Kultura Familian bizi izenburupean, Udal Kultura Sailak familientzako jardueren programa berritzailea jarri du abian, eta abendura bitartean bost ikuskizun eskainiko dira Herri Antzokian, guztiak igandeetan eta goizeko 12:00etan, asteazken batean arratsaldean eskainiko den obra izan ezik.

Familia askok transmititu nahi diete beren seme-alabei kulturarekiko zaletasuna oro har: literatura, pintura, zinema, antzerkia, eskultura, argazkilaritza... Kultura familian programak horretarako pista batzuk eskaintzen ditu, musika, pailazoak, ipuin musikal bat, txotxongiloak eta haur literaturako klasiko baten bertsio moderno bat eskainiko dituen ziklo batean.

Zikloa igandean, hilak 17, hasiko da goizeko emankizunean, eguerdiko 12:00etan, Turukutupa taldearen eskutik musika proposamen batekin. Bertan, Herri Antzokiko agertokira "Reziklate!" lana eramango da. Kontzertu familiarra izango da, eta bertan munduko hainbat musika aurkeztuko dira, hala nola Euskal Herrikoa, Afrikakoa, Latinakoa, Iberiakoa eta abar. Emanaldia musika-pedagogia eta hondakin-materialak musika tresnak egiteko  birziklatzea uztartzen dituen proiektua da.

Azaroan zikloko hiru emanaldi aurkeztuko dira, lehena igandean, hilak 7 (12:00), Txirri, Mirri eta Txiribiton pailazoekin. Ikuskizun honek antzerkia, komedia, pailazokeria eta dantzaldia eskaintzeaz gain, martxa handia eskaintzen du, betiko abestiekin: « Paristik Natorren »…

Azaroaren 21ean (12:00), Didau taldearen txanda izango da, Prokofieven “Peru eta otsoa” ipuin musikalaren bertsio bat eskainiko duena. Musika sinfonikoa modu dibertigarrian hurbiltzeko asmoz sortutako ipuin musikal bat da, denboraz kanpokoa eta adin guztietako haurrei zuzendua.

Azaroaren 24an, Tolosako Txotxongilo Jaialdiaren eskutik, Poloniako Ola Muchin konpainiak bere ikuskizuna “Kukuryku” aurkeztuko du, arratsaldeko 17:30etan.

Eta zikloa abenduaren 12an itxiko du (12:00etan), Borobil Teatroa konpainiaren eskutik datorren « Hansel y Gretel » klasikoaren bertsio originala, Grimm anaien klasikoaren bertsio dibertigarria eskainiz.

Ziklo honetarako sarrerak Barrena Kultur Etxean eskura daitezke 5 euroko saioko prezioan eta ziklo osorako abonua eskuratzeko aukera eskaintzen da 15 euroko prezioan (5 ikuskizun). Familian kulturaren magiaz gozatzeko aukera paregabea.

Datorren ostegunean, hilak 14, Ordiziako Udalak antolatutako Bizi Musika zikloak Noa & The Hell Drinkers taldea aurkeztuko du Herri Antzokian 19: 30etatik aurrera.

Gaur egungo Blues-Rock talderik indartsuena bertan geratzeko iritsi da. Bere bigarren albuma, Craft Blues, besapean hartuta, Hondarribia Blues, Benicássim Blues, TolosanBlues edo Burlata Blues bezalako jaialdietan arrakasta handia lortzetik datoz. Zuzeneko zirraragarria kritikari eta ikusleei irabazi die, eta bertan jarri dute Sold out ‑ en kartela. 2020rako European Blues Challenge jaialdian Espainia ordezkatzeko finalistak, aurkezpen biran aurkitzen dira, euren energia ahalik eta urrutien eraman nahirik.

2016an, Manu Gestidok (baxua), Gus Gonzalezek (bateria) eta Sergio Villarrek (gitarra) Noa Eguiguren abeslari donostiarrarekin indarrak batzea erabaki zuten, eta haien eragin beltzenak nahastea, Noa & The Hell Drinkers izeneko laukote « zikin eta koipeztatua » sortzeko. Lau blueszale, genero honetako estilo ezberdinetan murgiltzeko beharra sentitzen zutenak, calypso edo shuffle erritmoetatik blues-rock kementsura, Deltako blues garbiena ahaztu gabe. Musikan hasi zenetik, proiektu hau osatzen duten lau kideak bluesaren historia handien musikaz blaitu ziren, hala nola Stevie Ray Vaughan, Muddy Waters, Koko Taylor, Freddie King, Big Mama Thornton eta BB King.

2017an hainbat eszenatoki enblematikotan aurkeztu ziren zuzenean, eta, ondoren, iraupen luzeko lehen LPa atera zuten; kontzertuetako 12 abesti esanguratsuenetakoak biltzen dituen disko bat, zuzenean grabatuak eta soinua bilatzen... « ahalik eta aspaldikoena, artista klasikoek grabatzen zuten bezala ».

2018 eta 2019 urteetan ohikoak dira Hondarribia Blues Festival, Benicàssim Blues Festival, TolosandBlues Festival, Burlada Blues Festival, Heineken Jazzaldia edo Udazkena Blues bezalako jaialdietan, non nazioko eta nazioarteko bluesaren eszenatokietan artista erreferentzialekin batera agertokia partekatzen duten.

Bere azken lana, Craft Blues, 2020ko urtarrilean kaleratu zen , onarpen handia eta sold outs ugari lortuz, maila lokalean zein nazionalean. 2021ari R & R eta errepiderako inoiz baino gogo handiagoarekin egingo diote aurre, eta Blues Rockaren magia jendeari hurbiltzeko ilusio berarekin.

Sarrerak aldez aurretik salgai: Kutxabank-sarrerak (webgunean eta kutxazainetan) eta ostegunean bertan Herri Antzokian.

"Ordizia harrera herria da. Guztiak eskuzabalik hartzen dituena. Ohikoa den moduan, kultura jatorri ezberdinak dituzten herrietako pertsonak beste leku batera bizitzera joaterakoan, honek aniztasuna ekartzen du. Eta bide horretan, hastear da Ordizian kulturen arteko V. topaketa", azaldu du Ainhoa Jimenez zinegotziak.

Aurten, gainera, Delikatuzekin batera, Ordizia Harrera Herria. Bizitza istorioak, herri baten ondarea erakusketa antolatu du Udalak. “Bertan, 60-70. hamarkadetan Espainiar Estatutik etorri zirenei zein egun munduko beste lurraldeetatik etortzen direnei aitortza bat egingo diegu, Ordiziaren ondarea direlako”, gehitu du.

Horretarako, erakusketa bat antolatu dugu zenbait ordiziarren istorioak kontatuz. Bertan, etorritakoez gain, Ordizia utzi eta beste lurralde batetara joandakoak aurki daitezke. “Aberasgarria da ikustea ondare horrek bizirik jarraitzen duela ikustea”, gehitu du Jimenezek.

Honekin batera, bizi istorioen kontaketak ere izango ditugula azaldu du zinegotziak, hala nola, migrazioaren ikuspuntutik, haien bizi istorioak gertutik ezagutzeko: nolakoa zen haien haurtzaroa, familia, herria, zergatik erabaki zuten emigratzea eta nola, bidaia, harrera herrian aurkitu zituzten zailtasunak, bizitza nola egin duten, etorkizuneko ametsak,…

Bestalde, Jon Maiarekin “Nortasuna berreraikitzen” mahai ingurua ere izango dugu Ordizian. Norbanakoaren bizi esperientziak, inguruneak, bizipenak, egokitzeko gaitasunak, harremanak, etab luze batek gure nortasuna nola eraikitzen duen toki zehatz bateko nortasunetik haratago.

Amaitzeko, Bizilagunak ekimena aurten parkeetan ere egin daitekeela jakinarazi dute antolatzaileek.

Honakoa izango da aurtengo egitaraua:

- Urriak 8tik azaroak 7ra arte Ordizia Harrera Herria. Bizitza istorioak, herri baten ondarea erakusketa Delikatuzen ikusgai.

- Urriak 13, asteazkena, 18:30etan, Delikatuzen (gazteleraz, zaintza zerbitzua: 679 87 67 79): Bizi Istorioen kontaketak

- Urriak 16, 19:00etan, Plaza Nagusian (doakoa, izen ematea: whatsappez 679 87 67 79 edo Delikatuzen): “Kantu berriak mundu berri batentzako”. Hezur Beltzak

- Urriak 21, osteguna, 17:15etan, Barrenan (izen ematea: 679 87 67 79): Lehoia eta xagua Munduko ipuinen kontaketa Mertxe Aizpuruarekin.

- Urriak 27, asteazkena, 18:30etan, Barrenan (euskaraz, bat-bateko itzulpen zerbitzuarekin. Zaintza zerbitzua: 679 87 67 79): Mahai ingurua: Nortasuna berreraikitzen. Jon Maiak gidatua.

- Azaroak 3, asteazkena, 17:15etan, Barrenan (izen ematea: 679 87 67 79): Kolore eta doinu guztietako ipuina. Munduko ipuinen kontaketa Mertxe Aizpuruarekin

- Azaroak 6, larunbata, 11:00etan, Delikatuzen (doakoa, izena ematea: 943 88 22 90): Ordizia denboran barrena Bisita gidatua.

- Azaroak 6, larunbata, 18:30etan, Plaza Nagusian: Munduko jantzien desfilea.

- Azaroak 14, igandea, 14:00etan, herriko parkeetan (izen ematea: 679 87 67 79): Bizilagunak parkeetan. Euskal zein beste jatorri bateko bi familia elkarrekin bazkaltzeko ekimena.

Jakintza Ikastolako Erasmus+ proiektuaren baitan, gaur goizean Adur Ezenarro, Ordiziako alkateak, harrera egin die Rumburkeko (Txekiar Errepublika) eta La Canourgeko (Frantzia) ikasle eta irakasleei, Udaletxeko areto nagusian. Herriaren sorreraren inguruko xehetasunak entzun ostean, gaur, asteazkena izanda, bertako azoka ikusteko aukera ere izan dute.