Erabileran trebatzeko ikastaroa eman da aste honetan

Ordiziako Udalak lau desfibriladore erosi ditu Udaltzaingorako, Zuhaizti zentro sozialerako, Barrena kultur etxerako eta Babes Zibila boluntario taldearentzat. Majori eta Altamira kirol guneetan zeudenei gehitzen zaizkie. Erabileran trebatzeko ikastaroa eman dute Osakidetzako medikuek, doan Udaletxerako, Babes Zibilako boluntarioei, Zuhaizti elkarteko arduradunei, Udaltzainei, kiroldegiko langileei, kirol taldeei eta turismo bulegoko eta kultur etxeko langileei, astearte eta asteazken honetan.

Ekimena EAJ-PNV eta PSE-EE (PSOE)-ko ordezkariek osatzen duten udal gobernuaren akordioaren baitan gauzatu da. Honen helburua da udal eraikinak gailu hauekin hornitzea, bizitzak salba ditzakete eta. Erosketak 7.356 euroko kostua izan du.

Desfribiladoreak boltaje altuko deskargak ematen ditu bihotzaren erritmoa berreskuratzeko arritmia kasuetan eta gertatuz gero, bizirauteko aukera gehiago dago. Erabilera erraza eta segurua da eta osasungintzan adituak ez direnak erabili dezakete ezagupen minimo bat izanda. Beraz, larrialdi bat bideratzeko beharrezkoa da egoera antzematen jakitera, ahalik eta azkarren artatzea eta, desfibriladorea izanez gero, gailua erabiltzeko gai izatea. Horregatik antolatu da aipaturiko ikastaroa.

Hala, esan daiteke aste honetatik Ordizia prestatuagoa dagoela ezusteko kardiako bati aurre egiteko, larrialdiko zerbitzu medikuak gerturatzen diren bitartean.

Beste behin, Ordiziako Udalak herrialde desberdinetan garapeneko proiektuak gauzatzeko laguntzak eman ditu. Horretara bideratutako dirua kopurua 75.000 euro da. Honi beste partida txiki bat gehituko zaio larrialdietarako izendatuta. Udal aurrekontuaren %1 da, Ordizian aspaldidanik hitzartuta dagoenari jarraituz.

Astelehen honetan udaletxean ospatutako ekitaldian honako erakunde, proiektu eta laguntzak eman zaizkie gonbidatuta etorri diren erakunde horietako ordezkariei:

-1- MEDICUS MUNDI. ‘Sanand eskualdeko landa emakumeen ahalduntzea, beren eskubideak,

osasuna eta gizarte hobekuntza parte hartzea bermatuz.’

Diru-laguntza: 11.498,30 euro.

Kulturen artean aniztasunez eta modu inklusiboan eztabaidatzeko gune bat sortzea da helburua

Gizarte Ongizateko zinegotziak eta Aniztasun-arloko teknikari Ainara Ormaetxeak "Kulturen arteko topaketa" izeneko programa aurkeztu dute 'ordiziar berriz' osatutako talde batekin batera. Ordiziako Udaleko Gizarte Ongizate ataleko 'Kultura Aniztasuna' arloak antolatuta, Ordizia Kolore ekimenak datorren asteartean jarriko da martxan.

Zinegotziak azaldutakoaren arabera, ikuspegi anitz eta inklusibo batetik eztabaidarako denbora-tarte bat hartzea eta eztabaidarako espazio berri bat sortzea da helburua, kultura aniztasunaren gaiak Ordiziako agenda publikoan leku bat izan dezan.

Udaleko arduradunen iritziz, kulturen aniztasuna errespetatzea, elkarrizketa eta lankidetza (konfiantzan eta elkar ulertuz) dira gizartea kohesionatzeko bermerik onena. Garapen harmonikoa ahalbidetzen duen kohesioa, bai erkidego baten ekonomiari, bai gizarteari dagokienez.

Hil ostean edo erabakitzeko gai izango ez denean pertsonak jaso nahi dituen zainketei eta osasun tratamenduei buruzko borondatea adierazteko prozesua azalduko da

Datorren astelehenean, hilak 23, arratsaldeko 18:00etan Barrenan, OSAKIDETZAK antolatuta eta Ordiziako Udalak lagunduta “Aldez aurreko Borondateei" buruzko hitzaldi bate mango du Iñaki Saralegui doktoreak. 

Aldez aurreko Borondateak, Aldez aurreko Jarraibideak edo Bizi-testamentu ere deiturikoak, hausnarketa eta informazio prozesu baten zati dira; horietan, pertsonak etorkizunean jaso nahi dituen osasun zainketak planifikatzen ditu, batez ere norbera erabakiak hartzeko gai ez den unerako. Pertsona batek jaso nahi dituen zainketei eta osasun tratamenduei buruzko borondatea adierazteko edota hil ostean bere gorpuaren edo organoen erabilerari buruzko borondatea adierazteko gaitasuna galtzen duenean, prozesu honen bidez, erabaki hauek gauzatu ahal izango dira aldez aurretik pertsonak adierazitakoaren arabera.  

Zainketak planifikatzeak duen garrantziak eta Aldez Aurreko Borondateen Dokumentuaren erredakzioak helburuei, baldintzei, mugei, moduei eta ondorioei buruzko hausnarketa bat egitea aholkatzen dute. Iñaki Saralegui doktoreak hausnarketa egiten lagunduko die hitzaldira doazenei behar duten informazioa emanez eta nahi adina pertsona bertaratu ahal izango dira hitzaldira.