza Politika eta Kulturako «Kale antzerkia bultzatuz» programaren barruan.

Lehena gaur asteartea arratsaldeko 17:00etan izango da, eta Zirko Txosko konpainiak bere “Oh-pera!” lana antzeztuko du.

Zirko Txosko konpainia eusko-galiziarra, Óscar Páez eta Ariñe Azkuek osatzen dute. Bere ikuskizunetan clown-a eta akrobazia dira nagusi. Zirkua, umorea eta absurdoa nahastuz publikoa genero-berdintasuna edo norberaren zailtasunei aurre egiteko garrantziaren inguruko hausnarketara eraman nahi dute.

Zalantzarik gabe, obra honetan, arriskua da nagusi; oreka izugarriak, bikoteko akrobazia, aire akrobazia, malabareak... eta ezusteko pila bat!.  Antzezlan osoan zehar, zirku teknikak oso modu berritzailean azalduko dira, ikuskizunaren dramaturgiaren barnean guztiz integraturik . Publikoaren begien aurrean, eszena modu magikoan eraldatuko da. Emanaldian zehar, musika lagun dugula, bi pertsonaia hauek bizitza eta ingurua ulertzeko duten modu xelebrea azalduko dute.

Show berezi eta guztiz originala da “Oh-pera!”. Iruditik istorioak kontatu, espazio berriak sortu, dena eraldatzen da, ezer ez da berdin...… ez kanpoan, ezta barnean ere...

Mundua, oinarrizko piezaz osaturik dago, eta Zirko Txoskoren munduan, unibertso ezberdinak sortzeko gaitasuna duten KUTXA-z beterik dago!!! ... KUTXA hauei esker, ezinezkoa den guztia, egi bihurtu daiteken mundu magiko batera bidaiatzeko aukera izango dugu. Emozio, harrisku, aukera eta ilusioaz beteriko unibertso batera. Oh-Pera-ren esentzia!

Eta ostegunean Zirika Zirkus taldearen txanda, 17:00etan "Hemendikara" ikuskizuna aurkeztuz.

Zirika Zirkus 2003an sortu zuten Luis Lainez Toboadak (Boli) eta Ainhoa Juaniz Ezpeletak. Orduan biak Zirku Eskolan formatzen ari ziren, eta Fábrica de Sueños zirku-konpainiako kide ziren, Madrilen. Gero Iruñera joan ziren, eta bertan konpainia sendotu egin zuten.

Geroztik Zirika Zirkusek dozena erdi bat ikuskizun estreinatu ditu, eta horietan zirkuko beste artista batzuekin aritu dira elkarlanean: Maribel Martinez, Txetxu Collado, Oier Bravo eta Sergio de Andrés. Adituak dira familia osoarendako antzerki-zirku ikuskizunak sortzen, hainbat teknika uztartuz: orekak, akrobaziak, akroporteak, clown-ak, musikaz lagundutako malabareak, eta dantzak; umorez betetako lanak, maitasun handiz eginak.

Hemendikara zirko antzerki konpainia nomada bat da, munduko hainbat lekutatik etorritako pertsonaiez osatua. Egunero bezala, oilarrarekin esnatu dira, gosaria prestatu dute luzaketak eta ariketa fisikoak egiten hasi dira….baina bapatean… jendea kanpamentura inguratu dela konturatu dira. Aspeladi publikoa ikus gabe sorpresa ederra hartu dute!. Denborarik galdu gabe, eszenografia berriz muntatuko dute eta ikuskizunari hasiera emango diote. Beraien herrietatik ekarritako kulturak eta gurea koktelera batean sartuko dute eta… on egin!

Zirika Zirkusen ikuskizun guztiak bezala, umorea, maitasuna, aniztasuna, berdintasuna nagusi. Egunero bezala oilarrak abestu duenean, altxatu dira, gosaria prestatu dute, luzaketak eta ariketa fisikoak egin… baina bapatean… jendea kanpamentura inguratu dela konturatu dira. Aspaldi Ikuslerik ikusi gabe!! sorpresa ederra hartu dute!! Denbora galdu gabe, eszenografia montatu eta ikuskizunari ekingo diote. Beraien herrietatik ekarritako kulturak, eta gurea koktelera batean sartuko dute eta… on egin!

Antzerkia, zirkoa, dantzak eta umorea ditxaratxeroa den ikuskizuna eskaintzeko prest.