Aukera aparta da herritarrek ekintzen berri izan eta instalakuntzak barnetik ezagutzeko      

Hurrengo ostegunean,  irailaren 28a, 18:00etan Zuhaiztiko aretoan, zuzendaritza batzordeak AKTIBA ZAITEZ! Programa aurkeztuko du (2017-2018 ikasturterako programa), eta aldi berean, nahi duenak aukera aparta izango du Zuhaiztiko instalakuntza guztiak barnetik ezagutzeko.

Zuhaizti zentroa parte hartzeko eta elkartzeko Udal baliabidea da, eta Zuhaizti jubilatu eta pentsiodunen elkarteak kudeatzen du, Ordiziako Udalarekin elkarlanean. 

Ordizian parte hartzeko eta elkartzeko beste gune bat eskaintzea da bere funtzio nagusia. Parte hartze aktiboaren bitartez osasuna, ongizatea eta autonomia sendotzea bultzatzu nahi du eta horrez gain, Ordiziako bizitzan jubilatuen eta penstinisten parte hartze aktiboa eta berritzailea ere bultzatzen du.

AKTIBA ZAITEZ!  Jarrera pertsonala da. Norberak aurkituko du ala beste pertsonekin batera sortuko ditu parte-hartze aukera aproposak, beraien  egungoko interesei egokituak.

Zuhaiztiko eskeintza aukera aparta da. Gonbidatuta daude herritar guztiak.

Hemen programak:

AKTIBATU ZAITEZ 2017-8 eus (pdf)
2017 iraila eta urria ~ septiembre y octubre (pdf)

Sistema berri eta eguneratua ezartzea da helburua

Gizarte Zerbitzuetako Udal Plan Estrategikoaren testuinguruan Ordiziako Udalak egiten ari den lanaren emaitzak aurkeztu dira aste honetan.

Lan hau burutu duten SIISeko (Dokumentazio eta Ikerketa Zentroa) teknikariak, Madalen Saizarbitoriak, proposamen teknikoa aurkeztu zuen eta proposamena egiteko erabili den metodologiari buruzko informazioa eman zuen ikuspuntu kuantitatibo nahiz kualitatibotik eta orain arte egindako lanetik atera dituzten ondorioak ere azaldu dira.  

Udal gizarte zerbitzuetako misioaren,  bisioaren eta balioen errepaso bat egin zuen eta proposatzen dituzten lau jarduketa ardatzak eta horietako bakoitzak jasotzen dituen lau helburu nagusiak azaldu zituen.

‘Botilzar’ eta ‘testing’ programak eta 25etik 26rako gauan aparteko osasun asistentzia emango dira

Hastear dauden Santa Ana jaiekin batera jarriko da abian Ordiziako 2016-2021eko Adikzioen Prebentziorako I Plana. Jai egun hauetarako programa zehaztu dute Iñaki Dubreuilek, Gizarte Zerbitzu, Osasun, Kooperazio eta Aniztasun arloetako zinegotziak; Lierni Irastorza udal teknikariak eta Unai Perez eta Maixabel Usabiaga,AI Laket! eta DYA elkarteetako ordezkariek, hurrenez urren.

Dubreuilek gogoratu du  adikzioen prebentzio komuna pertsona guztien ardura dela. Segurtasun honetatik eta beharrezkoa den gizarte-eragile guztien parte hartzearekin prestatu da aurkeztu berri den aipaturiko Adikzio plana. Honen baitan prestatu da datozen urteen egin beharko diren ekimenak.

Ekainaren 19 eta 21ean, bi informazio-saio ireki egingo dira tituluen homologazioaren eta atzerritarrei buruzko legearen gainean

Ongi etorri Ordiziara! harrera-programa abian da berriro. Programaren xedea daudalerrira iritsi berriak direnak edo Ordizia, Goierri eta Euskadiko ingurune kultural, sozial eta politikoan denbora bat bizitzen daramatenak kokatzea. 2012tik hona ehun ordiziar berri hartu ditu astean bi saio eginez. Oraingo edizioan maiatzean hasi ziren eta bi hilabetez jarraituko dute, 18 topaketa osatu arte. Bilerak astelehen eta asteazkenetan izaten dira.

Gaiak Udalerriko Harrera Sareko profesionalek garatzen dituzte (anbulatorioa; gizarte-zerbitzuak; udaltzaingoa; kultura, euskara, berdintasun, gazteria, ingurumen eta migrazio arloetako teknikariak; Lanbide, sindikatu eta eskualdeko garapen agentziako enplegu-agenteak; herritarrak; zinegotzia; SOS arrazakeria; eta Bidez Bide), eta baita gizarte-eragileek ere (kirol-elkarteak, kultura-elkarteak eta gizarte-ekintza). Horrela, sare bat eratzen da, norabide bereko helburuak jartzen dira, immigrazio-fenomenoaren ikuspegia zabaldu egiten da eta esku-hartze sozialean elkarlana sortzen da.