Ostiralean, hilaren 11n,  Barrenan  Eguzkiñe Iturriozen hitzaldia izango da  Ordizientzia zikloaren barruan. Izenburua: "Eguraldiaren iragarpenaren zirrikituak". Zikloa Lemniskata Goierriko Zientzia Sareak Ordiziako udalarekin batera antolatzen du. Ordizientzia 2017 zikloa "Eguraldiaren iragarpenaren zirrikituak". Euskaraz.

Gaur ospatu da egun osoan zehar Ordiziako batzar aretoan Gaztaren IV. Biltzarra. Bertan, besteak beste, transhumantzia, artzaintzaren eragina klima aldaketan, mendiko gazta, bertako produktuei indarra ematea eta etorkizunaz aritu dira hainbat hizlari. Asko izan dira bertara gerturatu direnak eta baita biltzarrean parte hartu dutenak ere haien esperientziak kontatzen. Ekitaldi hau EHUko Udako Ikastaroen barnean kokatzen da, eta Ordiziako Idiazabal Gaztaren Kofradiak antolatzen du, Udalaren laguntzaz. 

Ostiral honetan 20:30ean eskainiko da Herri Antzokian Gazta dokumentala. Mikel Urretabizkaia da zuzendaria eta bera ere bertan izango da estreinaldian. Sarrera doakoa izango da eta irekia, hau da, aulkiak bete arte egongo da dokumentala ikusteko aukera; beraz, ezingo dira eserlekuak erreserbatu. Herri antzokiko bi solairuak zabalduko dira, eta 350 eserleku inguru egongo dira eskuragai.

Hemen ikusi dezakezue trailerra: Gazta dokumentala

Patxi Zubizarreta ordiziarrak laugarren aldiz irabazi du Euskarazko Haur eta Gazte Literaturako Euskadi saria. Kasu honetan, iazko urtean argitaratutako Korri, Kuru, korri! (Ibaizabal) liburuarengatik jaso du saria.

Aurrez ere saritua izan da modalitate berdinean: Gizon izandako mutila (1998), Pantaleon badoa (2006) eta Xia Tenzinen bidaia miresgarria (2010).

Goierriko Irakurle taldeek omenaldia egin zioten joan den maiatzean: Patxi Zubizarretari omenaldia