Gizarte Ongizatea

Gizarte Ongizatea 2015.02.05

ORDIZIA LAGUNKOIA. DIAGNOSTIKOAREN AURKEZPENA ETA 2015EKO PLANGINTZA

Aurkezpena Barrenako areto nagusian izango da hilaren 10ean, asteartea, 18:00etan

Ordiziako Udaleko Gizarte Ongizate saila, herriko zenbait elkarterekin lankidetzan, garatzen ari den 'Ordizia Lagunkoia' ekimena aurkeztuko da datorren asteartean, hilak 10, Barrenan (18:00). Ekitaldia horretan 'Ordizia Lagunkoia'-k herrian egin duen Diagnostikoa aurkeztuko batetik, eta bestetik, 2015eko plangintzaren berri emango da. Ekimen honen helburua herritar guztien ongizatea da, zahartzaroan dauden herritarrena bereziki, eta horretarako herritarren partaidetza, gizarte kohesioa eta belaunaldien arteko harremanak sendotu eta bultzatu nahi dira, baita herritarren eta administrazioaren arteko harremanak ere.

Gizarte Ongizatea 2014.12.17

BULARREKO MINBIZIAREN PREBENTZIOARI BURUZKO HITZALDIA BIHAR BARRENAN

Barrenan izango da, 17:30ean. Hitzaldia Katxalin elkarteak antolatu du, eta Lourdes Aritziturri doktorea izango da hizlaria

Katxalin elkarteak (Bularreko eta Ginekologiako Minbiziak eragindako Gipuzkoako emakumeen elkarteak) bularreko minbiziaren prebentzioari buruzko hitzaldi bat antolatu du Ordiziako Udaleko Gizarte Ongizate sailarekin lankidetzan. Hitzaldia bihar da, hilak 18, 17:30ean, Barrenako areto nagusian, eta hizlaria lanetan Lourdes Aritziturri Donostikoako Onkologikoko doktorea ariko da.

Irakurri gehiago ...

Gizarte Ongizatea 2014.12.03

‘ESTABLEZIMENDU LAGUNKOIA’ EKIMENAREN FORMAZIO SAIOA MERKATARI ETA OSTALARIENTZAT

Proiektu honekin establezimenduak adineko jendearekin lagunkoiak izatea bultzatu nahi da; saioa bihar osteguna da, 15:00etatik 16:30era, D'elikatuzen

Ordiziako Udalak 'Ordizia Lagunkoia' proiektua jarri du abian, 'Euskadi Lagunkoia' ekimenaren barruan, eta bere helburu nagusia adineko pertsonen potentziala baliatzea eta hauek herriko bizitzan ongizate sortzaile bezala protagonistak bihurtzea da. Bide horretan urrats bat eginez, herrietako establezimenduak adinekoekin lagunkoiak izatea bultzatu nahi da, eta horretarako 'Establezimendu Lagunkoia' ekimena jarriko da martxan. Bihar osteguna, hilak 4, ekimenarekiko interesa azaldu zuten merkatari eta ostalarientzako formazio saio bat egingo da D'elikatuzen, 15:00etatik 16:30era.

Irakurri gehiago ...

Gizarte Ongizatea 2014.12.02

ELIKAGAIAK ETA GARBITZEKO GAIAK BILTZEKO KANPAINA

Garagunean eta Zuhaiztin hilaren 15a arte egingo da bilketa, eta ikastetxeetan Eguberrietako oporrak arte

Ordiziako Udaleko Gizarte Ongizate eta Kultura sailen ekimenez, eta 'Ordizia Hiri Hezitzailea' proiektuaren barruan, 'Saski solidarioa' ekimena egingo da aurten ere Ordizian. Elikagaiak, garbitzeko gaiak eta egoskari prestatuak biltzeko deia egin dute sustatzaileek (Zuhaizti zentroa, Garagunea, Cáritas, Oianguren institutua, Jakintza Ikastola, Urdaneta ikastetxea eta Udala). Herritarrek, Zuhaizti zentrora eta Garagunera (Urdaneta 76) eraman ditzakete gaiak hilaren 15a bitarte, eta ikastetxeetan Eguberrietako oporrak bitarte luzatuko da bilketa. Caritas arduratuko da elikagaiak jaso eta behar gehien duten herritarren artean banatzeaz.