1988tik urteroko hitzordura leiala (data horren aurreko aldizkariak daude, baina aldizkakotasun hori gabe), ostegunean "Santa Ana 2019" urtekaria jarriko da salgai. Bere ohiko eskemari jarraituz, Adur Ezenarro alkatearen agurrak zabaltzen du aldizkaria, eta jarraian hainbat artikulu, besteak beste: “Ordizia 750” urteurreneko ekintzen laburpena, “Denboraren kapsula” ekimenaren testigantzak;  Martin Garcia Garmendiaren ohiko artikuluak, aurten Gazteluzar etxeari eta Arrikrutzeko leoiari eskainiak; Iñaki Hidalgok berriz, errepaso ematen dio orain duela 100 urteko historiari; Patxi Garmendia “Mendigar”-ek artikulu interesgarria idatzi du komunikazio bideen inguruan; edota Beatriz Gallego Muñozen zenbait apunte Ordiziako emakumeen eta lanaren inguruan.

Egun gutxi falta dira festak eztanda egiteko eta jada Ordizia motorrak berotzen ari da. Ordiziako Udalak, herriko eragile guztien laguntzaz, haur eta helduentzako egitarau zabala antolatu du. Aurten gainera, berritasunak ere egongo dira.

Uztailaren 20an esaterako, larunbatean, goizeko 10:00etan Udaletxeko Batzar Aretoan 2018 urtean jaiotako haurrei ongi etorria egingo die Ordiziako Udalak. Lehengoz egiten den ekitaldia da honakoa eta jaiotako haurren familiak elkar ezagutu eta goiz polita pasatzea du helburu. Izan ere, ekitaldira haur jaioberriak ez ezik, euren familiartekoak ere gonbidatuta egongo dira. Udalak mokadutxo bat hartzera gonbidatuko ditu guztiak eta haurrei opari gisa, Ordiziako festetako ikurra den zapi urdina emango zaie.

PANTAILA ERRALDOIAK GARAGARTZA PLAZAN ETA ARBOLEDAN

Aurtengo beste berritasuna danborrada egunerako eta Santiago egunean ospatuko den Txirrindulari probarako prestatu da. Helduen danborrada Garagartza plazan ere ikusi ahal izango da. Pantaila erraldoia jarriko da bertan eta Plaza Nagusiko ekitaldi osoa jarraitu ahal izango da zuzenean, eroso ikusi ahal izateko gainera, eserlekuak ere jarriko dira bertan.

Santiago egunean berriz, pantaila hori Arboleda ingurura mugituko da eta Nazioarteko XCVI.Ordiziako Klasika Txirrindulari probaren zuzeneko seinalea izango da.

Santa Ana jaietako egutarau osoa

Uztailaren 19ra arte eman ahal izango da izena eta 22an egingo da zozketa.

Aurreko urteetan bezala, Ordiziako Udalak udaletxeko areto nagusiko balkoitik uztailaren 24ko danborrada ikusteko aukera emango die 10 ordiziarrei.  Balkoian egoteko interesa dutenek eskaera egin behar dute udaletxeko herritarren arreta bulegoan (astelehenetik ostiralera 08:00etatik 13:30etara) edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera idatzita, izen-abizenak eta telefono zenbakia emanez. Ordizian erroldatua egotea derrigorrezkoa da. Lekua mugatua denez, izena ematen dutenen artean zozketa egingo da eta aukeratua izango duen pertsona bakoitzak balkoira lagun bat eraman ahalko du. Eskaera epea uztailaren 19an, ostirala (barne) amaituko da, eta uztailaren 22an, astelehena, egingo da zozketa.

Datorren asteartean, uztailaren 9an, arratsaldeko 18:30ean Udaletxean herriko koadrilekin bilera egingo da honako gaiei buruz  hitz egiteko: 1.- Jai egitaraua + aurrekontua   2.- 25eko gaupasa

 Bestalde, Koadrila egunean parte hartzeko asmoa duten guztiei ondorengo agiriak aurkeztu behar dituztela jakinarazten zaie:

            -Koadrilako partaideen zerrenda (partaide bakoitzaren N.A.N jarrita)