Autobusei eta bolumen handiko banatzaileei kalea zeharkatzeko baimena emango zaie

Gainontzeko ibilgailu guztiak Joseba Rezola pasealekutik bideratuko dira

Urdaneta kalearen erdia oinezkoentzat bihurtzeko lanak direla eta, Urdaneta kalea itxi egingo da bihartik larunbatera bitarte. Bihar, hilak 2, 14:00etan itxiko da kalea, eta larunbatean, hilak 5, zabalduko da atzera, 14:00etan. Autobusei eta bolumen handiko banatzaileei kalea zeharkatzeko baimena emango zaie, eta gainontzeko ibilgailu guztiak Joseba Rezola pasealekutik bideratuko dira. Joseba Rezolak bi noranzko izango ditu egun horietan, Joan Amezketa kaletik Otegi Armategia dendaren pareraino, eta semaforo bidez erregulatuko da trafikoa.

Garagartza plaza itxi egingo da bihar, larunbata, 21:00etatik 00:00etara

Bihar iluntzean, hilak 28, piztuko den San Pedro sua dela eta, Garagartza plaza itxita egingo da 21:00etatik 00:00etara, eta ibilgailuek ezingo dute bertatik igaro. Era berean, Ordizia eta Urdaneta kaleetako garaje-jabeei jakinarazten zaie ezin direla garajeetara sartu aipatutako ordu horietan. Larrialdiren bat sortuz gero, Udaltzaingoaren jarri behar da harremanetan 943 80 56 16 zenbakira deituz.

Hondakinen alorrean eragindako aldaketarengatik gipuzkoarrei eskerrak emateko erakusketa bat da

Bioterra azokan jarritako bera da, eta Ordiziaren ondoren, beste herri batzuetara joango da

Gipuzkoako Foru Aldundiak eskerrak emango dizkie gipuzkoarrei hondakinen alorrean lurraldean eragindako aldaketarengatik, eta horretarako erakusketa jarriko du hainbat herritan. Erakusketa hartuko duen lehendabiziko udalerria Ordizia izango da: herriko plazan egongo da bihar, 10:00etatik 20:30era. Ondoren, uztailean, abuztuan eta irailean, Gipuzkoako hainbat herritara eramango du Foru Aldundiak.

Merkatari, ostalari eta herritarrek hainbat ekarpen egin dituzte gaiari buruz hitz egiteko egindako bileretan

Ordiziako Udalak Alde Zaharrera sartzeko kontrol sistema berri bat landuko du. Orain arteko sarbide sistema aldatzeko proposamenaren berri emateko hiru bilera egin zituen udalak astelehenean (herritarrekin goizez eta arratsaldez, eta beste bat merkatari eta ostalariekin), eta horiek hainbat ekarpen egin zizkieten udalak aurkeztutako asmoari. Hartara, udalak aintzat hartuko ditu jasotako ekarpenak, eta gune historikora sartzeko kontrol sistemarako proposamen berri bat landuko du. Ehundik gora lagunek parte hartu zuten astelehenean egindako hiru bileretan.