Barroko Aire zikloa igande honetan jarraituko da parrokian, joan den igandeko kontzertua ezustean bertan behera geratu ostean. Thomas Ospital organo-jotzailea eta Lucas Lipari-Mayer tronpeta-jotzailea izango dira igandeko hitzorduaren protagonistak, nazioarteko musika eszenan arrakasta duten bi musikari gazte

Thomas Ospital 1990ean jaio zen Iparraldean. Baionako kontserbatorioan hasi zituen bere musika-ikasketak, Esteban Landartekin, eta Parisko Goi Mailako Musika Kontserbatorio Nazionalean jarraitu zituen. Azkenik, bost Lehen Sari irabazi zituen organo, inprobisazio, harmonia, kontrapuntu eta fuga klaseetan.

Sari ugari irabazi ditu nazioarteko lehiaketetan, hala nola Zaragozan, Chartresen, Tolosan eta Angersen. 2015ean, hautaketa lehiakor baten ondoren, Parisko Saint-Eustache elizako organo handiaren titular izendatu zuten. 2017tik, Parisko Goi Mailako Musika Kontserbatorio Nazionaleko teklatuan harmonia irakaslea da. Bere kontzertista jarduerak mundu osoan zehar bakarlari edo orkestra sinfonikoarekin gertatzera eramaten du.

Lucas Lipari-Mayerrek, (trompeta) 1996an jaio zen italiar-hungariar familia frantziar batean, eta Ensemble Intercontemporain taldeko bakarlari izendatu zuten 2018ko ekainean.

 Parisko CRRn ikasi zuen. Aho batez lortu zuen Parisko CRRko 1. saria 2013ko ekainean, arrakasta ugari eta nazioko eta nazioarteko hainbat lehiaketa (Jeju-Hego Korea, Alençon, Selmer, Ric Namur...) lortu ondoren. Nazioarteko akademietara gonbidatu ohi da, hala nola World-K Trumpet Camp (Hego Korea 2018-2019) Chosen Vale Trumpet International, Lucerne Festival Academy (2015, 2016), Musikalpa Brass Festival, Bach Festival en Toul (2018-2019, Frantzia), "Le Son des Cuivres" en Mamers (Frantzia).

2017ko maiatzean, Arte Ederretako Lizentziatura lortu zuen CalArtsen (California Institute of the Arts - Los Angeles). Ordutik Malmön (Suedia) jarraitu du bere Maisutza Musikhögskolan Håkan Hardenberger tronpeta-jotzailearekin.

Tronpeta-kantu edo tronpeta-organo bikote batean ere aritzen da aldizka, hainbat kultur ekitalditan (Bach Jaialdia, Saint-Eustache ekitaldiak...).

Gogorarazten dugu bertan behera utzi ziren kontzertuak ondorengo igandeetan egingo direla: abenduaren 6an Euskadi Brass eta abenduaren 13an Conductus Ensemble eta Vocalia.

Aurreko kontzertuetan bezala, edukiera mugatua izango da, dagozkion segurtasun-neurriak bermatzeko eta kontzertuetarako gonbidapenak jaso behar dira Barrena Kultur Etxean (943805630).

Kultur agendak "Harri orri ar" obra ekarriko du ostiral honetan Herri Antzokira, martxoan bertan behera geratu zena  pandemiagatik. Euskal gatazka du oinarrian Pez Limbo taldeak sortu eta taularatuko duen “Harri orri ar” antzezlanak. Gatazka bera, eta hark iritzi publikoan sortutako mesfidantzak, beldurrak eta kezkak. Agertokian sortutako elkarbizitza ariketa bat da, finean, zeinean gertakariak eta testigantzak aurrez aurre jarriko diren. Errealitatea eta fikzioa; bietatik du lanak, eta modurik gordinenean uztartzen ditu biak.

Lanak 2010eko irailaren 5a du abiapuntu. Egun hartan, ETAk su-etena iragarri zuen BBC kateari helarazitako ohar baten bidez —eten hura behin betikoa izango zen gerora—. Iraileko egun hura, ordea, ETAren amaieraren aurrenekoa izateaz gain, elkarbizitzaren aro berriaren lehena ere izan zen. Izan ere, Maria Goirizelaia antzezlanaren sortzailearen eta zuzendariaren hitzetan, euskal gizartearen gehiengoak egun hura gogoratzen badu ere, «ez da hitz egiten» gertaera haren inguruan. «Zergatik ez dugu hitz egiten politikaz gure ingurukoekin? Zergatik ez dugu esaten nori bozkatzen diogun? Zergatik ezkutatzen dugu oraindik norberaren ildo politikoa Euskal Herrian?». Galderak ditu abiapuntu lanak, eta galdera berri gehiago ekarri nahi ditu hizpidera.

Goirizelaiak idatzitako testua itaun horietatik abiatzen da, eta pentsaera politiko ezberdinak dituzten zazpi lagunen bitartez harilkatuko da istorioa. Iñake Irastorza, Nagore Gonzalez, Martxelo Rubio, Josune Velez de Mendizabal, Haizea Baiges, Jontxu Martinez eta Egoitz Sanchez arduratuko dira pertsonaiak horiek hezurmamitzeaz.

Euskadin, eskola baten jolastokian. Zazpi lagun ari dira jolasten. Ez dute elkar ezagutzen baina bertan daude, gune berean... arrazoiren batengatik. Hau da Harri orri arren hasiera, sekulan hitz egiten ez dugunaz hitz egiten duen ikuskizuna: euskal kontaketa, bakar bat ez dena, askotarikoa baizik, non oraindik beldurra baitagoen gure jarrera politikoa ezagutarazteko, odolak zer esana duen herrialde batean.

Sarerak salgai Barrena Kulturt Etxean

Aurten ere, Titirijai Tolosako Nazioarteko Txotxongilo Jaialdia aprobetxatuz, Udaleko Kultura Sailak jaialdiko ikuskizunetako bat ekarri du Herri Antzokira. Aurten, pandemiaren ondorioz, bertan behera geratu da eskola-saioa, baina familiakoek Txo Titelles konpainia katalanaren lana ikusi ahal izango dute, "Circ-Cabaret Armando Rissotto" lana aurkeztuko baitu asteazken honetan Herri Antzokian, 17: 30etik aurrera.

Ikuskizuna zirkuari eta “barieteei” eginiko omenaldi laburra da. Familiei zuzendutako sorkuntza-ikuskizuna non eta pertsonaiek pistan zehar plazaratzen dituzte haien trebetasunak, balentriak eta bitxikeriak erakutsiz. Umoregile batek aurkezten du desfilea, modu karikatureskoa eta off  ahotsa baliatuta. Ikuskizunaren erritmoa lasaia izatetik gero eta biziago izatera pasatuko da: trepidante ma non troppo,  allegretto, erlaxagarria. Protagonista bakoitzaren izaerak eta energiak markatuko du erritmoa betiere. Konpainiaren lan-ildoari jarraituz, “Circ-Cabaret Armando Rissotto” asmakizunez eta mekanismoz  beteta dago,  baita samurtasunez,  magiaz eta poesiaz ere.

Armando Rissotto agure sentikorra eta sukaldaritzaren maitalea da, eta zintzo jarraitzen du bere lanarekin: pistako langilea, zuzendaria, aurkezlea eta beste edozer. Barietate-ikuskizunari ukitu originala emateko, menú  moduan aurkeztea erabaki du, hau da, bankete handi balitz bezala. Pistan azalduko diren artistak dira menu berezi hau sortzeko osagai egokiak: motoziklista distiratsu eta bizkorra, abeslari aldarrikatzailea eta adarjotzailea, azti misteriotsu eta ia gauza guztietan eraginkorra, ahots leuna duen kantari ederra, trapezista trebea baino trebeagoa.

Konpainiaren arima Nartxi Azkargorta eta Esther Cabacés dira . Nork bere ibilbidea egin ondoren (Taun-Taun taldeko fundatzailea eta kidea da Nartxi; eta Esther, berriz,T anxarina eta Zootrop taldeetako fundatzailea eta kidea), 1998an elkartu ziren bion profesionaltasuna eta trebetasuna uztartuko zituen ikuskizuna sortzeko: “Alé, Hop, Caperucita... eta otsoa?” Bilaketaren eta berrikuntzaren filosofia galdu gabe, ikuskizunak sortzen jarraitu dute bere lantegian. Egindako  lanak konpainia sendotu du, eta itzal handia eman dio bai Espainian baita nazioartean ere. Mireia Peña aktore eta pailazoak lagundu ohi die. Eta Xabier Labaien da bere ikuskizun guztien soinu banda konposatu duen musikaria.

Kritikaren esanetan, ikuskizuna gozamena, harrigarria, liluragarria, oso dibertigarria da, eta 2009an Feten-en txotxongilo ikuskizun onenaren saria jaso zuen.  Sarrerak salgai Kutxabank-en eta Herri Antzokian.

https://www.youtube.com/watch?v=y-BPhTcAjjg&feature=youtu.be

Azaroaren 20tik abenduaren 11ra Barrena Kultur Etxeko Erakusketa aretoan “Ortzadar Ordizia XI. Argazki erakusketa” izango da ikusgai. Erakusketako ordutegia 18:00etatik 20:00etara izango da.

Ortzadar Argazki Elkarteko hainbat partaideren lanak daude ikusgai: Amaia Oar-Arteta, Anaitze Jauregi, Angel Fernandez “Sakatxa”, Carlos Iraeta, Iñaki Hidalgo, Jose Ignacio Rodriguez, Joxemi Romero,  Miguel Cavero, eta Aitzol Arruabarrena.

Erakusketarako egindako triptikoan horrela aurkezten da erakusketa:

Ondorengo hitz hauen bidez Ortzadar Elkartearen erakusketa aurkeztu nahi izan dugu eta aldi berean argazkietara gerturatuko gara; izan ere, elkarteak urteroko hitzorduari ez dio huts egin. Erakusketan Ortzadarreko 9 bazkideren 27 argazkiak jasotzen dira eta beraien begiradaren bitartez, irudien bitartez, paisaiak, begiradak, objektuak, uneak eta abar jasotzen dira era oso pertsonalean eta aparteko sentipen eta emozioak eskaini eta islatzen dituzte.

"Argazkiak oraina baino ezin du irudikatu. Argazkiak atera ondoren, subjektua iraganaren parte bihurtzen da. " Berenice Abbott

"Kamera baten osagairik garrantzitsuena haren atzean dago". Ansel Adams

"Argazkigintza da mundu osoan uler daitekeen hizkuntza bakarra". Bruno Barbey "

"Argazkigintzak emozioa bultzatzen duten irudiak sor ditzake, gai bakar batean oinarrituta, hori da gauzarik bikainena". Brassai "

 "Argazkigintza borroka bat da. Etsaia denbora da, eta garaitu egiten duzu une egokia izoztea lortzen duzunean, eta zutaz eta gertatzen ari denaz hitz egiten duen zerbait hil eta betiko desagertzea saihesten duzu. " Cristina García Rodero

"Zu eta zure kamera zara zeu. Zure argazkietan dauden mugak pertsona gisa izan ditzakezun berberak dira, zer garen ikusten baitugu ". Ernest Haas

"Argazki batek atsegina, alaia eta ederra izan behar du. Bizitzan gauza aspergarri asko daude eta ". Auguste Renoir

Zale guztiei zabalik

Erakusketa abenduaren 5era arte Barrena Kultur Etxean ikusgai izango dute argazkizale guztiek eta publiko orokorrak.

Asteartero, 19:00etik 21:00ak bitartean Barrena kultur etxean duten lokalean biltzen dira elkarteko bazkideak, argazkigintzaren inguruan sortzen diren askotariko gaiei buruz hitz egiteko, esperientziak konpartitzeko edo irteera eta tailerrak antolatzeko.

Erakusketa ostiralean zabalduko da arratsaldeko 19:00etan.