Ostiral honetan, hilak 11, Deabru Beltzak taldeak "Diberti-dantza" kale antzerki familiarra aurkeztuko du Urdaneta Ikastetxeko patioan; sarrera dohan eta edukiera mugatua.  Emanaldia Udaleko Kultura sailak antolatzen du eta Eusko Jaurlaritzako Kultura Sailak babestutako "Kale Antzerkia Bultzatuz" programaren barruan egiten da.

Musika, jolas eta dantzekin osatutako formula berriarekin Deabru Beltzak taldekoek buruz behera jarriko dute Urdaneta ikastetxeko patioa. Diberti-dantza-ri esker, gurasoek eta haurrek bat egingo dute dibertsioaren zurrunbiloan. 0-99 urte bitarteko edozeinentzako, ezin hobea.

1996an sortu zuten Deabru Beltzak konpainia eta Bilboko Iturrialde auzoan du egoitza. Kaleko antzerkia egiten duten euskal konpainien artean nabarmentzen da “Deabru Beltzak” eta nazioarteko proiekzio handia du. 22 urte hauetan konpainiak 3000 emanalditik gora eskaini ditu mundu guztiko 35 herrialde baino gehiagotan.

Euskal Herriko hainbat antzerki taldetik zentozen aktoreek sortu zuten1996an Deabru Beltzak kale antzerkia. Bilboko Iturrialde auzoan du egoitza. Kaleko antzerkia egiten duten euskal konpainien artean nabarmentzen da “Deabru Beltzak” eta nazioarteko proiekzio handia du Sortu zenetik 10 antzezlan aurkeztu dituzte, hoiekin 3.000 ekitaldi eginez, 80 aldiz enkargatu dizkiete ekimen berezien antolakuntza, 50 hiritako jaien zuzendaritza artistikoa egin dute, munduko 35 talderekin egon dira elkar lanean eta gaur egun ondoko erankundeekin kolaboratzen dute: Eusko Jaurlaritza, Ministerio Español de Educación, Cultura y Deporte, Bilbao Udaleko Kultura Saila, Gouvernement du Québec, Le Moulin Fondu, Le Forneau, Leioako Umore Azoka, Fest’Arts Libourne, Fira de Teatre al Carrer de Tàrrega, Arriola Kultur Aretoa, Chalon dans la Rue, Lekeitioko Nazioarteko Kale Antzerki Jaialdia, Portal 71 producciones culturales, Bizkaiko Foru Aldundia…etc 5 kontinente eta 35 herrialde baino gehiagotan egin dute lan, Euskal Herriko talderik nazioartekoena bilakatuz.

Emanaldian hainbat arau bete beharko dituzte ikusleek:

    Leku mugatuak izango dira , indarrean dagoen araudiaren arabera

    Pertsonen arteko distantziak gorde beharko dira

    Maskara jantzita edukitzea beharrezkoa izango da

    Garaiz etorri, jende pilaketak saihesteko. Banan-banan esertzeko denbora beharko da

    Une oro norbere tokian eserita egon beharko da emanaldia amaitu arte

Ordiziako Udaleko Kultura Sailak, Udal Liburutegiarekin batera, "Liburu Baby Kluba" jarduerarekin jarraituko du. Hala, ostiral honetan, Mestiza Elkartearen laguntzarekin, eta aurrez aurreko saioaren ordez, jarduera online egingo da, youtubeko udal-kanalaren bidez. Goizeko 10:00etatik aurrera, hiru bideo izango dira eskuragarri herritarrentzat, nahi duten unean ikusi ahal izateko. 

Liburu Baby Kluba 0 eta 3 urte bitarteko umeei zuzenduriko jarduera ludiko eta didaktikoa da. Jarduaren ardatza eta abiapuntua liburua da eta helburu nagusia umeengan txikitatik eta beraien familiengan literatura, musika, artea eta naturarekiko interesa piztea da. Liburu Baby Kluba ekintza kulturanitza da eta horregatik, euskaraz, gazteleraz eta ingelesez garatzen da.

Pandemiangatik saio presentzialak bertan behera utzi dira eta horien ordez saio bakoitzeko edukiak bost minutuko iraupena izango duten hiru bideotan jasoko dira: abestiak, poesiak, liburuen irakurketak eta literaturaren mundu magikoa ezagutzeko gomendioak..

Bideoren bidez garatuko diren saioetan familiek ipuinez eta abestiez gozatuko dute elkarrekin, euskaraz, gazteleraz eta ingelesez.

Ipuinetako narratzaileak hauexek dira: Mónica Gracia (euskara), Josie Yañez (ingelesa) eta Ana Molina (gaztelania)

Ekainak 11ra arte Barrena Kultur Etxeko Erakusketa aretoan  “Nikolas Lekuona X. estatu mailako argazki lehiaketan” aukeratutako lanak izango dira ikusgai. Erakusketa Barrenako ordutegian (9:00-13 / 16:30-20:00) zabalik egongo da. Sari banaketaren ekitaldia gaur astelehena egingo da 19:00etan.

Argitaratutako katalogoan Elkarteko lehendakariak,  horrela aurkeztu du erakusketa:

Hamargarren urtez jarraian, eta beste behin COVID-19ren itzalaren mehatxupean, ORTZADAR ORDIZIAk ”Nikolas Lekuona” X. Argazki Lehiaketa Nazionala antolatzea lortu du, nahiz eta ohikoa baino zailagoa izan.

   Bagenekien pandemiak eragindako itxialdi eta murrizketa garai hauetan parte-hartzea urritu zitekeela. Izena emateko epea ireki genuenean ere, une askotan horrela izango zela uste genuen. Baina bukaeran, azken istantean, argazki batzuk biltzea lortu dugu. Parte-hartzaile kopurua gutxitu egin da aurreko urteekin alderatuta, eta ziur asko COVID-19ak eragina izango du; hala ere, gero eta lehiaketa gehiago digital bilakatzeak eragina duela uste dugu, horrek erosotasuna baitakar. Nolanahi ere guk  paperezko euskarriaren alde egiten dugu eta luzaroan horrela jarraitzea espero dugu.

    Goian deskribatutako guztia gorabehera, parte-hartzeak eta jasotako lan kopuruak gure itxaropenak gainditu ditu. Beti bezala, katalogoa motz geratu zaigu. Kalitatezko lan ugari izan ditugu, eta, beraz, aukeraketa egin behar izan dugu. Aktan azaltzen den bezala, epaimahaiak luze eztabaidatu ondoren, saria nortzuek lortu duten erabaki du. Plazer handia izan da epaira gerturatu ahal izatea, izan ere, lurtarrenen begietatik oharkabean pasatzen zaizkigun puntu eta ñabardurak aztertzeko  aukera eman digu epaimahaiaren begirada arakatzailearen bidez.

   Lerro hauen bidez, zorionak eman nahi dizkiegu irabazleei, eta agur bero bat bidali parte-hartzaile guztiei. Epaimahaikideei ere egindako lan gogorra eskertu nahi diegu, egia esan, ez dute oso lan erraza izan. Era berean, eskerrak eman nahi dizkiegu laguntza eman duten erakundeei, haiek gabe ezinezkoa izango bailitzateke lehiaketa hau egitea. Baina, batez ere, zuei guztioi eskerrak eman nahi dizkizuegu, zuen laguntzarik gabe, eta zuen lanik gabe, ez baitzen posible izango lehiaketa hau aurrera ateratzea.   Mila esker guztioi. Amaitzeko, animatu zaitezte argazkizale guztiak hurrengo edizioan parte hartzera!

Epaimahaiak: Juan Antonio Palacios, Ura Iturralde Larrañaga eta Oscar Gascon Marañon Hemen sarituak:

Lehen Saria:  “Tadzia”   Luis Martinez

Bigarren Saria:    “ Pensamientos”   Miquel Planells

Hirugarren Saria: “Hermanas”        Jose Ramon  Luna

Herriko Saria:      “Bascula y zabahorias”    Joxemi Romero

Ostiral honetan, hilak 21, kultur ekitaldiz beteta dator, eta horien artean aipatzekoak dira "Organic" kale antzerki familiarra Majori Plazan 17:15ean; eta 19:00etan Herri Antzokian, joan den hilean bertan behera utzitako "Losers" antzezlana. Azken emankizun honetarako sarrera guztiak agortuta daude.

Esan bezala, ostiral honetan Ameztu produkzioak taldeak "Organik" antzezlan familiarra aurkeztuko du Majori Plazan, 17:15ean, Eusko Jaurlaritzako Kultura Sailak babestutako "Kale Antzerkia Bultzatuz" programaren barruan.

AMEZTU produkzioak 2006an sortutako antzerki taldea da. Ordutik 1.000 antzezpen baino gehiago egin ditu Euskal Herri zein estatuko  antzoki, enparantza, areto eta kaleetan. Hainbat feria zein jaialditan gonbidatuta izan da, hala nola: Tarrega, FETEN, kaldearte (publikoaren saria), Kalerki, Araiako umore jaialdia,…. Ameztu taldearen helburua publiko familiarra da. Antzerki ñoño, aspegarria eta nekagarria alde batera uzten dute eta bere aurrean jartzen den pertsona orori (aita, ama, ume, aiton-amonak,,…)momentu dibertigarri eta hunkigarri pasaraztea da gehien maite dutena.

“Organik” kale-ikuskizuna da eta umorearen, parte-hartzearen, txotxongiloen eta clown fisikoaren bidez mundu naturalarekiko eta landare-erresumarekiko enpatia eragin nahi du. Pertsonaia xelebre batek altruismoaren alaitasuna eta lore, barazki, fruitu eta lekaleekiko elkartasuna dastatu eta bere esker ona adierazten die lagun xume hauei. Landareen askapen organikoaren frontearen bidez. bere mezua helarazi nahi du: "Barazkiek sentitu egiten dute, kontzientzia dute eta eboluzioaren idealera iritsi nahi dute”.

Mugimendu begetalista horrek bizitza ororen errespetua defendatzen du, eta landare-izakien borroka izugarria berdindu eta haien existentzia duindu nahi du. Abentura zentzugabe hauek, bizitza naturalari kantu alai bat osatzen dute.

Naturarekin eta landareen munduarekin enpatia sortu nahi duen ikuskizun bat da. Horretarako umorea, parte-hartzea, txotxongiloak eta clown bat erabiltzen ditu.

Ikuskizunaren sipnosia: Ausarta, bihotz oneko eta bio-abenturazalea den Mr Naturalek barazki eta fruituak maite ditu eta ahotsa eta bizitza ematen die; Zaintzeko eta maitatuak izateko eskatzen dute, izan ere haiek dira munduko edertasun-distira nagusienak.

Baina Mr Naturalek badauka bere itzala, sabeleko alde ilunetik ateratzen dena, “Yoyo” izenekoa. Jatun krudel galanta da! Bere gosearekin bizitza etxekotu eta esklabo bihurtu nahi du berak pentsatzen bait du landare guztien jaun ta jabea dela eta eskubiderik ez dutela.

Mr Naturalek bere itzala besarkatu egingo du, eta holan bere alde ona askatu egingo du maitasunez betetako bizitza lortuz. Izan ere Ama-Lurra maitatzea, Ama-lurra bilakatzea da.

Kultur emanaldietan bertan hainbat arau bete beharko dituzte ikusleek:

    Leku mugatuak izango dira ekitaldietan, indarrean dagoen araudiaren arabera

    Pertsonen arteko distantziak gorde beharko dira

    Maskara jantzita edukitzea beharrezkoa izango da

    Garaiz etorri, jende pilaketak saihesteko. Banan-banan esertzeko denbora beharko da

    Une oro norbere tokian eserita egon beharko da emanaldia amaitu arte