Image
Image

Garapen iraunkorra eta mugikortasuna

ORDIZIA KALEKO TAXI GELTOKIA GARAGARTZA PLAZARA PASAKO DA

2014-04-29 garagartza Gudarien Etorbidean egin beharreko zirkulazio aldaketa datorren astera atzeratu da eguraldi baldintzak tarteko

Ordiziako Udaltzaingoak herritarrei jakinarazi nahi die Ordizia kaleko taxi geltokia Garagartza plazara pasako dela hurrengo egunetan. Zamalanetarako guneak eta taxi geltokiak partekatuko dute eremu hori. Aldaketa hori dela eta, Ordizia kale osoa aparkaldi mugatuko gune urdina izango da aurrerantzean. Bestalde, Gudarien Etorbidean egin beharreko zirkulazio aldaketa (kale osoa noranzko bakarreko bihurtu) datorren astera atzeratzea erabaki da eguraldi baldintzak direla eta. Apirilaren 10ean hasi ziren Ordizian motordun ibilgailuei lotutako zirkulazio aldaketak.

Garapen iraunkorra eta mugikortasuna

ASTELEHENEAN FRESATZE LANAK EGITEN HASIKO DIRA GUDARIEN ETORBIDEAN

2014-04-25 trafikoa Eguraldiak laguntzen badu, pintatze lanak ere egingo dira, eta Gudarien Etorbidea noranzko bakarreko kale bihurtuko da

Azken ordukorik ez bada, datorren astelehen goizean, hilak 28, hasiko dira Gudarien Etorbidea noranzko bakarreko kale bihurtzeko lanak egiten. Astelehenean fresatze lanekin hasiko dira, eta ateri egiten badu, pintatze lanak ere egingo dira. Lanak bukatzeko aukera izanez gero, datorren astean noranzko bakarreko bihurtuko da Gudarien Etorbidea, eta ibilgailuek goitik behera soilik zirkulatu ahalko dute. Garagartza plaza inguruan egin beharreko aldaketekin ere datorren astean espero du Ordiziako Udalak.

Garapen iraunkorra eta mugikortasuna

MOTORDUN IBILGAILUEN ZIRKULAZIOAN ALDAKETAK

2014-04-10 trafikoa Arana eta Santa Amalia kaleak noranzko bakarreko kale bihurtu dira, eta hilaren 24tik aurrera Gudarien Etorbidea ere bai

Gaur jarri dira indarrean Mugikortasun Planak herri barruko motordun ibilgailuen zirkulazioarentzat aurreikusten zituen hainbat aldaketa. Santa Amalia eta Arana kaleak noranzko bakarreko kale dira gaurtik, eta beste hiru kaleri noranzkoa aldatu zaie: Zuberoa kalea (Notaritza pareko zatian), Araba kalea eta Victor Mendizabal kalearen goiko zatia. Hilaren 24tik aurrera, berriz, Gudarien Etorbidea ere noranzko bakarreko kalea izango da, eta ibilgailuek goitik beherako noranzkoan soilik zirkulatu ahal izango dute.

Garapen iraunkorra eta mugikortasuna

OIANGUN AUZOLANA EGINGO DA HILAREN 12AN, LARUNBATA

2014-04-02 oiangu Parte hartzeko gutxieneko adina 16 urtekoa da, aurrez izena eman beharra dago asegurua egiteko

Ordiziako Udalak eta Aranzadi Zientzia Elkarteak urte hasieran abiatutako lankidetzaren harira, hilaren 12an auzolana egingo da Oiangun 10:00etatik 13:00era bitartean. Egingo diren lanak hauek izango dira: Inguruko hosto eta orbelak pilatzea; Egurrezko itxitura bat egitea konpostgunerako; eta zaharkitutako figurak kentzea. Parte hartzeko gutxieneko adina 16 urtekoa da, eta aurrez izena eman beharra dago asegurua egiteko: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. edo 943 88 58 50. Asegurua egiteko izen abizenak, nortasun agiriaren zenbakia eta jaiotze-data behar dira.

ORDIZIAKO UDALA

Udala 943 88 58 50

Udaltzaingoa 943 80 56 16

E-posta arretabulegoa@ordizia.eus

Kale Nagusia, 24 · 20240 Ordizia (Gipuzkoa)

KOMUNIKAZIOA

Tel 688 81 75 83

Tel 688 71 54 66

E-posta komunikazioa@ordizia.eus

Jarraitu gaitzazu sare sozialetan.

iconrssiconfacebookicontwittericonyoutubeiconinstagramiconflickr

OHAR LEGALA

Lege oharra

Pribatutasun politika

Cookie politika

logo ordizia footer

logo ordizia bizi herria

Image
Image
Image