Uztailaren 1ean amaitzen da entregatze epea

Ordiziako Argi Berri elkarteak antolatutako Lazkao Txiki XXII. Bertsopaper lehiaketara bidal daitezke lanak dagoeneko. Hiru mailatan banatutako lehiaketa da: gaztetxoena, gazteena eta helduena.

Apirilaren 24an arratsaldeko 19:00etan

Datorren asteazkenean Barrena Kultur Etxean Jon Ander Ramos Martinezek, "Victor Mendizabal, itsasargia" liburua aurkeztuko du. Liburua "Victor Mendizabal I.Beka" deialdiaren ikerketa fruitua da eta lana Jon Ander Ramos Martinezek, berak, eta Marcelino Irianni Zalakainek, unibertsitateko irakasleek ikertu eta idatzi dute.

Apirilaren 20an eguerdiko 12etan

Datorren larunbatean Barrena Kultur Etxean Alex Saldaña Redondok, (Ordizian jaiotako kazetaria) "Ni por todo el oro del mundo" liburua aurkeztuko du. Aintzane Bolinagak, EITBko kazetariak, aurkeztuko du liburua egilearekin batera eta Itxaso Bolinagak eta Ane Saldañak liburuaren pasarte batzuk irakurriko dituzte

ORDIZIA
BARRENA KULTUR ETXEA

Izaskun Alvarez Gainza artistaren lanak Ordiziako Barrena Kultur Etxean.
Apirilaren 8tik 26ra. Inaugurazioa: Apirilaren 5a

Apirilaren 8tik 26ra Barrena Kultur Etxeko Erakusketa Aretoan Izaskun Alvarez Gainza (DonostIa) artistaren lanak izango dira ikusgai "Marjina, eskutua, erakustea" izeneko erakusketan. Erakusketa ohiko ordutegia izango du: Astelehenetik larunbatera, arratsaldeko 6etatik 8etara (Igandetan eta jaiegunetan itxita). Inaugurazioa ostiral honetan egingo da, arratsaldeko 19:00etan.