'ZurrumurruEZ!' kanpainako hirugarren hitzaldia da gaurkoa

Xabier Aierdi soziologo, EHUko irakasle eta Begiruneko (EHUko Immigrazioaren Ikerketarako Laborategia) zuzendariak 'Kulturak eta identitateak. Aurreiritziak, estereotipoak eta zurrumurruak' hitzaldia egingo du gaur, urriak 27, D'elikatuz zentroan, 18:00etan. 'ZurrumurruEZ!' zikloko hirugarren hitzaldia da gaurkoa. Laugarren eta azken saioa azaroaren 6an izango da, eta Miren Etxezarreta ordiziarra izango da hizlaria.

Bartzelonako 'Xarxa Antirumors' taldeko Rafa Crespo Uberok emango du hitzaldia bihar, hilak 23, Barrenan, 18:00etan

ZurrumurruEZ! ekimeneko bigarren hitzaldia bihar osteguna, hilak 23, izango da Barrena kultur etxean, 18:00etan. Oraingoan, Bartzelonako 'Xarxa Antirumors' taldeko Rafa Crespo Uberok 'Zurrumurruen kudeaketarako estrategia komunikatibo eta emozionala' gaia izango du hizpide.

ZURRUMURRUEZ! KANPAINAREN TRIPTIKOA

ZURRUMURRUEZ! KANPAINAREN AURKEZPENA

'Hegoaldeko mugak oihuka ari zaizkigu' hitzaldia Barrenan izango da bihar, 18:30ean

Ordiziako Udaleko Migrazio eta Aniztasun sailak 'ZurrumurruEZ!' kanpainaren barruan antolatu duen zikloaren barruko bihar, osteguna, egingo da Barrena kultur etxean, 18:30ean. 'Hegoaldeko mugak oihuka ari zaizkigu' goiburua duen saioak bi zati izango ditu. Lehen zatian, Kadiz eta Ceutako Migrazio Pastoraleko Gabriel Delgadok 'Migrazio pastorala itsasarteko pasabidean: bi ertzen artean zubiak eraiki nahian' hitzaldia egingo du; eta bigarrenenean, Tanger eta Nadorreko Migrazio Pastoraleko Esteban Velazquez 'Migrazioen mugaren beste aldean: Afrikatik garrasika' gaiari buruz ariko da.

'ZURRUMURRUEZ!' KANPAINAREN TRIPTIKOA

'ZURRUMURRUEZ!' KANPAINAREN AURKEZPENA

Gaur zortzi hasita, migrazioari eta aniztasunari lotutako hitzaldiak egingo dira datozen lau ostegunetan

Ordiziako Udalean ordezkaritza duten hiru alderdiek parte hartu dute kanpainaren aurkezpenean

Ordiziako Udaleko Migrazio eta Aniztasun sailak antolatuta, eta SOS Arrazakeriak bultzatutako 'ZurrumurruEZ!' kanpainaren barruan, gaiari lotutako lau hitzaldi egingo dira Ordiziako Barrena kultur etxean datozen lau ostegunetan. Igor Eguren alkateak, Belen Maiza Kultura eta Gizarte Ongizate zinegotziak, Jose Migel Santamaria EAJren bozeramaileak, Iñaki Dubreuil PSE-EEren bozeramaileak eta Ainara Ormaetxea migrazio eta aniztasun teknikariak parte hartu dute gaur goizean udaletxeko pleno aretoan egin den aurkezpenean.