Ordiziako Udalak eta Gipuzkoako Foru Aldundiak antolatuta, Barroko Aire zikloari amaiera emango zaio igande honetan. Aquam Lauda, ahots zurien abesbatzak, kontzertua emango du, Javier Busto zuzendariaren gidaritzapean, 18:30ean.

Programan Tomas Luis de Victoria-ren moteteak, Monteverdi-ren kantak eta bukatzeko Gregorio Allegri-ren Misererea kantak aurkitu daitezke, inoiz idatzi ez den pieza koral ederrenetariko bat. Aquam Lauda taldea 2014an sortu zen, emakume abesbatzentzat sortutako musika zabaltzeko asmoarekin. Koruak programa eklektikoekin lan egiten du, eta bere asmo nagusia entzuleengana iristea eta bere abeslarien ahotsekin zirrarak berpiztea da.

Bere obra koralak Euskal Herria, Alemania, AEB, Frantzia, Japonia eta Britainia Handian argitaratzen dira.

Ordizian eskainiko duten programa ondo bereizitako hiru partetan banatuko da. Lehenean, Tomás Luis de Victoria-ren musika zoragarria eskainiko dute, Aste Santuko  lau errespontsuak eta jaunartzerako motete bat. Bigarren blokean Claudio Monteverdi-ren LAU CANZONETTE interpretatuko dute, lau lanetan maitasuna eta maitasun-ezagatik mina agerian dago, musikaren historiako konpositoreen arteko oso ohiko gaia  eta garai barroko honetako era oso berezian erabilia.

Eta kontzertuari amaiera emateko  Gregorio Allegri-ren lan batekin bukatuko dute,  XVII. mendean Urbano VIII. Aita Santuaren pontifikatuan zeharreko  idatzita, MISERERE MEI DEUS, zeinetako Bustok berak seinalatzen du: “Ez dugu ezagutzen ahots berdineko koruarentzako lan honetako bertsiorik eta hura transkribatzea eta hainbeste musika-edertasunez gozatzea atrebentzia izan dugu”, beraz estreinaldiko egokitzapenaren aurrean aurkitzen gara..

Amaiera bikaina XXXIV. Barroko Aire ediziorako, igande honetan, Ordiziako Eliz Parrokian arratsaldeko 18:30ean.

Aurrera jarraitzen du Ordizian musika barrokoari eskainitako zikloak. Igande honetan izango da Barroko Aire egitarauaren hirugarren kontzertua, herriko Elizan, arratsaldeko 18.30etan, doan. Bertan, proposamen interesgarria Fabio Biondi biolista italiarraren aparteko kontzertua Telleman, Biber eta J.S. Bach musikarien lanekin.

Fabio Biondi, Palermon jaioa, Salvatore Cicerorekin hasi zituen biolin ikasketak eta gazte-gaztetik bereiztu zen agertu zuen talentuari esker. Azkar ezagutu zituen eskola barroko berriaren aitzindariak eta horrek musikari buruz zuen ikuspegia aberastu zuen, bere karrera behin betiko markatuz. hamabi urte zituela hasi zuen nazioarteko bere karrera RAlren Orkestra Sinfonikoarekin bakarlari gisa emandako kontzertu batean. Hamasei urte zituela Vienako Musikvereinek gonbidatu zuen Bachen biolin kontzertuak jotzera. Harrezkero zenbait ensemblerekin lan egin izan du, hala nola, Cappella Real, Musica Antiqua Wien, Seminario Musicale, La Chapelle Royale eta Les Musiciens du Louvrerekin (sortu zenetik). Horiek denak musika barrokoaren interpretazioan espezializatuak dira, eta jatorrizko teknikak eta musika tresnak (edo haien kopiak) erabiltzen dituzte.

Gaur, ostirala, 19:00etan, inauguratuko da Barrena kultur etxeko erakusketa aretoan Ortzadar Elkartearen argazki erakusketa. 

Azaroaren 11tik 29ra egongo da ikusgai X. erakusketa eta ordutegia 18:00etatik 20:00etara izango da.

Ortzadar Argazki Elkarteko hainbat partaideren lanak daude ikusgai: Anaitze Jauregi, Amaia Oar-Arteta, Angel Fernandez “Sakatxa”, Carlos Iraeta, Francisco Albarran, Iñaki Hidalgo, Jose Ignacio Rodriguez, Joxemi Romero eta  Miguel Cavero, besteak beste.

Erakusketan Ortzadarreko 9  bazkideren 34 argazkiak jasotzen dira eta beraien begiradaren bitartez, irudien bitartez, paisaiak, begiradak, objektuak, uneak eta abar jasotzen dira era oso pertsonalean eta aparteko sentipen eta emozioak eskaini eta islatzen dituzte.

Ordiziako Udalak eta Gipuzkoako Foru Aldundiak antolatutako Barroko Aire kontzertu zikloarekin jarraituz, igande honetan, hilak 10, Ordiziako Parrokia Elizan, arratsaldeko 6:30etan, bigarren kontzertua entzuteko aukera izango da: Brillant Magnus Quintet musikariena, alegia. Aurkeztuko duten programan Bach, Vivaldi, Haendel, edota Monteverdiren lanak entzuteko aukera izango da.

Brillant Magnus Quintet bosteko bat da, hiru tronpetak, perkusioak eta organoak (pianoa) osatzen dutena. Haren kideak honakoak dira: Juan Ignacio Lozano Martínez, Luis Martínez Martínez eta Javier Martínez Guillén tronpeta jotzaileak, Eva María Sánchez Gómez perkusio jotzailea eta M.ª Esther Ciudad Caudevilla organo jotzailea.

Hamabi urteko ibilbidea dute; guztira sei CD argitaratu dituzte eta 400 kontzertu baino gehiago eskaini musika ziklo garrantzitsuetan: Segoviako Nazioarteko Musika Jaialdian, Malagako Katedraleko Kontzertuen XXXIV. Zikloan, Ilargiaren Argiaren peko Kontzertuen XIII. Zikloan, Albaceteko Organo Historikoen Kontzertuen Zikloan, Torreciudadeko Nazioarteko Organo Zikloan, Terueleko Organoaren XXXVII. Zikloan, Terueleko XXXVI. Musika Astean, “José de Nebra” Musika Barrokoaren Nazioarteko Jaialdian eta Molinosko “Música y Palabra” Zikloan.

Hemen bideo batzuk:

https://www.youtube.com/watch?v=Pzs_HJ6tNzI&list=RDqsIXTtzAxic&index=3

https://www.youtube.com/watch?v=zUhTu5riws0

https://www.youtube.com/watch?v=qsIXTtzAxic