Hil ostean edo erabakitzeko gai izango ez denean pertsonak jaso nahi dituen zainketei eta osasun tratamenduei buruzko borondatea adierazteko prozesua azalduko da

Datorren astelehenean, hilak 23, arratsaldeko 18:00etan Barrenan, OSAKIDETZAK antolatuta eta Ordiziako Udalak lagunduta “Aldez aurreko Borondateei" buruzko hitzaldi bate mango du Iñaki Saralegui doktoreak. 

Aldez aurreko Borondateak, Aldez aurreko Jarraibideak edo Bizi-testamentu ere deiturikoak, hausnarketa eta informazio prozesu baten zati dira; horietan, pertsonak etorkizunean jaso nahi dituen osasun zainketak planifikatzen ditu, batez ere norbera erabakiak hartzeko gai ez den unerako. Pertsona batek jaso nahi dituen zainketei eta osasun tratamenduei buruzko borondatea adierazteko edota hil ostean bere gorpuaren edo organoen erabilerari buruzko borondatea adierazteko gaitasuna galtzen duenean, prozesu honen bidez, erabaki hauek gauzatu ahal izango dira aldez aurretik pertsonak adierazitakoaren arabera.  

Zainketak planifikatzeak duen garrantziak eta Aldez Aurreko Borondateen Dokumentuaren erredakzioak helburuei, baldintzei, mugei, moduei eta ondorioei buruzko hausnarketa bat egitea aholkatzen dute. Iñaki Saralegui doktoreak hausnarketa egiten lagunduko die hitzaldira doazenei behar duten informazioa emanez eta nahi adina pertsona bertaratu ahal izango dira hitzaldira.  

Elikagai baten truke munduko ogi bat dastatzeko aukera izango da igandean

Urriak 16an eta 17an Elikaduraren mundu eguna eta Pobrezia erauztearen aldeko mundu eguna izan dira. Gizaki guztion elikadurarako eskubidea aldarrikatzeko  eta pobrezia erauztearen alde jarduteko/ekiteko, Dar-Dar produkzioak gizarte Ekimenezko kooperatibak, D´Elikatuz zentroak eta Ordizia Kolorek, Ordiziako Udalaren laguntzaz hainbat ekimen antolatu ditu urriak 22, iganderako.

Programa, herritar guztiei luzatuta, honakoa da:

Ateak zabalik ditu oraindik lan bila dabiltzan eta parte hartu nahi duten ordiziarrei

Enplegua eta ekintzailetza sustatzeko Ekimena udal proiektuaren bigarren edizioa hilabete honetan hasi da. Hamabi pertsona dira taldean, enplegua lortzen laguntzeko, bai norbere kontura negozio bat sortuta edo kontratupean. Proiektuaren lehenengo fasean  lan-taldeko  formazio-akzio tailerra garatu da, parte-hartzaileen artean konpromiso, solidaritate eta elkarlanaren kultura txertatzeko.

Une honetan, eta aurreikusitako egutegiaren baitan, taldekako saioak burutzen ari dira, pertsona bakoitzaren helburuak ezartzeko. Ondoren planifikatu eta arloka lan egin ahalko da.

Proiektuak ateak zabalik ditu eta irekita dago oraindik parte-hartzaile gehiagorentzat. Taldean eta ‘coach’ edo entrenatzaile baten laguntzaz enplegu bat lortzeko bilaketa prozesuan aritzeko prest egon behar da. Hala, Udalak Ordizian lanik gabe dauden pertsonei Ekimenan parte hartzeko dei egiten die.

Interesatuek honako helbidera idatzi dezakete, ahalik eta azkarren: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Ekintza honekin jarriko da martxan ‘Goazen Ordizia!’ ikasturtea

Ordiziak ‘Goazen’ olinpiada ospatuko du datorren ostegunean, irailaren 28an. Plazan Nagusian izango da, 10:30tan hasita eguerdira arte. Goazen Ordizia! ekimenak antolatu du hirugarren ikasturteari hasiera eman eta Europako Kirol Astearekin bat eginda. Gune eta kirol desberdinak antolatuko dira eta sorpresaren bat edo beste ere izango da.

Goazen Ordizia! 2015ean jaio zen, ostegunero ospatzen da iraila eta ekaina bitartean. Herritarrak elkarrekin kalera irten eta, udalerrian bertan, ibilbide desberdinak egitea da ideia. Ariketa fisikoa eta lagunartea uztartzen dira. Bi urteotan ordiziar askok hartu dute parte. Boluntarioen lana ere nabarmentzekoa da, beti ere prest laguntza behar dutenen ondoan egoteko.

Gune olinpikoa Plaza Nagusian prestatuko da nahi duen orok hainbat jolasetan parte hartzeko