Gaur hasiko dituzten mobilizazioak

San Jose egoitzako langileek greba hasi dute gaur, hilak 27, haien eskubideen defentsan. Greba, momentuz, hiru egunetakoa izango da (otsailak 27, 28 eta martxoak 1), naiz eta deitu duten sindikatuek adierazi duten konponbidea aurkitu arte mobilizazioen bidea hartuko dutela.

ELA eta LAB sindikatuek jakinarazi dutenez, "Adegi eta Laresek –enpresen patronalak– Raxoiren lan erreforma aplikatu nahi digute eta erreforma honekin, hitzarmen kolektiboa egon ezean, langileok 400 €ko galera izan dezakegu hilero eta urtean 200 ordu gehiago lan eginarazi ahal digute".

Ez da beharrezkoa izango aldez aurreko ezaguerarik izatea

DYA Gipuzkoako Irakaskuntza Eskolako mediku, erizain eta monitoreak lehen sorospen ikastaroa eskainiko dute martxoaren 4tik 22ra bitartean Barrena Jauregian. Helburua da parte hartzaileek ikastaro praktiko-teoriko honekin lehen sorospenen oinarrizko ezaguerak ikasi ditzaten egunero aurkitu ditzaketen egoera nagusien aurrean zer egin dezaketen erakutsiz; bihotz-biriken suspertzea, zauriak, hausturak edota erredurak sendatzea...

Funtsezkoa eta oso erabilgarriak diren ezaguerak era erraz eta entretenigarri batean, gai-zerrenda baten arabera azalduko dituzte, hezkuntza praktikoekin txandatuko direnak.

Hurrengo asteetan hitzaldi informatiboak eskainiko dira

Udalak jarri berri dituen informazio txartelak eragiten hasi dira herritarrengan. Udaletxean jaso diren iritzien arabera, azken hiru asteotan nabarmen igo da txakurren kakak jasotzeko konpromisoa. Kale bazterrak eta parkeetako belardiak garbiago dauda, salbuespenak salbuespen.

Otsailaren 2an, 16:00retatik 18:00etara, ospatuko dute bilera Delikatuzen 

Jatorri ezberdinetako ordiziarren artean elkar ezagutzeko elkargunera gonbidatuta zaude. Beste kultura eta pertsona batzuk ezagutzeko aukera zabaltzen zaigu. Irekia da, hau da, interesa duen orok parte har dezake. Urrian, bilguneak dinamizatzeko bi tailer egingo dira eta ondoren, gaiarekin erlazionatutako beste programetan parte hartu ahalko da. ANIMATU!

Haurtzaindegi zerbitzua egongo da.