Image
Image

Gizarte Ongizatea

BOLUNTARIOTZAREN ISPILU IZANGO DA ORDIZIAKO PLAZA NAGUSIA EKAINAREN 3AN OSPATUKO DEN AZOKAN

Hamalau erakundeek euren lana azalduko diete herritarrei

Datorren ekainaren 3an, larunbatean, Ordiziako eta Gipuzkoako boluntariotzaren eragileek Plaza Nagusian elkartuko dira euren lana ezagutzera emateko. Ordiziako Ongizate sailak antolatutako V Boluntariotzaren Azoka ospatuko dute hamalau elkarteek 10:00etatik 14:30tara. Arloko zinegotziak eta teknikariak, Iñaki Dubreuilek eta Lierni Irastorzak hain zuzen, ekitaldia ezagutzera eman dute hainbat elkarteetako ordezkariekin batera.

Boluntariotza gizartearen parte hartzeko eskariari erantzunez sortzen da. Gizartearen ongizatean sakontzen jarraitzea du helburu. Dubreuilen esanetan, Ordizian elkarteen sarea ‘oso aberatsa’ da eta ‘ehunka’ dira herriaren bizitzan neurri batean edo bestean lanean aritzen direnak edo parte hartzen duten ordiziarrrak...

Gizarte Ongizatea

ABIAN DA ORDIZIAN MENDEKOTASUNEI AURREA HARTZEKO I. PLANA

Ikastetxeekin elkarlana hastea eta ‘prebentzio mahaia’ kontsolidatzea dira urte honetako helburuak

Ordiziako Udalak mendekotasunei aurrea hartzeko I. udal plana jarri du martxan.Ekimenak, Gizarte Ongizateko zinegotzi Iñaki Dubreuilek, udal-teknikari Lierni Irastortzak eta 'Ai Laket' elkarteko ordezkari Unai Pérez de San Romanek aurkeztuak, asmoa du Ordizian irauten duen arazo bati, familiek duten kezka 'nabariari', azken urteotan arazoaren inguruan udalak izan duen ekimen-murrizketari eta gaiaren inguruko joera, arau eta planteamendu berriei arreta egitea.

Plana AGIPAD elkarteak landu du, irekia da, gaiari buruzko ikuspegi orokorra du eta Ordizian adikzioen arazoari aurre egiteko eman daitezkeen pausoak eta ekintza zehatzak ditu. Dubreuilen arabera, helburua da mendekotasunen arazoari eta Ordiziako familien kezkei 'erantzuna' ematea. Aldi berean, 'udalak arlo horretan proposatuko dituen erantzunei koherentzia eta ordena eman behar diegu, eta herriko eragileekin lankidetza- eta koordinazio-mekanismoak ezarri behar ditugu'...

Gizarte Ongizatea

ORDIZIAKO UDALAK ZUHAIZTI ZENTROAREKIN DUEN KONPROMISOA BERRETSI DU

Beste behin, ohiko hitzordua jarraiki, urteko batzarra egin du zentroak

Aurreko ostegunean, apirilaren 27an, Zuhaizti zentroak urteko batzarra ospatu zuen. Zuzendaritza taldeak 2016ko kudeaketaren memoria eta kontuak azaldu zituen eta, bere onarpenerako, 2017ko aurrekontua eta Zuzendaritza talde berria.

Rakel Bravo presidenteak ongietorria eta aurkezpena egin ondoren, urtean hildako kideak gogoratzeko ohiko minutuko isilunea egin zen. Ondoren, Iñaki Dubreuilek, Gizarte Zerbitzuetako zinegotziak hartu zuen hitza Ordiziako Udalak zentroarekiko konpromisoa eta babes historikoa berresteko. Babes hori laguntza ekonomikoan eta laguntza tekniko eta profesionalean datza...

Gizarte Ongizatea

'SENDIAN' IKASTAROAK HASI DIRA

Zaintzaileei informazioa, heziketa eta terapia eskaintzea ditu helburu

Ugari dira zaintzaileen eginkizunak eta jardunak, denbora eta energia behar dira, beti ez dira erosoak edo atseginak izaten, eta, oro har, aurrez jabetu gabe, zaintzailea beti ez dago prestaturik zainketa horretarako, ezta zainketa horrek berarekin dakartzan eta, hainbat arrazoi tarteko, berezi eta bestekiko desberdin egiten duten egoera anitzei aurre egiteko ere.

Ordiziako Udaleko Gizarte Zerbitzuetako sailak antolatuta, Zuhaizti zentroan ematen ari den ikastaro hori familiei babesa emateko "Sendian" programaren barruan kokatzen da, hain juxtu. Saio teoriko-praktikoetan senideei adinekoa hobeto zaintzen ahalbidetzen dieten berariazko ezagutzak ematen dira, eta zaintzaile gisa egiten duten lana bermearekin egitea ahalbidetzen da. Hainbat arlotako edukiak lantzen dira: medikuntza, erizaintza, psikogeriatria, psikologia, legea eta gizarte-baliabidekoak. Informazio-, heziketa- eta terapia-helburuak ditu....

ORDIZIAKO UDALA

Udala 943 88 58 50

Udaltzaingoa 943 80 56 16

E-posta arretabulegoa@ordizia.eus

Kale Nagusia, 24 · 20240 Ordizia (Gipuzkoa)

KOMUNIKAZIOA

Tel 688 81 75 83

Tel 688 71 54 66

E-posta komunikazioa@ordizia.eus

Jarraitu gaitzazu sare sozialetan.

iconrssiconfacebookicontwittericonyoutubeiconinstagramiconflickr

OHAR LEGALA

Lege oharra

Pribatutasun politika

Cookie politika

logo ordizia footer

logo ordizia bizi herria

Image
Image
Image