Osasuna hobetzea eta lagunak egitea ditu helburu

Lehen edizioaren arrakastaren ondorioz, aste honetan itzuliko da ikasturte berriari aurre egiteko prest Goazen Ordizia! ekimena.  Proposamen honek ordiziarrak ibiltzera bultzatu nahi ditu, osasuna eta interakzio soziala sustatzeko diseinatu diren bederatzi ibilbideetako bat edo batzuk ezagutaraziz.    Egutegian ostegunero ibiltzeko ibilbideak ezarri dira, eta partaidetzaren araberako bi aukera egongo dira. Irteera 10:30ean izango da Plaza Nagusitik eta bukaera Zuhaizti Jubilatuen zentro sozialeko tabernan.

Osasuna hobetzea, aktiboago sentitzea, Ordizia eta bere inguruak ezagutzea, lagun berriak egitea edo beste pertsona batzuekin esperientzia partekatzea, horiek dira ekimen honen bitartez lortu nahi diren helburuak. 

Parte hartzea interesatuta dauden guztiei zabalik dago. Bigarren edizio honetako lehen hitzordua ostegun honetan da, irailaren 15ean, 10:30tan. Dena dela, izena emateko eta taldeak antolatzeko lehentxeago inguratzea komeni da.

Hamasei ordiziarrek hartzen dute parte

Aurreko ostegunean, irailak 1,  jarri zen abian Ekimena udal enplegu-proiektua (Enpleguaren eta Ekintzailetza Solidarioaren Faktoria).  Proiektu honetan 16 ordiziarrek hartzen dute parte. Enplegua bilatzeko eta lan-munduan sartzeko dituzten prozesu pertsonalak  taldeko lanarekin eta lan pertsonalarekin bideratuko dituzte SAREGINTZA enpresako "coach" baten laguntzarekin.

Astelehenetik, hilak 5, 16ra arte, “Talde Lanean Formakuntza-Akzioa eta Balore Operatiboen Hautaketa” abiapuntu ekimenarekin jarraituko dute besteak beste, eta talde barruan pertsonek izaten dituzten rolak identifikatuko dituzte eta faktoria eremutan egituratzen hasiko dira.   

Berriak dira ‘Botilzar’ taktika eta DYAren asistentzia 25etik 26rako gauan

Ordiziako Udala, urte bukaeran aurkeztu nahi den adikzioen plan berri batean lanean dihardu. Horrelaxe adierazi dute  Ongizate Zinegotzia den Iñaki Dubreuilek eta Lierni Irastortza gizarte langileak. Esparru orokor honetan, urtean zehar Ordizian ospatzen diren festetarako diseinatu diren ekintza espezifikoek espazio propioa izango dute. Zaindariaren jaiak adibide argia dira. Aurten kanpaina egingo da 17an eta 25etik 26rako gauean eta honen berri eman dute Dubreuilek eta Irastortzak AiLaket!! eta DYA elkarteetako ordezkariekin batera.

Hilaren 16an eta 17an, hau da, datorren asteburuan bertan, Ordizia “Haurren Egunak” deritzon ospakizunean murgilduta egongo da. Udal arduradunek prebentzio goiztiarra gakoa dela uste dute. 17a koadrila txikien eguna da eta koadrilen bazkarian gazteenei dekalogoa emango zaie jaiak arriskurik gabe goza ditzaten.

Guztira 26.300 euro banatuko dira

Ordiziako Udalak Gizarte-ongizatearen arloko eskumenetan eta jardueretan be­ren programak eta ekin­tzak gara­tzen dituzten entitateei zuzendutako diru-lagun­tzen deialdia egin du. Eskaerak abuztuaren 1erako aurkeztu behar dira.

Honekoei sektoreei dago zuzenduta:

Minusbaliotasuna - mendekotasuna; Familia eta haurrak; Kolektibo desfaboratuen gizarte-bazterketa eta gizarteratzea - pobrezia; Koordinazio sozio-sanitarioa; Emakumeen eta gizonen arteko berdintasuna; Immigrazioa; Droga-mendekotasunak; eta Gizartearen intereseko beste batzuk.

Diru-laguntza eskatzeko baldintzak eta prozedura oinarrietan ezarritakoak dira. Oinarriak 2009ko mar­txo­aren 3an argitaratu ziren Gipuzkoako  aldizkari ofizialean.