Ostiral honetan hasiko dira

Ostiralean hasi eta igandera bitarte (ekainaren 21etik 23ra) ospatuko dira Otegienea-Majori auzoko festak. Aurreko urtekoen tankerako egitaraua prestatu dute aurtengorako ere auzotarrek. Suziriaren jaurtiketarekin hasiko dira festak ostiral arratsaldean (18:00), eta igandean bukatuko dira, San Joan suarekin.

Barrena Kultur Etxean arratsaldeko 19:00etan

Datorren asteartean, ekainaren 18an, bilera bat egingo da Barrena Kultur Etxean arratsaldeko 19:00etan herriko elkarteekin eta koadrilekin Jai Nagusiez hitz egiteko. Jaietako zinegotzigotik bertaratzeko eskaera luzatu nahi zaie taldeei izan dezaketen ikuspegia aberatsa suertatu daitekeelako.

Danborradaren argazkien bilketa eta bandako kide ohiei deialdia

Dagoeneko biltzen ari dira Danborradaren argazkiak eta bideoak ondoko adibidetan ikus daitekenez. Ziur gaude oraindik material asko falta dela biltzeko, beraz Batzordeak erakusketan erakusteko moduan jar daitezkeen argazki eta agiriak jasotzeko dei berezia egiten du berriro. Material hori duen edonork ekar dezake Barrena Kultur Etxera (943 805630), eta hor bertan agiri hori digitalizatu eta kopia egingo dugu, norberak etxera momentuan eraman dezan.

Horrekin batera, Bandako kide ohiei Mendeurrena dela eta antolatuko den Beteranoen Danborradan parte hartzeko deia egiten diegu. Interesa duten guztiek Barrena kultur Etxean izen eman dezatela.

Barrena Kultur Etxean eta D'elikatuzen ekainaren 1etik uztailaren 1era bitartean

Zeraingo Herri Museoan, Beasaingo Igartza jauregian, Hondarribiko Zuloaga Etxean eta Petritegi sagardotegian ikusgai izan ondoren, GU itsasoa munduaren atari erakusketa Ordiziko Barrena Kultur Etxean eta D'elikatuzen izango da ikusgai ekainaren 1etik uztailaren 1era bitartean, ondorengo ordutegian:

Asteartetik ostiralera 9.00- 13.00
Asteazken arratsaldez 16.00-19.00
Larunbat eta igandean: 10.00-14.00
Astelehenetan itxita

Gu Itsasoa, munduaren atari erakusketak oraingo begiratutik eta hitzetik aditzera ematen ditu lurralde oso baten garapena bultzatu zuten alderdiak, gaur bizi dugun mundura ekar daitezkeen balioak nabarmenduz.