[EUS] Urtarrilaren 15ean hasiko da XVIII. Antzerki Garaia programa, Ordiziako eta Beasaingo Udalen lankidetzarekin. Zortzi emanaldi eskainiko dira guztira, eta gaur banatuko zaizue programa zuen etxeetan. Saio bakoitzeko sarrera 12 eurokoa izango da, baina zortzi emanaldietarako abono berezia egongo da; 72 euroan saio guztietara joateko txartela izango dute. Hau erosteko epea urtarrilaren 11a arte egongo da, eta Ordiziako Herri Antzokian edo Beasaingo Usurbe antzokian eskuratu daitezke. Ekitaldi guztiak 19:00etan hasiko dira.

• Urtarrilak 15, Beasaingo Usurbe Antzokian: Txanogorritxotik otso emera (sei mutil medio). Tentazioa produkzioak, euskaraz. 
• Urtarrilak 22, Ordiziako Herri Antzokian: Mis mejores hazañas, Alikate producciones, gaztelaniaz. 
• Otsailak 19, Ordiziako Herri Antzokian: Konpromisoa, Txalo produkzioak, euskaraz.
• Otsailak 26, Usurbe antzokian: Ameriketako bidaia, Ttantaka Teatroa, euskaraz. 
• Martxoak 5, Ordiziako Herri Antzokian: Porno VS Afrodita, Benetan Be, euskaraz. 
• Martxoak 12, Beasaingo Usurbe Antzokian: La extraña pareja, Calibán teatro, gaztelaniaz. 
• Apirilak 16, Ordiziako Herri Antzokian: Losers, Txalo produkzioak, euskaraz. 
• Apirilak 23, Beasaingo Usurbe antzokian: Irabazi, Txalo produkzioak eta LaMandanga, euskaraz. 

XVIII. edizioa

Antzerkia bultzatzen jarraituko dute beste urtebetez Beasaingo eta Ordiziako Udalak elkarlanean antolatzen duten ‘Antzerki Garaia’ programarekin. Aurtengoa XXVIII. edizioa izango da; Gipuzkoako Foru Aldundiaren eta Euskadiko Antzoki Sarearen lankidetzarekin antzerkia hedatu eta ikusleak erakartzeko denboraldi honetarako egitarau erakargarria antolatu dute bi Udaletako kultura sailek.

Aurten Ordizian izan da aurkezpena, Herri Antzokian. Bertan izan dira bi Udaletako zinegotziak: Beasaingo Xabier Matarranz eta Ordiziako Lander Mujika ordezkariak. Lankidetza honen helburuak aurreko ekitaldietako berberak izaten jarraitzen dute: alde batetik, antzerki emanaldietara joateko ohitura sustatzea; eta bestetik, publiko berria erakartzea halako saioetara, batez ere, pertsona gazteak. Lan horri ekiteko konpromezua ez da falta.

Jakina denez, Antzerki garaia programazioak 1995eko lehen hiruhilekoan eman zituen lehenengo urratsak; beraz, aurtengoa Goierriko antzerti-denboralditxoaren hogeita zortzigarren ekitaldia da. Pandemiaren ondorioz une zailak izan dira sektore guztientzat, eta aurten horri aurre egitea espero dugu, pixkanaka normaltasunera itzultzeko. Bien bitartean, Beasaingo eta Ordiziako kultura sailek kulturaren aldeko apustua egiten jarraitu nahi dute, eta, betiere, osasun neurri egokiekin, "Antzerki Garaia” edizio berri bat eskaini nahi diete goierritarrei. Azken urte hauetako balorazioak, orokorrean, positiboak izan dira eta Beasain eta Ordizia elkarrekin egindako lana ikusleen mesedetan joan da, Goierrin antzerti-denboralditxoa eskainiz.

Abonuak

Sarrera 12 eurokoa izango da emanaldi bakoitzeko. Sarrerak, antzezlana egin behar den antzokiaren lehiatilan (Beasaingo Usurbe antzokian eta Ordiziako Herri Antzokian) eskuragarri egongo dira, eta baita www.kutxabank.eus zerbitzuan ere.

Horrez gain, denboraldi osorako abonuaren salneurria 72 eurokoa da, eta hauek erosteko epea urtarrilaren 11a arte egongo da; egun hori barne. Denboraldi osorako abonua erosten dutenek emanaldi guztietara sartzeko aukera izango dute, bai Beasainen zein Ordizian egiten direnetara. Horrez gain, bi herrietan urtean zehar izango den antzerki programazioaz informazio zehatza jasoko dute. 10 sarrera baino gehiago erosi nahi dituzten kultura talde, ikastetxe eta gisakoek sarrera-prezio berezia izango dute: 10 euro sarrerako. Taldeko sarrerak lortzeko dagokion Udaleko kultura sailean aldez aurretik jakinarazi beharko da.

Emanaldi guztiak 19:00etan hasten dira, eta puntuan agertzea eskatzen da, are gehiago, bizi dugun egoera zein den ikusita. Hala, beharrezko neurriak hartuko dira guztien segurtasuna bermatzeko. Emanaldi hasi ostean ez da sartzerik izango.

Atzo arratsaldean egin zen Ordizian Giza Eskubideak Herria V. Nazioarteko Korto Lehiaketaren finala eta sari banaketa. Bertan, lehen postua, ‘Mama’ laburmetraiak irabazi zuen 1.000 euroko ordainsaria. Horrez gain, Sari Gaztea ere lortu zuen, 300 euroko saria eskuratuz. Espainiako ekoizpena da hau, eta Eduardo Vieitez da zuzendaria.

Goierriko egileek ere izan dute saria. Hain zuzen ere, Goierriko korto onenaren saria Nahia laburmetraiak eskuratu du. Terapistak antzerki taldea, Oianguren Institutuko kideek. Hauek ere 300 euroko saria eskuratu dute.

Lehiaketari buruzko beste datu batzuk:

Nazioarteko atalean aurtengoan, 179 film labur jaso dira munduko 26 herrialdetatik: Euskal Herria, Mexiko, EEBB, Brasil, Taiwan, Arabiar Emirerri Batuak, Alemania, Frantzia, Txile, Peru, Espainia, Italia, Herbehereak, Libano, Kroazia, Kuba eta abar.

Euskal Herritik 5 film labur jaso dira, eta hauetako 1 Goierritik. Eskerrik beroenak ematen zaie antolakuntzarik, beraien lanak bidali dizkiguten sortzaile guztiei.

Ikuskapen Komisio batek, 179 film labur horietatik 8 film labur finalista hautatu ditu.

AMA. SOLO CERCA DEL MAR. SOLA IN DICESA. LEO Y ALEX. ASSIA. ROOMING. MANGI MELI. MAMA.

Ikastetxeetan, DBHko ikasleekin, parte-hartze prozesu bat eraman da aurrera “Sari Gaztea” aukeratzeko. 273 ikaslek eman dute bozka. Azkenik, sari banaketaren jaialdira hurbildu diren guztiek osaturiko epaimahaiak irabazlea hautatu du.

GIZA ESKUBIDEAK HERRIRA NAZIOARTEKO V. KORTO LEHIAKETA FINALA OSTEGUNEAN, 19:00ETAN,  BARRENA KULTUR ETXEAN

dar-dar produkzioak gizarte ekimenezko kooperatiba, GIZA ESKUBIDEAK HERRIRA, proiektua garatzen ari da Ordiziako herrian 2015etik.

Ordiziako biztanleak, eragileak eta abar dira proiektu honen ardatza. Giza Eskubideen inguruan hauek sentsibilizatuaz eta heziaz justizia soziala bermatzeko helburua du.

Ekimen hau, Ordiziako Udalaren Hiri Hezitzaileen programaren baitan dago kokatua.

dar-dar produkzioak gizarte ekimenezko kooperatibak Ordiziako Udalarekin eta herriko eragile desberdinekin Giza Eskubideen inguruan hainbat ekintza, jarduera edo programa eraman ditu aurrera 2020 urtean zehar.

Oraingoan, Ordiziako Udalarekin batera aurrera eramaten ari garen GIZA ESKUBIDEAK HERRIRA NAZIOARTEKO V. KORTO LEHIAKETAren finalaren berri eman nahi dizugu.

Finalaren Ekitaldia eta sari banaketa: Ordiziako Barrena Kultur etxean.

Eguna: 2020ko abenduak 17an (Osteguna).

Ordua: 19:00etan.

Aforoa mugatua da Gonibidapenak: Barrena Kultur etxean.

Sariak:

1.000€ korto onenari. (ikusleek bertan, unean, bozkatuko dute).

300€ sari gaztea (ikastetxetan bozkatuko dute).

300€ Goierriko egilea duen korto onenari.

Lehiaketari buruzko beste datu batzuk:

Nazioarteko atalean aurtengoan, 179 korto jaso ditugu munduko 26 herrialdetatik: Euskal Herria, Mexiko, EEBB, Brasil, Taiwan, Arabiar Emir Herri Batuak, Alemania, Frantzia, Chile, Peru, Espainia, Italia, Herbeherak, Libano, Kroazia, Kuba etab.

Eskerrik beroenak beraien lanak bidali dizkiguten sortzaile guztiei.

Ikastetxeetan DBHko ikasleekin parte hartze prozesu bat eraman da aurrera, 273 ikaslerekin eta Sari Gaztea aukeratu da.

Lehiaketaren helburuak:

Munduko herrialde desberdinetan, Giza Eskubideen inguruan, zine kortoak sortzen ari diren egileen lanak Ordiziako herritarrei hurbiltzea.

Ordiziako herritarrengan Giza Eskubideen eta artearen inguruan sentsibilizazioa eta gogoeta bultzatzea.

Jasoko diren lanetatik onenak diruz sarituaz, egileei lan berriak sortzen laguntzea.

Lehiaketaren nondik norakoak:

Ordizian den ohiko zine programazioa ikustera hurbildu diren pertsonek, ohiko filmaren aurretik, Giza Eskubideen inguruko korto batetaz gozatzeko aukera izan dute astero urte osoan zehar,.

Proiektatu diren kortoak ardatz izanda, Ordiziako ikastetxeekin elkarlanean parte hartze prozesu ba egin da.

Zinea, artea eta kultur arloko profesionalez osaturiko komisio batek finalistak aukeratu ditu .

Abenduaren 17an Barrena Kultur Etxean, korto lehiaketaren finala ospatuko da, finalistak proiektatuko dira eta sariak banatuko dira. Edukiera mugatua gonbidapenarekin Barrena (943805630)

MARTIN GARCIA GARMENDIA ETA LEMNISKATAREN ESKUTIK, BARRENAN "GOIERRI MENDE BAT LEHENAGO (Posta-txarteleko irudietan)” LIBURUAREN ERAKUSKETA ETA AURKEZPENA

Bihar asteazkena, Barrena Kultur Etxean 18:30ean Martin Garcia izango dugu Lemniskata Kaierak bildumako 4. alea aurkezten : El Goierri hace un siglo (visto a través de la tarjeta postal)/ Goierri mende bat lehenago (posta txarteletako irudietan). Liburuak 140 orrialdetan 150 argazkitik gora eta testu laburrak jasotzen ditu, Goierriko 19 herriak azalduz.

Aurkezpenarekin batera izenburu bereko erakusketa zabalduko da; 16 paneletan jasotzen dira liburuko argazki eta testuak neurri haundian. Erakusketa urtarrilaren 8ra arte egongo da ikusgai, Barrenako ordutegian, 9:00etatik 13:00era eta 16:30etik 20: 0etara.

Irudi asko eta testu laburrez, Martin Garciak XX. mende hasierako garai hartara hurbiltzen gaitu. Liburua aurkezpenean jarriko da salgai 5 €-tan.