GKE Gobernuz Kanpoko Erakundeen artean 77.672 euro banatu ditu udalak

Ordiziako Udalak garapenerako lankidetza laguntzak banatu dizkie GKE Gobernuz Kanpoko Erakundeei, gaur eguerdian udaletxeko pleno aretoan egin den ekitaldian. Guztira 15 proiektu aurkeztu dira, eta horietako zortziri diru laguntza ematea onartu zuen azaroaren 28ko osoko bilkurak, 77.672 euro guztira.

Herriko ikastetxeak, Zuhaizti gizarte zentroa eta Ordiziako Udala elkarlanean garatu dute 'Hiri Hezitzailea' proiektuaren barruko ekimen hori

Bigarren urtez 'Saski solidarioa' izeneko ekimena ari dira aurrera eramaten Urdaneta-Oianguren eta Jakintza ikastetxeak, Zuhaizti gizarte zentroa eta Ordiziako Udala. 'Hiri hezitzailea' proiektuaren barruko kanpaina honen helburua behar gehien duten pertsonei laguntzeko elikagaiak biltzea da. Bildutako elikagai guztiak Caritasi emango dizkiote ekimena bukatzen dutenean.

Bihar asteazkena, 11:30ean, kontzentrazio bat egingo da Nikolas Lekuona plazan

Jatorri ezberdinetako etorkinek antolatuta, bihar, abenduak 18, Migranteen Nazioarteko Eguna izanik, kontzentrazio txiki bat egingo da Barrena Kultur Etxeko plazatxoan Ordiziako migratzaile guztiak omenduz.

Beraz, herritar eta eragile guztiak gonbidatuta zaudete bertaratu eta elkarrekin une hori konpartitzeko.

Etxetik eramandako objektuak trukatuko dituzte ekimenean parte hatzen dutenek

Eguberriak gertu daudela eta, datorren larunbatean, hilaren 14an, 16:00etan, Kolore-truk merkatu txikia egingo da Zuhaizti zentro sozialean, Ordizia Kolore ekimenaren barrruan. Ekintza hau, interesa duen edonori zuzendua dago. Norberak etxetik jada balio ez dion, baina egoera txukunean dagoen objektu bat eraman eta beste batenarekin trukatuko du. Ezer eramaten ez duenak musu truk jasoko du objektua.