Jasoko diren produktuekin Ordiziako 475 familien hainbat behar asebeteko dira

Elikagaien bankuarentzako asteburuan izandako kanpaina arrakastatsuaren ondoren, bihartik da martxan berriz ere Saski Solidarioa ekimena, ORDIZIA HIRI HEZITZAILEA proiektuaren baitan. Abenduan zehar, Garaguneak, Zuhaizti zentroak, Urdaneta Ikastetxeak, Jakintza Ikastolak eta Oianguren Institutuak  Caritasi laguntza emateko produktu desberdinak bilduko dituzte.

“Doluaren bidetik, bizitzarekin bat” lemapean eskainiko da Zuhaizti zentroan

Ordiziako Udalak (Gizarte Hezkuntza), jubilatuen ZUHAIZTI Zentroarekin batera eta BIDEGINen lankidetzarekin (doluan eta gaixotasun larri aurreratuan laguntzeko Gipuzkoako elkartea), doluari buruzko Hitzaldi Zikloa antolatu du azaroaren 30ean eta abenduaren 1ean: “Doluaren bidetik, bizitzarekin bat”

PROGRAMA:

Azaroak 30 - 18:00: BIDEOFORUMA: "AULKI HUTSAK" dokumentala. Izaskun Andonegiren eskutik (erizain paliatibista) –

Abenduak 1 - 18:30: HITZALDIA: "Pertsona nagusien dolura hurbilduz". Maite Urzain (Erizaina)

Zabalik dago ekimen honetan parte hartzeko aukera

Azaroaren 22an hiru urte daramatzan BIZILAGUNAK ekimena aurrera eramango da Ordizian ere. Ideia, bertako familia eta beste jatorri bateko familien arteko topaketa sustatzea da mahai baten inguruan. Honela, elikagaiak, ohiturak, bizipenak, kultura, jatorria, sineskerak, hizkuntzak, esperientziak, ideologiak, esperantzak, borrokak, sentimenduak, ametsak etab. partekatzeko aukera izanik.

Parte hartzeko izena eman behar da honako telefonora deituz, 943 321811, edo korreo elektronikora idatziz Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko..

Ondoko bideoan ikus daiteke iazko hainbat esperientzia: https://www.youtube.com/watch?v=0Ts_LCzmAa0

Norma Vazquez, Gorka Moreno, Peio Aierbe eta Xabi Anzak Ordizian ariko dira gaiaren inguruan

Azaroaren 4ean hasiko da ‘ZurrumurruEZ!’ kanpaina, Ordizia Kolorek, Ordiziako Udaleko Migrazio eta Dibertsitate arloak antolatuta. Migrazioaren eta etorkinen inguruan sortzen diren zurrumurru faltsuak isiltzea da helburua, informazio zuzena emanez eta herritarrak sentsibilizatzeko ahalegina eginez. Udal Korporazioak aurkeztu zuen atzo ekimena,  aniztasunari errespetuan eraikitako bizikidetza ereduaren aldeko neurri eta ekimenak babestu eta bultzatzeko konpromisoa azalduz, baina argi edukita ‘langintza hau, guri, erakundeoi ez ezik, gizarte-elkarteei eta herritar guztiei ere badagokiela’.